BI. MEENA AMTAKA MKANDARASI KUKAMILISHA SOKO LA SAMAKI KIPUMBWI KWA WAKATI

◾Mradi wafikia asilimia 60 za utekelezaji.

Katibu Mkuu wa Wizara ya Mifugo na Uvuvi, Bi. Agnes Kisaka Meena, amemtaka Mkandarasi wa Kampuni ya World Class Engineering Contractors Limited kuongeza kasi ya ujenzi wa Soko la Samaki la Kipumbwi, lililopo Wilaya ya Pangani, mkoani Tanga, ili mradi huo ukamilike kwa wakati na kuanza kutoa huduma kwa Wavuvi na wadau wa Sekta.

Akizungumza leo Juni 27, 2026, wakati wa ziara yake ya kikazi ya kukagua maendeleo ya ujenzi wa Masoko ya Samaki Mkoani Tanga, Bi. Meena amesema Soko la Samaki la Kipumbwi ni miundombinu muhimu kwa maendeleo ya Sekta ya Uvuvi, kwani litawawezesha wavuvi na wafanyabiashara wa mazao ya uvuvi kuongeza thamani ya bidhaa zao, kukuza biashara na kuinua vipato vyao, hivyo kuchangia ukuaji wa uchumi wa wananchi na Taifa kwa ujumla.

Amesema pamoja na umuhimu wa mradi huo, utekelezaji wake umefikia asilimia 60 pekee, huku ukitarajiwa kukamilika ifikapo Juni 30, 2026.

"Fedha zote za mradi zipo tayari, hivyo ni wajibu wa mkandarasi kuhakikisha ujenzi unakamilika kwa wakati ili wananchi waanze kunufaika na soko hili kwa kuuza mazao yao ya uvuvi," amesema Bi. Meena.

Aidha, Bi. Meena amesema kwa sasa hawezi kutangaza muda wa nyongeza kwa mkandarasi, bali ameagiza wataalam wa Wizara ya Mifugo na Uvuvi kufanya kikao na mkandarasi ili kuandaa mpango kazi wa kina utakaoainisha hatua za kuhakikisha mradi unakamilika kwa haraka.

Bi. Meena pia amesisitiza umuhimu wa kuongeza idadi ya wafanyakazi katika eneo la mradi, akieleza kuwa nguvu kazi iliyopo kwa sasa haitoshi kukamilisha ujenzi ndani ya muda unaohitajika.

Amefafanua kuwa Mradi wa Soko la Samaki la Kipumbwi unatekelezwa kupitia Programu ya Kuendeleza Kilimo na Uvuvi (AFDP), kwa ufadhili wa Shirika la Maendeleo ya Kilimo la Kimataifa (IFAD).

Kwa upande wake, Mwakilishi wa Mkurugenzi wa Uendelezaji wa Miundombinu wa Wizara ya Mifugo na Uvuvi, Mhandisi Laula Cleophace, amesema wamepokea maelekezo ya Katibu Mkuu na wataendelea kushirikiana kwa karibu na mkandarasi ili kuhakikisha ujenzi wa soko hilo unakamilika kwa wakati.

Naye, Mkandarasi wa Kampuni ya World Class Engineering Contractors Limited, Mhandisi Abdul Mustapha, amesema wamepokea maelekezo yote yaliyotolewa na Katibu Mkuu na wamejipanga kuongeza nguvu kazi pamoja na kuimarisha usimamizi wa shughuli za ujenzi ili kuhakikisha mradi unakamilika kwa wakati uliokusudiwa.

Katibu Mkuu Wizara ya Mifugo na Uvuvi, Bi. Agnes Kisaka Meena, akizungumza na Mkandarasi wa Kampuni ya World Class Engineering Contractors Limited na wataalam wa Serikali kuhusiana na Maendeleo ya Mradi wa Ujenzi wa Soko la Samaki Kipumbwi, wakati wa ziara yake ya kikazi Wilayani Pangani, Juni 27, 2026 Tanga.

Naibu Katibu Mkuu Wizara ya Mifugo na Uvuvi (Uvuvi), Prof. Mohamed Sheikh (wa pili kushoto), akitoa mapendekezo yake kuhusiana na Maendeleo ya Mradi wa Ujenzi wa Soko la Samaki Kipumbwi, wakati wa ziara ya kikazi ya Katibu Mkuu wa Wizara hiyo Wilayani Pangani, Juni 27, 2026 Tanga.

Katibu Mkuu Wizara ya Mifugo na Uvuvi, Bi. Agnes Kisaka Meena (wa tano kulia), akikagua Miundombinu ya Mradi wa Ujenzi wa Soko la Samaki Kipumbwi, wakati wa ziara yake ya kikazi Wilayani Pangani, Juni 27, 2026 Tanga.

Picha ni muonekano wa Maendeleo ya Mradi wa Ujenzi wa Soko la Samaki Kipumbwi, uliopo Wilayani Pangani, Juni 27, 2026 Tanga.

Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

TANGAZO LA NAFASI ZA KAZI

JAMHURI YA MUUNGANO WA TANZANIA             WIZARA YA MAENDELEO YA MIFUGO NA UVUVI TANGAZO LA NAFASI ZA KAZI Serikali kupitia Wizara ya Maendeleo ya Mifugo na Uvuvi imepanga kuajiri maafisa walioorodheshwa hapa chini katika mwaka 2011/12 hivyo tunapenda   kuwatangazia Watanzania wote wenye sifa zilizoainishwa watume barua za maombi ya kazi zifuatazo: 2. Daktari Mifugo Mkufunzi Daraja la II (Veterinary Tutor II) (Nafasi 5) (a)                Sifa za waombaji Wawe wamehitimu Shahada ya kwanza   ya Sayansi ya tiba ya Mifugo kutoka Chuo Kikuu cha Kilimo Sokoine au Chuo kingine kinachotambuliwa na Serikali waliosajiliwa na Bodi ya Madaktari wa Mifugo Tanzania (b)                Majukumu -              ...
Endelea kusoma