FURSA MBALIMBALI ZA UKUZAJI JONGOO BAHARI ZABAINISHWA

Na. Stanley Brayton, WMUV

Afisa Uvuvi Mwandamizi wa Wizara ya Mifugo na Uvuvi, Bi. Fatuma Rajabu Juma amebainisha fursa mbalimbali za ukuzaji wa jongoo bahari, ambapo amewashauri wakulima wa jongoo bahari kukuza zao hilo la Uvuvi kwa wingi ili kujiongezea kipato, kwani masoko ya Jongoo Bahari yapo kuanzia ndani na nje ya nchi.

Akizungumza leo Machi 27, 2026 Jijini Tanga wakati wa zoezi la kuwajengea uwezo wakulima wa mwani na jongoo bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), Bi. Fatuma amesema jongoo bahari ni fursa adhimu na zao lenye tija kubwa kiuchumi na lina faida kubwa kwa walaji na wafanyabiashara kutokana na uhitaji wake mkubwa, ambapo kilo moja ya jongoo bahari huuzwa kati ya shilingi 75,000 hadi 150,000.

“Katika nchi mbalimbali, jongoo bahari hutumika kuboresha afya na kusaidia kujikinga na magonjwa yasiyoambukiza,” amesema Bi. Fatuma.

Aidha, Bi. Fatuma amesema Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, ametoa fedha kupitia programu ya Vijana wa Jenga Kesho Iliyo Bora (BBT), ili kuwawezesha vijana kukuza viumbe maji bila changamoto na kujipatia kipato, ambapo mojawapo ya wanufaika wa mikopo hiyo ni wakuzaji wa jongoo bahari.

Vilevile, Bi. Fatuma amewataka wakulima kuongeza uzalishaji wa jongoo bahari ili kujiongezea kipato, akibainisha kuwa jongoo bahari huchukua takribani miezi nane hadi kumi kufikia hatua ya kuvunwa na kuingia sokoni.

Pia, Bi. Fatuma amewashauri wakulima kuzingatia maelekezo yanayotolewa na wataalam kuhusu mnyororo mzima wa ufugaji wa jongoo bahari, ikiwa ni pamoja na uchaguzi sahihi wa eneo, aina ya jongoo, chakula chao, uangalizi wa mara kwa mara pamoja na mbinu bora za uvunaji na uhifadhi ili kuhakikisha ubora wa bidhaa na kuongeza thamani sokoni.


Afisa Uvuvi Mwandamizi wa Wizara ya Mifugo na Uvuvi, Bi. Fatuma Rajabu Juma, akielezea namna ya kutunza na kukuza Jongoo Bahari kutoka kuwatunza hadi kuwavuna, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Tongoni, Machi 27, 2026 Tanga Jiji.

Mkulima wa Mwani, Bi. Time Mohammed (aliyeinua Mkono), akiuliza swali kuhusiana na namna ya uhifadhi wa Mwani baada ya kuvunwa, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Tongoni, Machi 27, 2026 Tanga Jiji.

Afisa Uvuvi  wa Wizara ya Mifugo na Uvuvi, Bw. Robert Nicholaus, akijibu maswali mbalimbali kutoka kwa Wakulima wa Mwani na Jongoo kuhusiana na Mnyororo wa Thamani wa Mwani na Jongoo Bahari, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Tongoni, Machi 27, 2026 Tanga Jiji.

Afisa Uvuvi wa Kata ya Tongoni, Bw. Anney Nyirenda (anaeongea kwa ishara ya Mikono), akifafanua baadhi ya changamoto zinazowakumbwa Wakulima wa Mwani na Jongoo Bahari na kuiomba Wizara kuwasaidia kuzitatua ikiwemo ufinyu wa vitendea kazi, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Tongoni, Machi 27, 2026 Tanga Jiji.

Maafisa wa Uvuvi wa Wizara ya Mifugo na Uvuvi, wakiandika maoni mbalimbali ya Wakulima wa Mwani na Jongoo Bahari, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Tongoni, Machi 27, 2026 Tanga Jiji, wa pili kushoto niAfisa Uvuvi Mkuu Wizara ya Mifugo na Uvuvi, Ndg. Silas William.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma