BI. MEENA AWATAKA WATUMISHI LITA KUENDELEA KUTEKELEZA MAJUKUMU YAO KWA UWELEDI NA UBUNIFU

Na. Stanley Brayton, WMUV

Katibu Mkuu Wizara ya Mifugo na Uvuvi, Bi. Agnes Kisaka Meena, amewataka Watumishi wa Taasisi ya Wakala wa Vyuo vya Mafunzo ya Mifugo Tanzania (LITA), kuendelea kutekeleza majukumu yao kwa uweledi, ubunifu, uchapakazi na uhadilifu mkubwa ili kuweza kuleta matokeo chanya katika Taasisi yao na Sekta ya Mifugo kiujumla. 

Akizungumza leo Mei 8, 2026 Jijini Dodoma katika Mkutano wa Kumi na Tatu (13) wa Baraza Kuu la Wafanyakazi LITA, Bi. Meena amesema Serikali kupitia Wizara ya Mifugo na Uvuvi inaitegemea LITA katika kuleta chachu ya mabadiliko ambayo itasaidia kuboresha Sekta ya Mifugo na kuchangia kwa kiasi kikubwa katika pato la taifa.

"Ili kutekeleza majukumu yenu kwa ufanisi ni muhimu kuwa na watumishi ambao wanajituma na kutekeleza wajibu wao kama ambavyo inatakiwa kwa uadilifu na kwa wakati" amesema Bi. Meena

Aidha, Bi. Meena ameitaka LITA kuwa wabunifu zaidi na kuimarisha ushirikiano na Taasisi mbalimbali za Serikali na Binafsi, katika kuboresha Taasisi yao ili kuweza kuimarisha Sekta ya Mifugo, na ametoa wito kwa LITA kuwapatia wakufunzi wao Mafunzo ya kisasa ambayo yataendana na Mfumo wa sasa wa Kiteknolojia ili kuweza kuendana na kasi ya sasa ya ulimwengu wa Sayansi na Teknolojia.

Vilevile, Bi. Meena ameipongeza menejimenti ya LITA kwa kuendelea kuboresha mazingira ya kujifunzia na kufunza katika baadhi ya Kampasi zake, pamoja na kutekeleza Miradi ya ujenzi na ukarabati ambao unatekelezwa katika baadhi ya kampasi ili kuendelea kuboresha mazingira ya kufundishia na kujifunzia. 

Kwa upande wake, Mtendaji Mkuu wa LITA, Dkt. Pius Lazaro Mwambene amesema LITA imeendelea kuboresha Mitaala ambayo imeanza tayari kutumika katika mwaka huu mpya wa masomo, Mitaala ambayo imekuja na teknolojia nyingi mpya. 

Pia, Dkt. Mwambene amesema kutokana na Mitaala hiyo mipya ya teknolojia, LITA imeanza mchakato wa kuwapeleka wakufunzi wao kwenye Mafunzo ili kuendana na kasi hiyo ya teknolojia mpya, na hii inatokana na ushirikiano wa LITA na Taasisi zingine zikiwemo za kutoka nchi ya Hungary ambayo inawapeleka wakufunzi mbalimbali nchi za nje kupata Mafunzo hayo.

Katibu Mkuu Wizara ya Mifugo na Uvuvi, Bi. Agnes Kisaka Meena, akihutubia Wajumbe wa Baraza Kuu la Wafanyakazi, katika Mkutano wa Kumi na Tatu (13) wa Baraza Kuu la Wafanyakazi wa Taasisi ya Wakala wa Vyuo vya Mafunzo ya Mifugo Tanzania (LITA), uliyofanyika katika Ukumbi wa St. Gaspar, Mei 8, 2026 Dodoma.

Mwenyekiti wa Baraza Kuu la Wafanyakazi wa Taasisi ya Wakala wa Vyuo vya Mafunzo ya Mifugo Tanzania (LITA) ambaye ni Mtendaji Mkuu LITA, Dkt. Pius Lazaro Mwambene, akitoa neno la Utangulizi katika katika Mkutano wa Kumi na Tatu (13) wa Baraza Kuu la Wafanyakazi wa Taasisi hiyo, uliyofanyika katika Ukumbi wa St. Gaspar, Mei 8, 2026 Dodoma.

Picha ni baadhi ya Wajumbe wa Baraza Kuu la Wafanyakazi wa Taasisi ya Wakala wa Vyuo vya Mafunzo ya Mifugo Tanzania (LITA), wakimsikiliza Katibu Mkuu Wizara ya Mifugo na Uvuvi, Bi. Agnes Kisaka Meena (hayupo pichani), katika Mkutano wa Kumi na Tatu (13) wa Baraza Kuu la Wafanyakazi wa Taasisi hiyo, uliyofanyika katika Ukumbi wa St. Gaspar, Mei 8, 2026 Dodoma.

Katibu Mkuu Wizara ya Mifugo na Uvuvi, Bi. Agnes Kisaka Meena (aliyekaa katikati), akiwa katika picha ya pamoja na baadhi ya Wajumbe wa Baraza Kuu la Wafanyakazi, katika Mkutano wa Kumi na Tatu (13) wa Baraza Kuu la Wafanyakazi wa Taasisi ya Wakala wa Vyuo vya Mafunzo ya Mifugo Tanzania (LITA), uliyofanyika katika Ukumbi wa St. Gaspar, Mei 8, 2026 Dodoma, wa tatu kulia ni Mwakilishi wa Mkurugenzi wa Idara ya Utawala na Usimamizi wa Rasilimali Watu wa Wizara ya Mifugo na Uvuvi, Bi. Wamoja Ayubu na wa pili kulia ni Mkurugenzi Idara ya Utafiti, Mafunzo na Ugani (DRTE), Bw. Samwel Mdachi.







Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma