TASFAM YAPONGEZWA KWA HATUA ZA UTEKELEZAJI

Na. Edward Kondela

Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), umepongezwa kwa hatua uliyofikia kwenye utekelezaji wake, katika kuhakikisha unaboresha maisha ya wananchi wa Ukanda wa Bahari ya Hindi.

Waziri wa Mifugo na Uvuvi Mhe. Balozi Dkt. Bashiru Ally Kakurwa, amebainisha hayo (26.03.2026), wakati akipatiwa taarifa ya tathmini ya maendeleo ya utekelezaji wa mradi huo wa miaka mitano, ambapo amesema ni muhimu uakisi maisha ya wavuvi na wadau wengine wa sekta ya uvuvi.

Ameongeza kuwa miradi itakayojengwa kupitia TASFAM ni muhimu ikamilike kwa wakati sambamba na thamani ya fedha zinazotolewa ili iwe na tija kwa wananchi badala ya kuchukua muda mrefu huku ikitumia fedha nyingi.

“Ninazitaka taasisi na idara zilizo chini ya Wizara ya Mifugo na Uvuvi zinazotekeleza mradi wa TASFAM kuhakikisha shughuli zilizopangwa kwenye maeneo yao zinafanyika kama zilivyopangwa na kuhakikisha serikali inapata mapato na kunufaisha wananchi hususan wadau wa sekta ya uvuvi.” Amesema Mhe. Balozi Dkt. Bashiru

Kwa upande wake Naibu Katibu Mkuu Wizara ya Mifugo na Uvuvi (Uvuvi) Prof. Mohammed Sheikh amesema vifaa vya kisasa ni muhimu katika Maabara ya Taifa ya Uvuvi (NFQCLAB).

Pia, amesema licha ya uwepo wa vifaa hivyo ni muhimu wataalamu wakazidi kujengewa uwezo ili sampuli mbalimbali za mazao ya uvuvi ziwe zinafanyiwa utafiti hapa nchini badala ya kusafirishwa kwenda nje ya nchi.

Baadhi ya wakuu wa taasisi na idara zinazotekeleza mradi wa TASFAM, wamemuhakikishia Waziri wa Mifugo na Uvuvi, kwamba watafanya kila jitihada ili kufikia malengo yanayotarajiwa kama walivyokubaliana kupitia mkopo wa Benki ya Dunia.

Mradi wa TASFAM unatekelezwa hapa nchini kwa wadau wa sekta ya uvuvi katika Ukanda wa Bahari ya Hindi kwenye mikoa mitano, katika kipindi cha miaka mitano kuanzia 2025 hadi 2030 kwa thamani ya Dollar za Kimarekani Milioni 117.

Waziri wa Mifugo na Uvuvi Mhe. Balozi Dkt. Bashiru Ally Kakurwa, akifafanua na kupongeza hatua za utekelezaji katika Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), kwenye kikao cha tathmini kilichofanyika katika ofisi za wizara hiyo zilizopo Mji wa Serikali Mtumba jjini Dodoma. (26.03.2026)

Naibu Katibu Mkuu Wizara ya Mifugo na Uvuvi (Uvuvi) Prof. Mohammed Sheikh, akielezea umuhimu wa vifaa vya kisasa na kuwajengea uwezo wataalamu wa Maabara ya Taifa ya Uvuvi (NFQCLAB), kwenye kikao cha tathmini ya Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), kilichofanyika katika ofisi za wizara hiyo zilizopo Mji wa Serikali Mtumba jjini Dodoma. (26.03.2026)

Mratibu wa Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM) Tanzania Bara Dkt. Nichrous Mlalila, akitoa maelezo ya tathmini ya mradi huo unaotekelezwa katika kipindi cha miaka mitano kuanzia 2025 hadi 2030 kwenye mikoa mitano ya Ukanda wa Bahari ya Hindi. Kikao hicho kimefanyika katika ofisi za Wizara ya Mifugo na Uvuvi zilizopo Mji wa Serikali Mtumba jjini Dodoma. (26.03.2026)

Katibu Mkuu Wizara ya Mifugo na Uvuvi Bi Agnes Meena akiwa na Naibu Katibu Mkuu wa wizara hiyo anayesimamia Mifugo Dkt. Fabian Madele, wakati wa kikao cha tathmini ya utekelezaji wa Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), kilichofanyika katika ofisi za wizara hiyo zilizopo Mji wa Serikali Mtumba jjini Dodoma. (26.03.2026)

Meneja wa Hifadhi ya Bahari na Maeneo Tengefu (MPRU) Dkt. Emmanuel Sweke, akichangia hoja mbalimbali na kuahidi kufuatilia madeni inayodai hifadhi hiyo, wakati wa kikao cha tathmini ya Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), kilichofanyika katika ofisi za wizara hiyo zilizopo Mji wa Serikali Mtumba jjini Dodoma. (26.03.2026)

Mkurugenzi Mkuu wa Taasisi ya Utafiti wa Uvuvi Tanzania (TAFIRI) Dkt. Ismael Kimirei, akiainisha hatua zilizofikiwa za kufanya tafiti za kuweka vizimba kwenye Bahari ya Hindi, wakati wa kikao cha tathmini ya Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), kilichofanyika katika ofisi za wizara hiyo zilizopo Mji wa Serikali Mtumba jjini Dodoma. (26.03.2026)

Muoneakano wa picha ya washiriki wa kikao cha tathmini ya Mradi wa Uendelezaji wa Rasilimali za Uvuvi na Ukuzaji Viumbe Maji (TASFAM), kilichofanyika katika ofisi za wizara hiyo zilizopo Mji wa Serikali Mtumba jjini Dodoma, kikiongozwa na Waziri wa Mifugo na Uvuvi Mhe.Balozi Dkt. Bashiru Ally Kakurwa. (26.03.2026)

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma