DKT. BASHIRU AHIMIZA KUDHIBITI UVAMIZI MASHAMBA YA MIFUGO

 ◾Awataka Watendaji wa Wizara kuendelea kufanya kazi Kisayansi

Na. Stanley Brayton, WMUV

Waziri wa Mifugo na Uvuvi, Mhe. Balozi Dkt. Bashiru Ally Kakurwa, amewahimiza Watendaji Wakuu wa Wizara hiyo kudhibiti uvamizi wa mashamba ya Mifugo na maeneo ya Uzalishaji wa Mifugo na Uvuvi ili maeneo hayo yaweze kutimiza malengo yaliyokusudiwa ya kuwa maeneo ya kuzalisha mazao ya Mifugo na Uvuvi.

Akizungumza leo Mei 9, 2026 Jijini Dodoma katika Kikao cha Baraza la Wafanyakazi wa Wizara hiyo, Dkt. Bashiru amesema kuwa mashamba ya Mifugo yamekuwa na changamoto kubwa kiasi cha maeneo hayo kumegwa na kufanyiwa matumizi mengine bila kufuata utaratibu wa kisheria.

"siridhishwi na uvamizi wa mashamba ya Mifugo, na umegaji wa maeneo hayo ambayo yalikuwa yamepangwa kwa ajili ya shughuli za Uzalishaji Mifugo" amesema Dkt. Bashiru 

Aidha, Dkt. Bashiru amewataka Watendaji Wakuu wa Wizara kuhakikisha Sekta za Mifugo na Uvuvi zinaendeshwa Kisayansi ili kuweza kuboresha Sekta hizo ambazo ni miongoni mwa Sekta muhimu nchini.

Vilevile, Dkt. Bashiru amewapongeza Watumishi wa Wizara hiyo na Taasisi zilizopo chini yake kwa kuwa na mshikamano na uvumilivu katika kutekeleza majukumu yao ambayo yamezaa matunda katika kuendeleza Sekta zote mbili.

Pia, Dkt. Bashiru amewataka Watendaji Wakuu wa Wizara kuboresha Utendaji wao ili kufikia kiwango kile cha utendaji ambao Taasisi unapaswa kuwa nao.

Kwa upande wake, Mwenyekiti wa Baraza la Wafanyakazi Wizara ya Mifugo na Uvuvi, ambaye ni Katibu Mkuu wa Wizara hiyo, Bi. Agnes Kisaka Meena, ameelezea majukumu ya Baraza la Wafanyakazi wa Wizara hiyo ikiwemo na kuishauri Wizara katika kutoa huduma nzuri na bora zinazohitajika kwa wafugaji na wavuvi.

Bi. Meena, amebainisha hali halisi ya utekelezaji wa Bajeti iliyopita ambapo katika mwaka 2025/26 Wizara iliidhinishiwa kutumia shilingi Bilioni 476, na kati ya fedha hizo shilingi Bilioni 111 ni matumizi ya kawaida, shilingi Bilioni 375 ni ya maendeleo ya Sekta za Mifugo na Uvuvi.

Waziri wa Mifugo na Uvuvi, Mhe. Balozi Dkt. Bashiru Ally Kakurwa, akihutubia Wajumbe wa Baraza la Wafanyakazi, katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Mwenyekiti wa Baraza la Wafanyakazi Wizara ya Mifugo na Uvuvi, ambaye ni Katibu Mkuu Wizara hiyo, Bi. Agnes Kisaka Meena, akielezea hali halisi ya Utendaji na utekelezaji wa Wizara, katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh, akizungumza na Wajumbe wa Baraza la Wafanyakazi, katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele, akizungumza na Wajumbe wa Baraza la Wafanyakazi, katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Mkurugenzi wa Idara ya Utawala na Usimamizi wa Rasilimali Watu Wizara ya Mifugo na Uvuvi, Dkt. Charles Mhina, akizungumza na Wajumbe wa Baraza la Wafanyakazi, katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Mwakilishi wa Chama cha Wafanyakazi wa Serikali na Afya Tanzania (TUGHE) Taifa, Ndg. Samwel Nyungwa, akizungumza na Wajumbe wa Baraza la Wafanyakazi, katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Picha ni Wajumbe wa Baraza la Wafanyakazi, wakiwa katika Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (aliyesimama katikati) akiwa kwenye picha ya pamoja na Wajumbe wa Baraza la Wafanyakazi, baadae ya Kikao cha Baraza la Wafanyakazi wa Wizara ya Mifugo na Uvuvi, kilichofanyika katika Ukumbi wa Jiji la Dodoma - Mji wa Serikali Mtumba, Mei 9, 2026 Dodoma.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma