MAENDELEO YA UJENZI WA SOKO LA SAMAKI KIPUMBWI HAYARIDHISHI - PROF. SHEIKH

Na. Stanley Brayton 

◾Wizara yagoma kuzungumzia kuongeza Mkataba.

◾Awashauri wataalam wa Halmashauri kufuatililia kwa karibu Maendeleo ya Mradi.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh amemtaka Mkandarasi wa Kampuni ya World Class Engineering Contractors Limited kumaliza Ujenzi wa Mradi wa soko la Samaki Kipumbwi haraka iwezekanavyo ili kuweza kuwapa nafasi wavuvi wanaotegemea Soko ilo katika kukuza vipato vyao kwa kufanya biashara, Mradi ambao unatekelezwa chini ya Programu ya Kuendeleza Kilimo na Uvuvi (AFDP) na kufadhiliwa na Shirika la Maendeleo ya Kilimo (IFAD).

Akizungumza kwa niaba ya Katibu Mkuu Wizara ya Mifugo na Uvuvi, katika ziara yake ya kikazi Mkoani Tanga na kukagua Maendeleo ya Miradi wa Soko la Samaki la Kipumbwi lililopo Wilayani Pangani, leo Februari 27, 2026, Prof. Sheikh amesema soko la Samaki la Kipumbwi ni tegemo kubwa sana kwa wavuvi na ni soko ambalo litasaidia kukuza Uchumi wa wananchi na wa Taifa kiujumla.

"ni vyema Mkandarasi kuhakikisha kasi ya Ujenzi inaongezeka kutoka asilimia 28% kwenda asilimia 80% ndani ya wiki mbili, na hii itawezekana kwa kuongeza kasi ya uletaji vifaa vya Ujenzi eneo la Ujenzi ili kuweza kumaliza Ujenzi wa soko hili kwa wakati.” amesema Prof. Sheikh

Aidha, Prof. Sheikh amemtaka Mkandarasi kuongeza nguvu kazi katika eneo la ujenzi na kufanya kazi usiku na mchana ili kumaliza na kuweza kufikia malengo ya Mradi kwa wakati, maana Wizara haitakuwa na maongezi nao ya  kuzungumzia kuhusu kuongeza Mkataba wao.

Vilevile, Prof. Sheikh amemtaka mkandarasi kufika Ofisi za Wizara haraka na mapema hili kuweza kujadiliana ni namna gani wataweza maliza Ujenzi kwa haraka zaidi,  na kuleta hati za malipo haraka ili waweze kulipwa mapema. 

Pia, Prof. Sheikh ameitaka Idara ya Maendeleo ya Miundombinu ya Wizara ya Mifugo na Uvuvi kuimarisha Usimamizi wa Mradi huo kwa kuweka Mhandisi toka Wizarani atakesimami Mradi huo, pamoja na kuhakikisha wakandarasi wanakuwepo eneo la Mradi, kwani Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan anataka Masoko ya Mazao ya Uvuvi yaongezeke ili kuleta tija kwa Taifa na wavuvi pia.

Prof. Sheikh amewashauri wataalam wa Halmashauri ya Wilaya ya Pangani kufuatililia kwa ukaribu Maendeleo ya Mradi huo ili kuweza kufanikisha Mradi kwa haraka zaidi.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa kwanza kulia), akizungumza na kutoa maelekezo kwa Mkandarasi wa Ujenzi wa Mradi wa Soko la Samaki la Kipumbwi, Maafisa wa Wizara ya Mifugo na Uvuvi pamoja na Maafisa wa Idara ya Miundombinu Pangani, mara baada ya kukagua eneo la Mradi, Februari 27, 2026 Pangani - Tanga.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa pili kulia), akikagua Maendeleo ya Miundombinu ya Ujenzi wa Mradi wa Soko la Samaki la Kipumbwi, mara baada ya kuwasili katika eneo la Mradi, Februari 27, 2026 Pangani - Tanga, wa kwanza kulia ni Mkurugenzi Msaidizi Idara ya Uendelezaji wa Miundombinu Wizara ya Mifugo na Uvuvi, Mhandisi Gabriel Mligo na wa pili kushoto ni Msimamizi wa Mradi wa Soko la Samaki la Kipumbwi kutoka Kampuni ya World Class Engineering Contractors Limited, Bw. Ghatali Swai.
Picha ni muonekano wa Mradi wa Soko la Samaki la Kipumbwi, Februari 27, 2026 Pangani - Tanga.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma