SERIKALI YAANZISHA MAGEUZI MAKUBWA SEKTA YA UVUVI

Na. Stanley Brayton

◾Vizimba vya Bahari kuanza.

◾Wizara kuanzisha Mikakati ya Kimageuzi Sekta ya Uvuvi yatajwa.

◾ Vifaranga vya Samaki maji baridi na maji chumvi kupandikizwa.

Wizara ya Mifugo na Uvuvi imeanza utekelezaji wa Mpango Mkakati wa kufuga samaki kwa njia ya Vizimba katika bahari, mpango ambao utasaidia kuongeza Uzalishaji wa Samaki chumvi na Masoko nje ya nchi.

Akizungumza kwa niaba ya Katibu Mkuu Wizara ya Mifugo na Uvuvi, Naibu Katibu Mkuu (Uvuvi), Prof. Mohammed Ali Sheikh, katika ziara yake ya kikazi Mkoani Tanga alipotembelea Kituo cha Ukuzaji Viumbemaji Machui kwa ajili ya kukagua Maendeleo ya Mradi wa kuzalisha chakula cha Samaki aina ya Viroboto maji (Atemia), leo Februari 27, 2026, amesema Serikali kupitia Wizara ya Mifugo na Uvuvi kwa sasa ipo katika utekelezaji wa kukuza Viumbemaji kwa njia ya Vizimba kupitia bahari, mpango ambao utaongeza tija katika Sekta ya Uvuvi.

"Mpango huu ni mpango mzuri ambao utekelezaji wake unategemea kuanza kufanyika ndani ya miezi mitatu katika maeneo mbalimbali yenye bahari nchi.” amesema Prof. Sheikh

Aidha, Prof. Sheikh amesema Wizara ipo kwenye hatua ya kuanzisha programu ya Kitaifa ya ufugaji Samaki kwa ajili ya kuzalisha Vifaranga Bora vya Samaki na Viumbe vingine vya maji ya baridi ikiwemo kaa na jongoo bahari ili kuongeza Uzalishaji katika Sekta.

Vilevile, ameitaka Taasisi ya Utafiti wa Uvuvi Tanzania (TAFIRI) na Idara ya Ukuzaji Viumbemaji (DAQ) kushirikiana katika kupandikiza vifaranga vya kaa na jongoo bahari na kuzalisha kwa wingi Vifaranga vya Samaki maji baridi na maji chumvi ili wananchi waweze kufuga na wavuvi waweze kupata mbegu hizo kwa wingi na urahisi zaidi.

Pia, Prof. Sheikh ameiagiza Taasisi ya TAFIRI na Idara ya Uzalishaji Viumbemaji (DAQ) kuandaa Mkakati wa Mageuzi wa Sekta ya Uvuvi na Ukuzaji Viumbemaji  kwa mwaka 2026/2050 (National Fish Breeding Programs na Fisheries Fisheries and Aquaculture Transformation Strategy 2026-2050), ambao utaleta mabadiliko katika Sekta ya Uvuvi na unaoendana na Dira ya Taifa ya mwaka 2050.

Prof. Sheikh amewataka wananchi kutumia fursa hii adhim ili kuweza kunufaika na Ufugaji Samaki wa Vizimba kupitia bahari.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa pili kushoto), akikagua Miundombinu na Maendeleo ya Mradi wa kuzalisha Mayai na Viroboto Maji (Atemia) kwa ajili ya chakula cha kulishia Samaki, Mradi unaotekelezwa na Taasisi ya Utafiti wa Uvuvi Tanzania (TAFIRI), mara baada ya kuwasili katika Kituo cha Ukuzaji Viumbemaji Machui, Februari 27, 2026 Tanga.

Afisa Uvuvi Mkuu Idara ya Uvuvi Kituo cha Ubora na Masoko Kanda ya Ziwa Victoria, Bw. Prosper Mremi (wa pili kulia), akimuelzea Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa kwanza kulia) jinsi uzalishaji wa Viumbemaji unavyofanyika na vifaranga kutunzwa, mara baada ya kuwasili katika Kituo cha Ukuzaji Viumbemaji Machui, Februari 27, 2026 Tanga.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa kwanza kulia), akizungumza na Maafisa wa Kituo cha Ukuzaji Viumbemaji Machui na Maafisa wa Taasisi ya Utafiti wa Uvuvi Tanzania (TAFIRI) kuhusu kuzalisha kwa wingi vifaranga vya Samaki maji chumvi, mara baada ya kuwasili katika eneo la Kituo hicho, Februari 27, 2026 Tanga.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa nne kulia), akizungumza na Maafisa wa Kituo cha Ukuzaji Viumbemaji Machui na Maafisa wa Taasisi ya Utafiti wa Uvuvi Tanzania (TAFIRI) kuhusu kuzalisha kwa wingi chakula cha vifaranga vya Samaki aina ya Viroboto maji (Atemia), mara baada ya kuwasili katika eneo la Kituo hicho, Februari 27, 2026 Tanga.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (katikati), akiwasikiliza wadau wa Sekta ya Uvuvi, mara baada ya kuwasili katika eneo la Kituo cha Ukuzaji Viumbemaji Machui, Februari 27, 2026 Tanga, kushoto ni Mkurugenzi Mkuu wa Taasisi ya Utafiti wa Uvuvi Tanzania (TAFIRI), Dkt. Ismael Kimirei na kulia ni Afisa Mfawidhi Kituo cha Usimamizi wa Rasilimali za Uvuvi Tanga (FRP), Bw. Omary Ally Mohammed.

Picha ni wadau wa Sekta ya Uvuvi, wakimsikiliza Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (hayupo pichani), mara baada ya kuwasili katika eneo la Kituo cha Ukuzaji Viumbemaji Machui, Februari 27, 2026 Tanga.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma