DKT. BASHIRU ATAKA MKAKATI WA TASNIA YA KUKU UZINDULIWE NANE NANE 2026

Waziri wa Mifugo na Uvuvi, Mhe. Balozi Dkt. Bashiru Ally Kakurwa ameiagiza Ofisi ya Katibu Mkuu wa Wizara hiyo pamoja na Watendaji wake kuhakikisha inakamilisha uandaaji wa Mkakati wa Kitaifa wa Kuendeleza Tasnia ya Kuku nchini na kuuzindua mkakati huo wakati wa Maonesho ya Nane Nane ya Mwaka huu 2026.

Balozi Dkt. Bashiru amesema hayo wakati  akifungua rasmi Mkutano wa Ngazi ya Juu wa Wadau kuhusu Kilimo cha Mikataba, Uwezeshaji wa Fedha kwa Wakulima na Maendeleo ya Vyama vya Wakulima uliofanyika jijini Dodoma leo Mei 22, 2026 ambapo ameeleza kuwa kukamilishwa na kuzinduliwa kwa mkakati huo kutasaidia kuirasimisha tasnia ya kuku ambayo ina mchango mkubwa kwa uchumi na usalama.

"Tatizo Kubwa tulilonalo pamoja na sekta hii kuwa kubwa, ni sekta  ambayo haijarasimishwa wala kupewa hadhi inayostahili, ndio maana ndani ya wizara tunaandaa Mkakati wa Kitaifa wa Maendeleo ya sekta ya Kuku, Napenda kuelekeza Ofisi ya Katibu Mkuu Wizara ya Mifugo na Uvuvi na Wataalam wenzake nahitaji  mkakati huo uzinduliwe Katika  sherehe za Nane nane" amesema Balozi Dkt. Bashiru.

Kuhusu mkutano huo wa wadau Balozi Dkt. Bashiru  alitoa rai kwa taasisi za fedha kuongeza mikopo nafuu kwa vijana na wanawake waliopo katika minyororo ya thamani ya mahindi, soya, chakula cha mifugo na kuku na  kuahidi kuwa Serikali itaendelea kuboresha sera, mifumo ya kifedha, huduma za ugani na miundombinu ya masoko ili kuweka mazingira bora kwa wawekezaji na wakulima.

Awali Mkurugenzi wa Uendelezaji wa Nyanda za Malisho na Rasilimali za Vyakula vya Mifugo Dkt. Asimwe Rigwuza amesema uzalishaji wa vyakula vya mifugo kwa mwaka 2025/2026 ulifikia Tani 897,750 kati hizo vyakula vya kuku ni tani 610, 470,  nguruwe tani 197,505 na tani 89 ni kwa ajili ya ng'ombe, mbuzi na Kondoo ambapo kwa sasa mahitaji ya Soya kwa ajili  ya vyakula vya mifugo ni takriban tani 275,000 ikilinganishwa na uzalishaji wa sasa ya soya nchini ambayo ni  tani 13,585.

Naye Mkurugenzi Msaidizi wa Maendeleo ya Mazao kutoka Wizara ya Kilimo,  Bi. Kissa Chawe amesema kutokana na mahitaji ya zao la soya kuongezeka nchini, Wizara ya Kilimo kwa kushirikiana na Wizara ya Mifugo na Uvuvi zimeandaa  mkakati wa kuendeleza zao hilo unaotarajiwa kuzinduliwa hivi Karibuni ili kuimarisha mnyororo wa thamani.

Waziri wa Mifugo na Uvuvi, Balozi Dkt. Bashiru Ally Kakurwa akizungumza na wadau wakati wa Mkutano wa Ngazi ya Juu ya Wadau Kuhusu Kilimo cha Mikataba, Uwezeshaji wa Fedha kwa Wakulima na Maendeleo ya Vyama vya Wakulima uliofanyika  katika Ukumbi wa Mesuma Hall, Mei 22, 2026 Jijini Dodoma.

Waziri wa Mifugo na Uvuvi, Balozi Dkt. Bashiru Ally Kakurwa akifungua Mkutano wa Ngazi ya Juu ya Wadau Kuhusu Kilimo cha Mikataba, Uwezeshaji wa Fedha kwa Wakulima na Maendeleo ya Vyama vya Wakulima uliofanyika  katika Ukumbi wa Mesuma Hall, Mei 22, 2026 Jijini Dodoma.

Mkurugenzi wa Uendelezaji wa Nyanda za Malisho na Rasilimali za Vyakula vya Mifugo Dkt. Asimwe Rilwiguza akieleza hali ya uzalishaji wa vyakula vya mifugo nchini wakati wa Mkutano huo  uliofanyika  katika Ukumbi wa Mesuma Hall, Mei 22, 2026 Jijini Dodoma.




Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma