DKT. MADELE ASISITIZA TAASISI ZA MIFUGO KUWAPA WAFUGAJI SULUHISHO LA KISASA NA LENYE TIJA

“Tunayo kazi kubwa ya kuhakikisha wafugaji wanapata majawabu ya changamoto zinazowakabili katika sekta ya mifugo. Matarajio yao makubwa ni kuona wanapata mbari bora za mifugo, mbegu bora za malisho pamoja na huduma bora za afya ya mifugo.”

Kauli hiyo imetolewa na Naibu Katibu Mkuu wa Wizara ya Mifugo na Uvuvi anayeshughulikia Sekta ya Mifugo, Dkt. Fabian Madele, wakati wa kikao chake na watumishi wa taasisi zilizo chini ya wizara hiyo kilichofanyika leo Mei 20, 2026 katika ukumbi wa Taasisi ya Utafiti wa Mifugo Tanzania (TALIRI) jijini Tanga.

Taasisi zilizoshiriki katika kikao hicho ni pamoja na TALIRI, Wakala wa Mafunzo ya Mifugo (LITA) pamoja na Wakala wa Maabara ya Veterinari Tanzania (TVLA).

Katika hotuba yake, Dkt. Madele amesema sekta ya mifugo ina nafasi kubwa katika kuchochea ukuaji wa uchumi wa Taifa, hivyo ni muhimu kwa taasisi zote za wizara kufanya kazi kwa weledi, ubunifu na mshikamano ili kuhakikisha wafugaji wanapata teknolojia sahihi za ufugaji kwa wakati.

Amesema upatikanaji wa teknolojia bora za mifugo, huduma za kitaalamu pamoja na tafiti zenye matokeo ya moja kwa moja kwa wafugaji ni nyenzo muhimu katika kuongeza uzalishaji, kuinua kipato cha wafugaji na kuchangia ongezeko la Pato la Taifa.

Aidha, Dkt. Madele ameitaka LITA kuhakikisha inaendelea kuzalisha wataalamu wenye ujuzi, maarifa na uwezo wa kukidhi mahitaji ya ufugaji wa kisasa na wa kibiashara unaozingatia ushindani wa soko la ndani na kimataifa.

Pia amesisitiza umuhimu wa watumishi wa taasisi hizo kufanya kazi kwa ushirikiano, uzalendo na uwajibikaji huku wakizingatia sheria, kanuni na taratibu za Utumishi wa Umma ili kuongeza ufanisi katika utoaji wa huduma kwa wananchi.

Akizungumza kwa niaba ya watumishi baada ya kikao hicho, Walter Mangesho Mtafiti kutoka TALIRI alimshukuru Dkt. Madele kwa maelekezo na hamasa aliyotoa kwa watumishi, akisema yameongeza ari mpya ya utendaji kazi na kuwapa mwelekeo wa kuendelea kuwahudumia wafugaji kwa ufanisi zaidi.

Bw. Mangesho amesema watumishi wa taasisi hizo wataendelea kushirikiana kwa karibu katika kutekeleza majukumu yao kwa weledi na kuhakikisha teknolojia, tafiti na huduma zinazotolewa zinakuwa na mchango wa moja kwa moja katika maendeleo ya sekta ya mifugo na ustawi wa wafugaji nchini.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma