TASFAM YATAJWA KUAKISI DIRA YA TAIFA

Na. Edward Kondela

Imeelezwa kuwa Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), lazima uakisi matarajio ya dira ya maendeleo ya taifa katika kukuza sekta ya uvuvi nchini.

Kaimu Katibu Mkuu Wizara ya Mifugo na Uvuvi Prof. Mohammed Sheikh, amebainisha hayo leo (19.02.2026) jijini Dar es Salaam, wakati wa kikao kazi cha watumishi wanaohudumu katika mradi huo na watendaji wakuu wa taasisi za sekta ya uvuvi, ambapo amesisitiza mradi huo lazima utoe matokeo makubwa kwa wadau wa sekta ya uvuvi hususan vijana na wanawake.

Prof. Sheikh ambaye ni Naibu Katibu Mkuu wa wizara hiyo katika sekta ya uvuvi, amesema Rais wa Jamhuri ya Muungano wa Tanzania Mhe. Dkt. Samia Suluhu Hassan amekuwa akitoa maelekezo kadhaa kuhusu sekta ya uvuvi katika matukio mbalimbali hivyo lazima maelekezo yake yatekelezwe kufikia malengo ya kukuza sekta hiyo.

Ameongeza kuwa mradi wa TASFAM ni mkubwa katika sekta ya uvuvi, ambao unaweza kubadilisha maisha ya watanzania hususan wavuvi wadogo wadogo na kuwataka watumishi wanaohudumu katika mradi huo kutumia muda mwingi kufanya matayarisho pamoja na kuwa na mipango inayotekelezeka.

Aidha, ametaka matumizi ya weledi, rasilimali na muda stahiki ili kufikia matarajio ya viongozi wa juu katika kuchangia sekta ya uvuvi kupitia uchumi wa buluu na sekta ya uvuvi kwa ujumla.

Nao baadhi ya wajumbe kwenye kikao kazi hicho wamepata fursa ya kutoa maoni yao namna idara na taasisi za wizara katika sekta ya uvuvi, zitakavyoshiriki vyema katika mradi huo ili kupatikana matokeo chanya kwa taifa. 

Kaimu Katibu Mkuu Wizara ya Mifugo na Uvuvi Prof. Mohammed Sheikh akifafanua namna Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), utakavyoakisi matarajio ya dira ya maendeleo ya taifa katika kukuza sekta ya uvuvi nchini, wakati wa kikao kazi cha watumishi wanaohudumu katika mradi huo na watendaji wakuu wa taasisi za sekta ya uvuvi, jijini Dar es Salaam. (19.02.2026)

Mratibu wa Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM) Tanzania Bara, Dkt. Nichrous Mlalila, akifafanua baadhi ya mambo juu ya utekelezaji wa mradi huo wakati wa kikao kazi cha watumishi wanaohudumu katika mradi huo na watendaji wakuu wa taasisi za sekta ya uvuvi, jijini Dar es Salaam. (19.02.2026)




Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma