SERIKALI KUSHIRIKIANA NA CHUO CHA MINNESOTA KUWAJENGEA UWEZO WATAALAM WA MIFUGO

Serikali kupitia Wizara ya Mifugo na Uvuvi, kwa kushirikiana na Chuo Kikuu cha Minnesota cha Nchini Marekani, imeendelea kujadiliana na kuimarisha mahusiano yenye lengo la kuwajengea uwezo wataalam wa sekta ya mifugo kupitia mradi wa CAHFS ProgRESSVet ili kuhakikisha wataalam hao wanatoa huduma za afya ya wanyama zinazokidhi viwango vya kimataifa.

Hatua hiyo inafuatia ujio wa wataalam kutoka Kituo cha Afya ya Wanyama na Usalama wa Chakula cha Minnesota kwa ajili ya kujadili mashirikiano mapya ya mafunzo katika eneo la usalama wa chakula, Majadiliano yaliyo fanyika leo, Februari 25, 2026, katika Makao Makuu ya Wizara yaliyopo Mji wa Serikali Mtumba, Dodoma.

Ujumbe huo uliongozwa na Naibu Mkurugenzi wa CAHFS, Dkt. Maria Perez, na kupokelewa na Katibu Mkuu wa Wizara ya Mifugo na Uvuvi, Bi. Agnes Meena, ambaye alisisitiza dhamira ya serikali katika kuendeleza ushirikiano huo.

“Serikali itaendelea kushirikiana na Chuo Kikuu cha Minnesota kuhakikisha wataalam wetu wa mifugo wanapata mafunzo stahiki yatakayowawezesha kutoa huduma bora na zinazokidhi viwango vya kimataifa,”amesema Bi. Meena.

Kwa upande wake, Dkt. Perez amepongeza ushirikiano uliopo na kubainisha umuhimu wa programu hiyo katika kuimarisha sekta ya mifugo nchini Tanzania.

“Kupitia ProgRESSVet, tunalenga kujenga uwezo wa wataalam wa mifugo ili kuimarisha afya ya wanyama, usalama wa chakula na uchumi wa mifugo kwa ujumla,” amesema Dkt. Perez.

Hadi sasa, jumla ya wataalam 15 wa mifugo wamepata mafunzo katika awamu ya kwanza ya programu hiyo, huku awamu ya pili ikitarajiwa kuwahusisha wataalam 25 zaidi wanaotoa huduma za afya ya wanyama nchini.

Katibu Mkuu wa Wizara ya Mifugo na Uvuvi Bi. Agnes Meena (watatu kulia) akiwa kwenye picha ya pamoja na Ujumbe wa Chuo Kikuu cha Minnesota cha Marekani baada ya Majadiliano yaliyofanyika Ofisini Kwake, Mtumba Dodoma Leo 25 Februari 2026.
Katibu Mkuu wa Wizara ya Mifugo na Uvuvi Bi. Agnes Meena akizungumza na Ujumbe wa Chuo Kikuu cha Minnesota kuhusu ushirikiano baina ya wizara na chuo hicho, katika kutoa mafunzo kwa wataalam wa mifugo, majadiliano hayo yamefanyika Ofisini Kwake Mtumba Jijini Dodoma 25 Februari 2026.

Mkurugenzi wa Huduma za Mifugo Dkt. Benezeth Lutege akielezea hali ya huduma za mifugo inavyoendelea nchini wakati wa Ujumbe wa Chuo Kikuu cha Minnesota cha Marekani ulipofika kujitambulisha kwa Katibu Mkuu wa Wizara ya Mifugo na Uvuvi, Makao Makuu ya Wizara, Mji wa Serikali Mtumba, Dodoma 25 Februari 2026.

Naibu Mkurugenzi wa Kituo cha Afya ya Wanyama na Usalama wa Chakula (CAHFS) cha Chuo Kikuu cha Minnesota Dkt. Maria Perez akielezea kuhusu mradi wa mafunzo kwa wataalam wa Mifugo wakati wa majadiliano na Katibu Mkuu Bi. Agnes Meena yaliyofanyika wizarani, Mji wa Serikali Mtumba, Dodoma 25 Februari 2026.

Mtafiti kutoka Kituo cha Afya ya Wanyama na Usalama wa Chakula (CAHFS) cha Chuo Kikuu cha Minnesota Bi. Mary Katherine akieleza jinsi chuo hicho kinavyotoa mafunzo kwa wataalam wa mifugo wakati majadiliano na Katibu Mkuu Bi. Agnes Meena  yaliyofanyika leo 25 Februari 2026

Katibu Mkuu wa Wizara ya Mifugo na Uvuvi Bi. Agnes Meena (Katikati) akizungumza na Ujumbe wa Chuo Kikuu cha Minnesota kuhusu ushirikiano baina ya wizara na chuo hicho, katika kutoa mafunzo kwa wataalam wa mifugo, majadiliano hayo yamefanyika Ofisini Kwake Mtumba Jijini Dodoma 25 Februari 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma