BI. MEENA ATAKA UTAFITI KUWA CHACHU YA MAENDELEO YA SEKTA ZA MIFUGO NA UVUVI

Katibu Mkuu wa Wizara ya Mifugo na Uvuvi, Bi. Agness Meena, amesema kuwa utafiti una nafasi kubwa katika kuleta mageuzi na maendeleo endelevu ya sekta za mifugo, uvuvi na ukuzaji viumbe maji nchini, hivyo ni muhimu kuhakikisha agenda za utafiti zinaendana na mahitaji ya sasa na ya baadaye ya Taifa.

Bi. Meena amesema hayo leo Juni 9, 2026, wakati akifungua Warsha ya Wadau ya Kupitia Ajenda za Taifa za Utafiti wa Mifugo pamoja na Uvuvi na Ukuzaji Viumbe Maji za mwaka 2026–2030 iliyofanyika katika Ukumbi wa Brand Hotel jijini Dodoma.

Amesema uwepo wa wadau mbalimbali kutoka taasisi za serikali, sekta binafsi, vyuo vikuu, taasisi za utafiti, mashirika ya maendeleo, mamlaka za serikali za mitaa na wadau wengine wa sekta hizo unaonesha dhamira ya pamoja ya kutambua mchango wa utafiti katika kukuza uchumi wa Taifa.

"Serikali kupitia Wizara ya Mifugo na Uvuvi imeendelea kuimarisha shughuli za utafiti kwa kuanzisha taasisi maalumu za utafiti ambazo ni Taasisi ya Utafiti wa Mifugo Tanzania (TALIRI) na Taasisi ya Utafiti wa Uvuvi Tanzania (TAFIRI), zenye jukumu la kusimamia, kuratibu na kuendesha tafiti za kisayansi katika sekta hizo." Amesema Bi. Meena

Amesema vipaumbele vya utafiti katika sekta za mifugo na uvuvi vimelenga kuongeza uzalishaji, kuboresha ubora wa mazao kupitia mbari bora za mifugo na samaki, kudhibiti magonjwa, kuongeza thamani ya mazao, kuimarisha matumizi endelevu ya rasilimali na kuongeza kipato cha wafugaji pamoja na wavuvi nchini.

Aidha, Bi. Meena amebainisha kuwa ajenda zilizokuwa zikitumika zilifikia mwisho wa utekelezaji mwaka 2025, hivyo kuna umuhimu wa kuzifanyia mapitio ili ziendane na mabadiliko ya kiteknolojia, kiuchumi na kimazingira yanayoendelea kutokea duniani.

Hata hivyo amezitaka timu za wataalamu kuhakikisha ajenda mpya zinazingatia Dira ya Taifa ya Maendeleo 2050, Mpango wa Taifa wa Maendeleo wa Miaka Mitano, Malengo ya Maendeleo Endelevu (SDGs) na vipaumbele vya Serikali kwa lengo la kuondoa umaskini na kuongeza ajira kwa vijana na wanawake

Kwa upande wake Mkurugenzi wa Idara ya Utafiti Mafunzo na Ugani wa Wizara ya Mifugo na Uvuvi Bw. Samweli . Mdachi ameeleza mchakato wa kuandaa ajenda hizo ambazo zinalenga kuongoza utekelezaji wa tafiti zenye tija Kwa kipindi cha mwaka 2026 hadi 2030 kwa kuzingatia Dira ya Taifa ya maendeleo 2050.

Katibu Mkuu wa Wizara ya Mifugo na Uvuvi, Bi. Agness Meena, akizungumza na Wataalamu na wadau wa Sekta ya Mifugo na Uvuvi wakati wa kikao kazi cha kupitia Ajenda ya Taifa ya Utafiti wa Mifugo 2026–2030 na Ajenda ya Taifa ya Utafiti wa Uvuvi na Ukuaji Viumbe Maji 2026–2030, kilichofanyika katika ukumbi wa Brand Hotel, jijini Dodoma, Juni 9, 2026. Bi. Meena alisisitiza umuhimu wa utafiti katika kuimarisha tija, ushindani na maendeleo endelevu ya sekta za mifugo na uvuvi nchini.

Mkurugenzi wa Idara ya Utafiti, Mafunzo na Ugani, Bw. Samweli  Mdachi( aliyesimama),  akitoa utangulizi kwa Wataalamu na wadau wa Sekta ya Mifugo na Uvuvi wakati wa kikao kazi cha kupitia Ajenda ya Taifa ya Utafiti wa Mifugo na Ajenda ya Taifa ya Utafiti wa Uvuvi na Ukuaji Viumbe Maji za mwaka 2026–2030, kilichofanyika Brand Hotel, jijini Dodoma, Juni 9, 2026.

Mkurugenzi wa Utafiti kutoka TALIRI, Dkt. Andrew Chota( aliyesimama ),akitoa salamu za Kamati kwa niaba ya Mwenyekiti wakati wa kikao kazi cha kupitia Ajenda za Taifa za Utafiti wa Mifugo na Uvuvi za mwaka 2026–2030, kilichofanyika Brand Hotel, jijini Dodoma, Juni 9, 2026.

Wataalamu na wadau wa Sekta ya Mifugo na Uvuvi wakifuatilia majadiliano wakati wa kikao kazi Cha kupitia Ajenda ya Taifa ya Utafiti wa Mifugo 2026_2030 na Ajenda ya Taifa ya Utafiti wa Uvuvi na Ukuzaji Viumbe Maji 2026_2030, kilichofanyika Katika Ukumbi wa Brand Hotel, jijini Dodoma Juni 9, 2026

Katibu Mkuu wa Wizara ya Mifugo na Uvuvi, Bi. Agness Meena (aliyekaa katikati), akiwa kwenye picha ya pamoja na kamati ya  wataalamu na wadau wa sekta ya mifugo na uvuvi( Technical Team), walioshiriki kikao kazi cha kupitia Ajenda za Taifa za Utafiti wa Mifugo na Uvuvi za mwaka 2026–2030, kilichofanyika Brand Hotel jijini Dodoma, Juni 9, 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma