DKT. BASHIRU AKUTANA NA MAAFISA WAFAWIDHI KUJADILIANA USIMAMIZI WA RASILIMALI ZA UVUVI

Waziri wa Mifugo na Uvuvi, Mhe. Balozi Dkt. Bashiru Ally Kakurwa amekutana na Maafisa Wafawidhi wa Vituo vya Ulinzi na Usimamizi wa Rasilimali za Uvuvi kwa lengo la kujadili kwa pamoja  jinsi kusimamia rasilimali hizo na kuzitafutia ufumbuzi changamoto zinazowakabili wataalam katika utendaji kazi wao.

Katika Majadiliano  hayo na Maafisa Wafawidhi yaliofanyika leo Machi 25, 2026 Jijini Dodoma Mhe. Balozi Dkt. Bashiru aliambatana na Katibu Mkuu wa Wizara ya Mifugo na Uvuvi Bi. Agnes Meena, Naibu Katibu Mkuu(Uvuvi) Prof. Mohamed Sheikh, Kaimu Mkurugenzi wa Uvuvi Nchini, Dkt. Baraka Sekadende na Wataalam wengine wa Wizara.

Pamoja mambo mengine yaliyojadiliwa kwenye Kikao hicho, msisitizo mkuu ulijikita katika kutafuta mbinu bora za kuimarisha usimamizi wa rasilimali za uvuvi hususan kudhibiti utoroshwaji wa samaki na dagaa katika maeneo ya mipakani, uimarishaji wa uvuvi endelevu pamoja na kukabiliana na uvuvi usiofuata sheria, lakini kuangalia mianya inavyosababisha upotevu wa mapato yatokanayo na  mazao ya uvuvi.

Aidha, Balozi Dkt. Bashiru amewatoa hofu na kuwatia moyo maafisa hao huku akiwaahidi kuyabeba masuala yote ya kisera na kuyapeleka katika ngazi za maamuzi  yenye tija ili kurahisisha ufanyaji kazi za usimamizi wa rasilimali za uvuvi kwa kuzingatia kanuni, taratibu na sheria zilizowekwa hapa nchini.

Kwa Upande wake Katibu Mkuu wa Wizara ya Mifugo na Uvuvi Bi. Agnes Meena alisema kuwa maafisa wafawidhi wamekuwa chachu ya kufikia lengo la  makusanyo ya maduhuli yatokanayo na sekta ya uvuvi ambapo  2024/2025 wizara ilitakiwa kukusanya Shilingi Bil. 33 lakini  maafisa hao walichangia kukusanya shilingi Bil. 32 sawa na asilimia 99 ya lengo.

Bi. Meena amesema katika Mwaka wa Fedha 2025/ 2026 Wizara imepangiwa kukusanya shilingi bilioni 43  ambapo hadi sasa kiasi cha Shilingi bilioni 26 imekusanywa kwa mchango mkubwa wa maafisa wafawidhi ikiwa sawa na asilimia 59 ya lengo ambalo wizara iliyopangiwa na serikali kuu.






Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma