VCT YAWATAKA WATOA HUDUMA ZA AFYA YA WANYAMA KUJISAJILI

Baraza la Veterinari Tanzania (VCT) limewataka wamiliki wa Vituo vya kutoa Huduma za Wanyama pamoja na Wataalam wake kujisajili katika Baraza ili waweze kutambulika na Baraza hilo.

Akizungumza kwa niaba ya Msajili wa Baraza la Veterinari Tanzania (VCT), wakati wa Ukaguzi wa Vituo mbalimbali vya kutolea Huduma za Afya ya Wanyama pamoja na Wataalam wake, leo Februari 24, 2026 Mkoani Dar es Salaam, Mkaguzi wa Baraza hilo, Dkt. George Mtinda, amesema takwa la kusajili Wataalam na Vituo vya Huduma za Afya ya Wanyama ni takwa la kisheria ambalo linamtaka Mtaalam au mtoa Huduma hizo kujisajili ili kutambulika na Baraza.

"hii ni moja ya utekelezaji wa Sheria ya Veterinari SURA 319, ambayo inawataka Wataalam na Vituo vya kutolea Huduma hizo kujisajili ili kujua kama wamekidhi vigezo katika kutoa huduma.” amesema Dkt. Mtinda

Aidha, Dkt. Mtinda amebainisha kuwa ni vyema kuhakikisha watoa Huduma wote wa Afya za Wanyama wanasajili Vituo vyao pamoja na kutumia Wataalam wenye sifa na waliojasiliwa na Baraza ili kuepuka athari za sitofahamu kwa Mifugo na Wanyama.

Vilevile, Dkt. Mtinda amesema operesheni Maalum inaendelea nchini kwa ajili ya zoezi la ukaguzi wa shughuli za utoaji wa Huduma za Afya ya Wanyama katika Vituo mbalimbali ili kuangalia kama Huduma hizo zinatolewa kuendana na Sheria ya Veterinari Namba 16 ya 2003.

Pia, Dkt. Mtinda amesema kwa Wataalam au wamiliki wa Vituo vya Huduma za Afya ya Wanyama wanaoshindwa kufuata Sheria za Baraza na kutojisajili watachukuliwa hatua mara moja ikiwemo kufungiwa kutoa Huduma hizo.

Dkt. Mtinda amewataka wafugaji kutumia Vituo vilivyosajiliwa na Wataalam waliokidhi vigezo na kuthibitishwa na Baraza hilo ili kuepukana na athari kwa Mifugo yao na kuenea kwa magonjwa ya Mifugo.

Mkaguzi wa Baraza la Veterinari Tanzania (VCT), Dkt. George Mtinda (kushoto), akikagua vyeti vya Usajili wa Wataalam na Kliniki ya PET kama vimesajiliwa kihalali na kuhuishwa na Baraza, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Februari 24, 2026 Dar es Salaam.

Mkurugenzi wa Kiliniki ya Mecco, Bw. Aron Kasindo (wa kwanza kulia) akimuonesha Mkaguzi wa Baraza la Veterinari Tanzania (VCT), Dkt. George Mtinda (katikati), sehemu za kuwapumzisha wanyama katika Kliniki hiyo mara baada ya kuzungumza na Wataalam juu ya utoaji wa Huduma kwa kuzingatia Sheria ya Veterinari SURA 319, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Februari 24, 2026 Dar es Salaam.

Mkaguzi wa Baraza la Veterinari Tanzania (VCT), Dkt. George Mtinda (wa kwanza kushoto), akitoa elimu kwa Wataalam wa Wanyama wa Kiliniki ya Anivet, kuhusu umuhimu wa kujisajili katika Baraza ili kuweza kutoa Huduma kwa Wanyama kwa kuzingatia Kanuni na Taratibu za Baraza, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Februari 24, 2026 Dar es Salaam, kulia ni Daktari wa Mifugo Manispaa ya Kinondoni, Dkt. Pius Ntanga.

Mkaguzi wa Baraza la Veterinari Tanzania (VCT), Dkt. George Mtinda (kushoto), akiweka kumbukumbu ya Taarifa ya Kliniki ya PET na Wataalam wake kwenye kitabu cha kumbukumbu, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Februari 24, 2026 Dar es Salaam, kulia ni Daktari wa Mifugo Manispaa ya Kinondoni, Dkt. Pius Ntanga.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma