WIZARA YA MIFUGO NA UVUVI IMEFUNGUA MAFUNZO YA UFUATILIAJI WA VYOMBO VYA UVUVI (VESSEL MONITORING SYSTEM – VMS & AIS)

Na Herry Kilele – Bagamoyo, Pwani

Wizara ya Mifugo na Uvuvi imefungua mafunzo ya siku tano kwa wataalamu wa Sekta ya Uvuvi yenye lengo la kujenga uelewa wa matumizi ya mifumo ya ufuatiliaji wa vyombo vya uvuvi (VMS na AIS), hatua inayolenga kuimarisha usimamizi wa rasilimali za uvuvi na kukabiliana na uvuvi haramu nchini.

Akizungumza Mei 5, 2026 wakati wa ufunguzi wa mafunzo hayo, akimuwakilisha Mkurugenzi wa Uvuvi, Bi. Lilian Ibengwe, Afisa Uvuvi Mwandamizi kutoka Wizara ya Mifugo na Uvuvi, alisema:

“Tanzania imebahatika kuwa na rasilimali nyingi za uvuvi, jambo linaloiweka nchi miongoni mwa mataifa 10 yanayoongoza kwa uzalishaji wa samaki kutoka maji ya asili Barani Afrika.”

Alibainisha kuwa Sekta ya Uvuvi inachangia asilimia 1.8 ya Pato la Taifa na kutoa ajira kwa zaidi ya Watanzania milioni 6.

Aidha, alieleza kuwa pamoja na mchango huo mkubwa, bado kuna changamoto ya kiwango cha chini cha ulaji wa samaki kwa Mtanzania, ambacho ni wastani wa kilo 7.9 kwa mtu kwa mwaka, ikilinganishwa na kiwango kinachopendekezwa kimataifa cha kilo 20.

Kwa mujibu wa Wizara, mifumo ya VMS na AIS ni nyenzo muhimu katika kufuatilia mienendo ya vyombo vya uvuvi, hususani katika kukabiliana na vitendo vya uvuvi haramu. Mifumo hiyo tayari imeunganishwa na vituo vya ufuatiliaji vilivyopo Dar es Salaam (Mvuvi House) na Zanzibar.

Bi Lilian ameelezwa kuwa Serikali ilianza kutumia mfumo wa VMS mwaka 2017 kwa meli za uvuvi wa kambamiti na imeendelea kupanua wigo wa matumizi yake kwa boti za ndani zenye urefu wa mita 10 na zaidi. Jitihada pia zinaendelea kuhakikisha wavuvi wadogo wanajumuishwa kupitia miradi mbalimbali ikiwemo ECOFish na Mradi wa Usimamizi Endelevu wa Uvuvi na Ufugaji wa Viumbe Maji Tanzania (TASFAM).

Katika kuimarisha ufuatiliaji, Serikali imeunganisha mifumo ya VMS na AIS pamoja na teknolojia ya picha za satelaiti ili kubaini vyombo vinavyokiuka sheria. Vilevile, inaendelea na jitihada za kuunganisha mifumo hiyo kikanda na nchi jirani zikiwemo Kenya, Msumbiji na Shelisheli.

Bi. Lilian alieleza kuwa mifumo hiyo ni muhimu katika kulinda rasilimali za uvuvi kwa kuhakikisha ufuatiliaji wa vyombo unafanyika saa 24 kwa siku, siku saba kwa wiki.

Mafunzo hayo yamehusisha wataalamu wa mifumo ya ufuatiliaji wa vyombo vya uvuvi kutoka Kilwa, Mafia, Dar es Salaam, Tanga Mtwara, Shirika la Uwakala wa Meli Tanzania (TASAC), Mamlaka ya Usimamizi wa Uvuvi wa Bahari Kuu (Deep Sea Fishing Authority), TANTRADE. Pamoja na wataalamu kutoka Wizara ya Mifugo na Uvuvi makao makuu Dodoma.

Washiriki wa mafunzo hayo wamehimizwa kutumia fursa hiyo kujifunza kwa kina na kuchangia mawazo yatakayosaidia kuboresha mifumo hiyo kwa manufaa ya Sekta ya Uvuvi na Taifa kwa ujumla.

Mafunzo hayo ni sehemu ya mkakati wa Serikali wa kuwajengea uwezo wataalamu wa ufuatiliaji wa vyombo vya uvuvi ili kuhakikisha usimamizi endelevu wa rasilimali za uvuvi kwa kizazi cha sasa na kijacho, sambamba na utekelezaji wa Dira ya Maendeleo ya Taifa 2050.




Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma