SERIKALI YAENDELEA KUSISITIZA ULINZI NA USTAWI WA PUNDA AFRIKA

Na Chiku Makwai – Geita

Serikali imeendelea kusisitiza umuhimu wa kulinda na kuhifadhi punda kama rasilimali muhimu katika maendeleo ya jamii, hususan kwa wananchi wa maeneo ya vijijini wanaotegemea wanyama hao katika shughuli mbalimbali za kiuchumi na kijamii.

Akizungumza wakati wa Maadhimisho ya Siku ya Punda Duniani yaliyofanyika leo Mei 8, 2026 katika eneo la Mgusu mkoani Geita, Mkuu wa Wilaya ya Geita Mhe. Hashim Komba kwa niaba ya Mkuu wa Mkoa wa Geita ambaye alikuwa mgeni rasmi wa maadhimisho hayo, amesema siku hiyo inalenga kuhamasisha jamii kutambua mchango mkubwa wa punda katika ustawi wa maisha na uchumi wa wananchi.

Aidha, Mhe. Komba amesema Serikali inaendelea kusisitiza umuhimu wa kuzingatia haki za ustawi wa wanyama kama zilivyoainishwa katika Sheria ya Ustawi wa Wanyama Na. 19 ya mwaka 2008, ikiwemo haki ya kupata chakula na maji, kutoteswa, kupatiwa matibabu, kuishi bila hofu pamoja na kuwekwa katika mazingira yanayoruhusu kuonesha tabia zao za asili.

Amesisitiza kuwa wananchi na wafugaji wanapaswa kuhakikisha wanawatunza punda kwa kuzingatia misingi hiyo ili kuongeza tija pamoja na kulinda kizazi cha wanyama hao kwa manufaa ya sasa na ya baadaye. Pia amesema Serikali inaendelea kutekeleza Azimio la Dar es Salaam la mwaka 2022 lililopitishwa na Umoja wa Afrika, linalopiga marufuku uchinjaji wa punda na biashara ya ngozi zake kwa kipindi cha miaka 15.

Vilevile, Mhe. Komba amezitaka taasisi za utafiti ikiwemo Taasisi ya Utafiti wa Mifugo Tanzania (TALIRI) kushirikiana na wadau mbalimbali kufanya tafiti zaidi kuhusu uzalishaji na uhifadhi wa punda nchini, huku akitoa wito kwa jamii na wadau wa ustawi wa wanyama kuendelea kushirikiana katika kulinda punda dhidi ya vitendo vinavyohatarisha uwepo wao barani Afrika.

Kwa upande wake, Daktari wa Mifugo kutoka Shirika la INADES Formation Tanzania, Ndg. Charles Bukula amesema katika huduma za kliniki zilizotolewa wakati wa maadhimisho hayo, jumla ya punda 783 wamepatiwa matibabu mkoani Geita. Aidha, wanafunzi 5,105 pamoja na walimu 80 wamepatiwa elimu kuhusu ustawi wa punda kupitia programu za uhamasishaji zilizofanyika mashuleni.








Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma