KILIMO, MIFUGO NA UVUVI KUIMARISHA USALAMA WA CHAKULA NCHINI

Baraza la Kumshauri Rais Masuala ya Kilimo na Chakula limekutana na Wizara ya Kilimo pamoja na Wizara ya Mifugo na Uvuvi kwa lengo la kujadiliana namna ya kuongeza uzalishaji katika sekta hizo ili kuimarisha  usalama wa chakula nchini.

Mwenyekiti wa Baraza hilo na Waziri Mkuu Mstaafu  Mhe. Mizengo Pinda  ameongoza kikao hicho leo Machi 24, 2026 katika Ukumbi wa Kilimo Four Jijini Dodoma ambapo amesema kuwa  baraza hilo limekuwa likiimarisha ushirikiano wa wadau na sekta binafsi katika kuongeza uzalishaji na kuzihimiza Wizara za Kilimo, Mifugo na Uvuvi kufanya kazi kwa umoja ili kuyafikia malengo ya kuongeza uzalishaji ifikapo Mwaka 2030.

“Malengo haya yanatupeleka 2030 leo hii 2026 unaona kabisa muda sio rafiki kwa hiyo nguvu kubwa sana inahitajika lakini tukiwa wamoja hatutashindwa kuyafikia” amesema Mhe. Pinda.

Akisoma taarifa ya Mpango wa Kuongeza Uzalishaji wa Chakula Nchini Katibu Mtendaji wa Baraza hilo Dkt. Florence Turuka amesema dhamira ya serikali katika sekta ya mifugo ni kuongeza uzalishaji wa nyama ya ng’ombe kutoka tani 742,000 za Mwaka 2021/2022 hadi kufikia tani 1,000,000 ifikapo 2030 na uzalishaji wa maziwa kufikia lita bilioni 5 ifikapo 2030 kutoka lita bilioni 3.4 za Mwaka 2021/2022.

Akizungumza katika kikao hicho Waziri wa Mifugo na Uvuvi Mhe. Balozi Dkt. Bashiru Ally Kakurwa amesema Wizara yake imeendelea kusimamia sekta za mifugo na uvuvi katika kuimarisha usalama wa chakula na kumuomba mwenyekiti wa baraza hilo kuisaidia Wizara ya Mifugo na Uvuvi  kuwa wasimamizi wa mfumo mzima wa afya ya mifugo ikiwemo udhibiti wa dawa za mifugo nchini.

“Kwa bahati mbaya sasa hivi shughuli za udhibiti wa dawa za mifugo uko chini ya TMDA, kidogo hili linakaukakasi na TMDA iko chini ya Wizara ya Afya, lakini dunia imebadilika sasa hivi  mchakato ni zaidi ya kudhibiti dawa lakini TMDA inakuwa haifanyi usimamizi wa kisayansi wa afya ya mifugo” amesema Dkt. Bashiru.

Kwa upande wake, Waziri wa Kilimo Mhe. Daniel Chongolo amesema kuna umuhimu wa serikali kuifanya kwa ushirikiano Programu ya Vijana ya Jenga Kesho Iliyo Bora (BBT) katika sekta za kilimo, mifugo na uvuvi ili kuleta ufanisi ambao utawanufaisha vijana  kiuchumi.


Mwenyekiti wa Baraza la Kumshauri Rais Masuala ya Kilimo na Chakula Mhe. Mizengo Pinda akizungumza kwenye kikao cha baraza hilo na Wizara za Kilimo, Mifugo na Uvuvi kilichofanyika Leo Ukumbi wa Kilimo Four Machi 24, 2026 Jijini Dodoma.

Waziri wa Mifugo na Uvuvi Mhe. Balozi Dkt. Bashiru Ally Kakurwa akizungumia sekta za mifugo na Uvuvi wakati wa kikao cha Baraza la Kumshauri Rais Masuala ya Kilimo na Chakula na Wizara za Kilimo, Mifugo na Uvuvi kilichofanyika Leo Ukumbi wa Kilimo Four Machi 24, 2026 Jijini Dodoma.

Waziri wa Kilimo Mhe. Daniel Chongolo akielezea hatua zinazochukuliwa na Wizara yake kuimalisha usalama wa chakula wakati wa kikao  cha Baraza la Kumshauri Rais Masuala ya Kilimo na Chakula Kilichofanya Ukumbi wa Kilimo Four Machi 24, 2026 Jijini Dodoma.

Wajumbe wa Baraza la Kumshauri Rais Masuala ya Kilimo na Chakula na baadhi ya Watendaji wa Wizara za Kilimo, Mifugo na Uvuvi  wakiwa kwenye Kikao hicho kilichofanyika Ukumbi wa Kilimo Four Machi 24, 2026 Jijini Dodoma.

Mwenyekiti wa Baraza la Kumshauri Rais Masuala ya Kilimo na Chakula Mhe. Mizengo Pinda (Kulia) akiteta Jambo na Waziri wa Mifugo na Uvuvi Mhe. Balozi Dkt. Bashiru Ally wakati wa kikao kilichofanyika Kilimo Four Jijini Dodoma leo Machi 24, 2026

Wajumbe wa Baraza la Kumshauri Rais Masuala ya Kilimo na Chakula, Viongozi na Watendaji wa Wizara ya Kilimo pamoja na Wizara ya Mifugo na Uvuvi wakiwa kwenye Picha ya Pamoja baada ya Kikao leo Machi 24, 2026 Eneo la Kilimo Four, Jijini Dodoma


Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma