MRADI WA MALISHO J-CRISD WAANZA KUTEKELEZWA CHAMWINO

Mradi wa Uoteshaji wa Malisho ya Mifugo aina ya Juncao na Ustahimilivu wa Tabianchi (J-CRISD) unaofadhiliwa na IDN Norway umeanza kutekelezwa na Wizara ya Mifugo na Uvuvi kwa kushirikiana na IDN Africa pamoja na Halmashauri ya Wilaya ya Chamwino, ambapo wafugaji wanapatiwa mafunzo ya kulima malisho kwa njia ya mashamba darasa.

Uzinduzi wa utekelezaji wa mradi huo umefanyika Februari 19, 2026 katika shamba la mfugaji Mayunga Mashishanga lililopo Kata ya Mpayungwa, Katika uzinduzi huo, Afisa Usimamizi wa Nyanda za Malisho Bw. Boniphace Shija, alimwakilisha Mkurugenzi wa Malisho na Rasilimali za Vyakula vya Mifugo na kutoa wito kwa wafugaji kutoa ushirikiano katika utekelezaji wa mradi huo.

“Zao hili tunalolipanda linalenga kusaidia upatikanaji wa malisho ya kutosha, pamoja na kukabiliana na changamoto za mabadiliko ya tabianchi, nitumie fursa hii kulishukuru Shirika la IDN Africa kwa kuwezesha utekelezaji wa shughuli hii, hivyo wafugaji mtoe ushirikiano,” alisema Bw. Shija.

Aidha, Meneja wa Shamba la Malisho la Serikali Vikuge lililopo Pwani, Bw. Ruben Ngailo, amesema mbegu aina ya juncao hukua haraka endapo itatunzwa vizuri, na inaweza kuchukua miezi minne hadi sita kuwa tayari kupandikizwa katika maeneo mengine au kuchakatwa kuwa saileji.

Baada ya kupatiwa mafunzo ya uoteshaji na mbegu za Juncao, Bw. Mayunga Mashishanga amesema ukame umekuwa ukiathiri wafugaji kwa kusababisha upungufu wa malisho, hivyo mpango wa kuhamasisha ulimaji wa malisho utasaidia kuongeza upatikanaji wa chakula cha mifugo na kuboresha uzalishaji.

Kwa upande wake, Mkurugenzi wa IDN Africa Kanda ya Afrika Mashariki, Jonathan Kifunda amewahimiza maafisa ugani kuhakikisha usambazaji sahihi wa mbegu kwa wafugaji katika kata za Itiso, Mvumi, Makang’wa na Chilonwa, ambapo wafugaji 20 watapatiwa mbegu kwa ajili ya mashamba darasa yatakayosaidia kuwafundisha wengine, huku mradi ukitarajiwa kuwanufaisha wafugaji 500 katika kipindi chote cha utekelezaji.

Afisa Usimamizi wa Nyada za Malisho kutoka Wizara ya Mifugo na Uvuvi Bw. Boniphace Shija ( wa tatu kushoto) akivuta Kitambaa kuashiria uzinduzi wa utekelezaji wa Mradi wa Uoteshaji Malisho ya Mifugo na Ustahimilivu wa Tabianchi (J - CRISD), uliofanyika Februari 19, 2026  Kata Mpwayungu, Halmashauri ya Wilaya ya Chamwino, mkoani Dodoma.

Afisa Usimamizi wa Nyada za Malisho kutoka Wizara ya Mifugo na Uvuvi Bw. Boniphace Shija ( wa pili kushoto) akiongoza zoezi la upandaji wa mbegu za malisho aina ya juncao kwenye shamba la mfugaji (Mayunga Mashishanga) wakati wa uzinduzi wa utekelezaji wa Mradi wa J - CRISD, uliofanyika Februari 19, 2026  Mpwayungu, Chamwino, Dodoma.

Meneja wa Shamba la Malisho Vikuge Bw. Ruben Ngailo (wapili kulia) akiwaeleza wafugaji njisi ya kupanda Malisho

Picha ya Pamoja Wataalam na Wafugaji wa Kata ya  Mpwayungu baada ya uzinduzi wa utekelezaji wa Mradi wa Uoteshaji Malisho ya Mifugo na Ustahimilivu wa Tabianchi (J - CRISD), uliofanyika Februari 19, 2026 kwenye shamba la mfugaji ( Mayunga Mashishanga) Chamwino, mkoani Dodoma.


Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma