WAUZAJI VYAKULA VYA MIFUGO WATAKIWA KUSAJILI NA KUHUISHA VYETI VYAO VYA USAJILI

Timu ya wataalamu kutoka Wizara ya Mifugo na Uvuvi leo Februari 27, 2026, imefanya ukaguzi wa maeneo ya kuuza, kuzalisha na kuhifadhi rasilimali za vyakula vya mifugo katika maeneo mbalimbali ya jiji la Dodoma, kwa lengo la kuhakikisha vyakula vinavyozalishwa vinakuwa na ubora na wadau wanafata taratibu, miongozo, kanuni na sheria.

Akizungumza wakati wa zoezi hilo, Kaimu Mkurugenzi Msaidizi wa Rasilimali za Vyakula vya Mifugo, Bi Theodata Sallema, amesema pamoja na kukagua ubora wa vyakula vinavyozalishwa, Pia Wizara inaangalia kama wafanyabiashara wanafanya biashara kwa mujibu wa sheria, ikiwemo kusajili maeneo yao ya biashara.

"Ukaguzi  huo, unalenga kubaini namna vyakula vinavyozalishwa,  kuhifadhiwa na kusambazwa ili kuhakikisha havileti madhara kwa mifugo wala kwa mlaji wa mazao yatokanayo na mifugo hiyo".Bi. Sallema

Aidha, amebainisha kuwa Wizara inaendelea kuwasaidia wadau kujiunga kwenye mfumo wa utoaji vibali wa kielektroni yaani MIMIs, ili kurahisisha mchakato wa maombi ya vibali na kuongeza utoaji wa huduma.

Bi. Sallema amewataka wafanya biashara ya vyakula vya mifugo kusajili maeneo yao ya biashara na kuhuisha leseni zao kwa wakati ili kuepuka kuvunja sheria, akisisitiza kuwa lengo la ukaguzi huo si kuadhibu bali ni kutoa elimu kwa wadau ili wafate taratibu zilizopo kwani kwa kufanya hivyo watalinda afya za  mifugo na kuhakikisha sekta ya mifugo inaendelea kukua kwa kuzingatia viwango na ubora.

Idara hiyo itaendelea na ukaguzi wa mara kwa mara ili kuhakikisha vyakula vya mifugo na rasilimali za vyakula vya mifugo zinaboreshwa ili kuwanufaisha wafugaji pamoja na uchumi wa Taifa kwa ujumla.

Kaimu Mkurugenzi Msaidizi  wa Idara ya Uendelezaji wa Maeneo ya Malisho na Rasilimali za Vyakula vya Mifugo, Bi. Theodata Sallema (wa kwanza kulia), akitoa  maelekezo kwa msimamizi wa kiwanda cha kuzalisha chakula cha mifugo wakati wa ukaguzi wa ubora na uhalali wa leseni, leo tarehe 27 Februari 2026.


Baadhi ya wataalamu kutoka Wizara ya Mifugo na Uvuvi (kulia), wakizungumza na mmiliki wa duka la pembejeo za mifugo wakati wa ukaguzi wa vibali, leseni na ubora wa vyakula vya mifugo katika moja ya maduka Mkoani Dodoma , leo tarehe 27 Februari 2026.

Msimamizi wa kiwanda cha kuzalisha chakula cha mifugo (kulia) akitoa maelezo kwa timu ya wataalamu kutoka Wizara ya Mifugo na Uvuvi wakati wa ukaguzi wa vibali, leseni  na ubora wa vyakula vya mifugo, leo tarehe 27 Februari 2026 Mkoani Dodoma.

Kaimu Mkurugenzi Msaidizi wa Idara ya Uendelezaji wa Maeneo ya Malisho na Rasilimali za Vyakula vya Mifugo, Bi. Theodata Sallema (katikati),  akitoa  elimu juu ya usafi na utunzaji wa vyakula vya vya mifugo wakati wa ukaguzi wa ubora na uhalali wa leseni, leo tarehe 27 Februari 2026 Mkoani Dodoma.


Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma