WIZARA YA MIFUGO NA UVUVI KUIMARISHA USHIRIKIANO NA EQUITY BENKI

Waziri wa Mifugo na Uvuvi, Mhe. Balozi Dkt. Bashiru Ally Kakurwa, amekutana na Watendaji Wakuu wa Benki ya Equity, na kufanya nao mazungumzo ambayo yalilenga kuboresha na kukuza Sekta za Mifugo na Uvuvi kwa kuwawezesha Wafugaji na Wavuvi kupata mikopo kwa urahisi zaidi.

Akizungumza leo Aprili 23, 2026 Jijini Dodoma katika Kikao cha kuimarisha mashirikiano hayo ili kukuza Sekta hizo, kikao kilichofanyika katika Ofisi ndogo za Wizara hiyo zilizopo Kambarage Towel, Mhe. Balozi Dkt. Bashiru, amesema Wizara kwa sasa inaendelea kukutana na wadau mbalimbali wa Sekta za Mifugo na Uvuvi ili kuweza kuwaelezea malengo ya Serikali katika kukuza Sekta zote mbili na kuona namna za kukuza Sekta hizo.

"hii yote imelenga katika kusikiliza changamoto zao mbalimbali pamoja na maoni yao, katika kuimarisha Sekta hii na ndio mana leo tumekutana na Uongozi wa Benki ya Equity ili kuangalia namna gani wafugaji na wavuvi wanaweza pata mikopo ili waweze kutanua wigo wa shughuli zao za biashara" amesema Mhe. Balozi Dkt. Bashiru 

Aidha, Mhe. Balozi Dkt. Bashiru ameweka wazi kuwa wafugaji wengi na wavuvi wengi wana mahitaji mbalimbali, ikiwemo vifaa vya kufanyia shughuli zao, kama vifaa vya kulimia Malisho, Vizimba pamoja na Miundombinu mbalimbali ambayo itawawezesha katika kutekeleza shughuli zao kwa urahisi zaidi.

Vilevile, Mhe. Balozi Dkt. Bashiru amewasihi Benki ya Equity kuendelea kutoa mikopo kwa wafugaji na wavuvi, ikiwemo wafugaji walioanza kufuga kisasa, kuwakopesha ili waweze kuendeleza shughuli zao Kisekta na hatimae waweze kukua katika shughuli zao za biashara.

Pia, Mhe. Balozi Dkt. Bashiru amebainisha kuwa Sekta hizo zina Mchango Mkubwa sana katika kuinua Pato la Taifa, na zinatakiwa kuchangia kwa asilimia 10% katika pato hilo ili kuingia kwenye Uchumi wa kati wa ngazi ya juu, na ameweka wazi kuwa Wizara inatambua michango ya Benki hizo katika kuwainua wafugaji na wavuvi kwa kuwapatia mikopo ambayo imekuwa msaada kwao, na amezishukuru Benki hizo na kuwaomba waendelee kuwawezesha Wafugaji na Wavuvi.

Kwa upande wake, Mkurugenzi Mtendaji wa Benki ya Equity Tanzania, Bi. Isabela Maganga amesema wao kama Benki ya Equity wameyapokea maoni ya Mheshimiwa Waziri na wataanza mchakato mapema wa kuhakikisha wafugaji na wavuvi wanapata mikopo mbalimbali ili kuweza kuwainua katika shughuli zao.



Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma