KAMATI YA BAJETI YAIPONGEZA WIZARA YA MIFUGO NA UVUVI

Kamati ya Kudumu ya Bunge ya Bajeti imeipongeza Wizara ya Mifugo na Uvuvi kwa kusimamia na kutekeleza vyema ujenzi wa mradi wa kielelezo wa bandari ya uvuvi ya Kilwa Masoko unagharimu shilingi Bilioni 280 ambo kukamilika kwake kunakadiriwa kuzalisha ajira 30,000 katika mnyororo mzima wa thamani wa sekta ya uvuvi nchini.

Pongezi hizo zimetolewa na Mwenyekiti wa Kamati ya Bunge ya Bajeti, Mhe. Mashimba Ndaki kwa niaba ya wajumbe wa kamati hiyo, wakati wa kikao cha uwasilishwaji wa  taarifa ya utekelezaji wa ujenzi wa Bandari ya Uvuvi Kilwa Masoko na Ununuzi wa Meli za Uvuvi wa Bahari Kuu uliofanywa na Wizara ya Mifugo na Uvuvi jijini Dodoma Mei 06, 2026.

Akizungumza baada ya kupokea taarifa hiyo, Mhe. Ndaki alimpongeza Waziri wa Mifugo na Uvuvi, Mhe. Balozi Dkt. Bashiru Ally Kakurwa na timu yake ya wataalam kwa kuweza kusimamia vyema maono ya Mhe. Rais, Dkt. Samia Suluhu Hassan.

“Niwapongeze Wizara ya Mifugo na Uvuvi kwa kuendelea na mradi wa Bandari ya Uvuvi Kilwa Masoko, tusiwe na bandari ya uvuvi isiyotumika, tuharakishe ununuzi wa meli ili kuiwekezesha bandari hiyo kufanya kazi na isiwe miongoni mwa miradi isiyotumika (white elephant), kwa hiyo Mheshimiwa Waziri bado mnayo kazi ya kufanya” alisema Mhe. Ndaki.

Kuhusu Ununuzi wa Meli za Uvuvi wa Bahari Kuu, Kamati hiyo imeishauri serikali kuanza kujitegemea kwa kununua meli zake yenyewe badala ya kutegemea wafadhili ambao wamekuwa wakichelewesha ununuzi wa meli hizo kutokana  na  masharti yao mbalimbali.

Awali, Waziri wa Mifugo na Uvuvi Mhe. Balozi Dkt. Bashiru Ally Kakurwa aliieleza Kamati hiyo kuwa ujenzi wa Bandari hiyo ambao umefikia asilimia 97 ambapo kwa mujibu wa mkataba, Mkandarasi wa Bandari hiyo atakabidhi bandari hiyo mnamo Mei 30, 2026 hatua itakayoifungua sekta ya uvuvi na uchumi wa buluu kwa ujumla.

Aidha. Mhe. Dkt. Bashiru aliishukuru kamati hiyo kwa kuwasimamia vyema na kuwapa ushauri na miongozo na mbalimbali ambayo imekuwa msaada mkubwa katika kuiwezesha wizara yake kutekeleza miradi ya kimkakati kama vile ujenzi wa bandari na ununuzi wa Meli na ugawaji wa vizimba vya kufugia samaki pamoja na boti za kisasa sa uvuvi.

Mwenyekiti wa Kamati ya Bunge ya Kudumu ya Bajeti Mhe. Mashimba Mashauri Ndaki akizungumza wakati wa Kikao cha kupokea taarifa ya Ununuzi wa Meli za Uvuvi wa Bahari Kuu na Ujenzi wa Bandari ya Uvuvi Kilwa Masoko zilizowasilishwa na Waziri wa Mifugo na Uvuvi mbele ya kamati hiyo Bungeni Jijini Dodoma Leo Mei 06, 2026.
Waziri wa Mifugo na Uvuvi Mhe. Balozi Dkt. Bashiru Ally Kakurwa akifafanua baadhi ya Hoja za Wajumbe wa Kamati ya Kudumu ya Bunge ya Bajeti wakati wa Kikao cha kuwasilisha taarifa ya Ununuzi wa Meli za Uvuvi wa Bahari Kuu na Ujenzi wa Bandari ya Uvuvi Kilwa Masoko zilizowasilishwa Bungeni Jijini Dodoma Leo Mei 06, 2026.

Wajumbe wa Kamati ya Bunge ya Kudumu ya Bajeti walivyochangia hoja mbalimbali baada ya  Waziri wa Mifugo na Uvuvi Mhe. Balozi Dkt. Bashiru Ally Kakurwa kuwasilisha taarifa ya Ununuzi wa Meli za Uvuvi wa Bahari Kuu na Ujenzi wa Bandari ya Uvuvi Kilwa Masoko mbele ya kamati hiyo Bungeni Jijini Dodoma Leo Mei 06, 2026.

Mwenyekiti wa Kamati ya Bunge ya Kudumu ya Bajeti Mhe. Mashimba Mashauri Ndaki akiongoza  Kikao cha kupokea taarifa ya Ununuzi wa Meli za Uvuvi wa Bahari Kuu na Ujenzi wa Bandari ya Uvuvi Kilwa Masoko zilizowasilishwa na Waziri wa Mifugo na Uvuvi mbele ya kamati hiyo Bungeni Jijini Dodoma Leo Mei 06, 2026.




Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma