SERIKALI, BENKI YA DUNIA ZAJADILI KUIMARISHA SEKTA ZA MIFUGO NA UVUVI

Waziri wa Mifugo na Uvuvi, Bashiru Ally Kakurwa, amekutana na Mkurugenzi wa Kanda wa Benki ya Dunia anayeshughulikia Sekta ya Mazingira kwa Ukanda wa Afrika Mashariki na Kusini, Bi. Anna Wellenstein, na kufanya mazungumzo yaliyolenga kuimarisha ushirikiano kati ya Serikali na Benki hiyo katika kuendeleza sekta za mifugo na uvuvi nchini.

Mazungumzo hayo ni sehemu ya ziara ya ujumbe wa Benki ya Dunia nchini Tanzania iliyoanza leo Mei 11 hadi 13, 2026, ikiwa na lengo la kuimarisha ushirikiano kati ya Serikali na Benki hiyo katika sekta za maji, kilimo na mazingira.

Majadiliano hayo yamejikita katika kutathmini utekelezaji wa miradi mbalimbali inayofadhiliwa na Benki ya Dunia, ikiwemo Mradi wa Kukuza Usimamizi Endelevu wa Uvuvi na Ukuzaji Viumbe Maji wa Bahari Tanzania (TASFAM), pamoja na kubaini maeneo mapya ya ushirikiano yatakayochangia maendeleo endelevu ya wananchi na ukuaji wa uchumi wa Taifa.

Katika mazungumzo hayo yaliyofanyika katika Ofisi ya Waziri Mkuu jijini Dodoma, Bi. Wellenstein aliambatana na viongozi kutoka Benki ya Dunia, akiwemo Mkurugenzi wa Sekta ya Maji, huku Kwa upande wa Serikali, Balozi Dkt. Bashiru Ally Kakurwa aliambatana na Katibu Mkuu wa Wizara ya Mifugo na Uvuvi, Bi. Agnes Meena, Naibu Katibu Mkuu (Mifugo), Dkt. Fabian Madele, pamoja na watendaji mbalimbali wa Wizara.

Waziri wa Mifugo na Uvuvi Mhe. Balozi Dkt. Bashiru Ally Kakurwa alipokuwa akizungumza na Benki ya Dunia kuhusu kuimarisha wa Sekta za mifugo na uvuvi, ikiwa ni sehemu ya ziara ya ujumbe wa Benki hiyo nchini Tanzania iliyoanza leo Mei 11 hadi 13, 2026.

Mkurugenzi wa Kanda wa Benki ya Dunia kwa Ukanda wa Afrika Mashariki na Kusini anayeshughulikia sekta ya Mazingira Bi. Anna Wellenstein akieleza jinsi Benki ya Dunia ilivyojipanga kuimarisha ushirikiano na Serikali ya Tanzania katika sekta za Kilimo, Maji na Mazingira wakati wa mazungumzo na Waziri wa Mifugo na Uvuvi Mhe. Balozi Dkt. Bashiru Ally Kakurwa leo Mei 11 hadi 13, 2026 katika Ofisi ya Waziri Mkuu Jijini Dodoma.

Waziri wa Mifugo na Uvuvi Mhe. Balozi Dkt. Bashiru Ally Kakurwa (wa kwanza kulia) alisikiliza maelezo kutoka kwa Mkurugenzi wa Kanda wa Benki ya Dunia katika Ukanda wa Afrika Mashariki na Kusini anayeshughulikia Sekta ya Mazingira Bi. Anna Wellenstein (watatu kushoto) kuhusu kuimarisha wa Sekta za mifugo na uvuvi, wakati wa mazungumzo leo Mei 11 hadi 13, 2026.

Waziri wa Mifugo na Uvuvi Mhe. Balozi Dkt. Bashiru Ally Kakurwa (katikati), Mkurugenzi wa Kanda wa Benki ya Dunia  ukanda wa Afrika Mashariki na Kusini anayeshughulikia Sekta ya Mazingira Anna Wellenstein (kushoto) na Katibu Mkuu wa Wizara Bi. Agnes Meena wakiwa kwenye Picha ya Pamoja baada ya mazungumzo  leo Mei 11 hadi 13, 2026.

Waziri wa Mifugo na Uvuvi Mhe. Balozi Dkt. Bashiru Ally Kakurwa (katikati), Mkurugenzi wa Kanda wa Benki ya Dunia anayeshughulikia Sekta ya Mazingira katika Ukanda wa Afrika Mashariki na Kusini Bi. Anna Wellenstein (kushoto, waliokaa) na Katibu Mkuu wa Wizara Bi. Agnes Meena wakiwa kwenye Picha ya Pamoja baada ya mazungumzo  leo Mei 11 hadi 13, 2026. Wengine kwenye picha hiyo ni wataalam wa wizara na Benki ya Dunia.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma