ELIMU YA TEKNOLOJIA YA KISASA YA MNYORORO WA THAMANI WA MWANI NA JONGOO BAHARI YAWAFIKIA WAKULIMA MKINGA

Na. Stanley Brayton, WMUV

Wizara ya Mifugo na Uvuvi imeendelea na utekelezaji wa Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM) kwa kutoa Mafunzo ya awali ya kuwajengea uwezo wa Mnyororo wa thamani Wakulima wa Mwani na Jongoo Bahari, ambao wenye lengo la kuimarisha Usimamizi wa Rasilimali za Baharini na kuboresha maisha ya jamii za pwani Tanzania Bara na Zanzibar kwa kuwanyanyua kiuchumi na kuhakikisha wanazalisha kwa wingi zao la Mwani na Jongoo Bahari.

Akizungumza leo Machi 28, 2026 Wilayani Mkinga, wakati wa zoezi la kuwajengea uwezo Wakulima wa Mwani na Jongoo Bahari Wilayani hapo, Afisa Uvuvi Mwandamizi Wizara ya Mifugo na Uvuvi, Bi. Fatuma Juma, amesema Mafunzo hayo ni muhimu kwa Wakulima hao kwani wamepata fursa mbalimbali za kuelewa jinsi ya kulima Mwani na kukuza Jongoo Bahari na kuhifadhi mazao hayo ya Uvuvi ili yawe na ubora kabla ya kuingia sokoni.

"Mradi huu wa TASFAM umelenga katika kuwainua wavuvi hususan wakuzaji Viumbemaji kama Jongoo Bahari na wakulima wa Mwani ili waweze kuzalisha Mazao hayo kwa wingi na ubora zaidi ili kuongeza Masoko ya nje." amesema Bi. Fatuma 

Aidha, Bi. Fatuma amebainisha kuwa katika zao la Jongoo Bahari wavuvi na wakulima wamejifunza Sifa za zao hilo, jinsi Jongoo Bahari wanavyozaliana, chakula wanachokula, njia za Ufugaji na mahitaji, Usimamizi, Masoko na mambo mbalimbali ya kuzingatia wakati wa kufuga zao hilo.

Vilevile, Bi. Fatuma  ameweka wazi kuwa na kwenye zao la Mwani Wakulima wamejifunza umuhimu wa Mwani kama chakula, dawa na Maligafi, ambapo pia wamejifunza jinsi ya kulima zao hilo, uchaguzi wa eneo la kupandia zao hilo (maji na udongo), utunzaji, uvunaji na uhifadhi, Masoko pamoja na utengenezaji wa bidhaa mbalimbali zitokanazo na Mwani, ikiwemo Sabuni na Mafuta ya kupaka Mwilini ambayo yana muunganiko wa Samli, mafuta ya maji, nta nyepesi na nzinto, manukato, Mwani, Shubili Poli, na hatua mbalimbali za kutengeneza bidhaa hizo.

Pia, Bi. Fatuma  amesema Wizara inataka kufanya Mageuzi katika Sekta ya Uvuvi na ndio maana imeandaa Mpango Mkakati wa Mageuzi wa Sekta ya Uvuvi na Ukuzaji Viumbemaji kwa mwaka 2026/2050, ambao utaleta mabadiliko katika Sekta ya Uvuvi, ndio maana Mafunzo zaidi katika Sayansi ya Baharini yanaendelea kutolewa kwa kuwajengea uelewa wananchi ili waweze kufuga na kulima Mazao ya Uvuvi kwa tija.

Afisa Uvuvi Mwandamizi Wizara ya Mifugo na Uvuvi, Bi. Fatuma Juma, akielezea fursa mbalimbali za zao la Jongoo Bahari, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Manza, Kijiji cha Tawalani, Machi 28, 2026 Mkinga - Tanga.

Afisa Uvuvi Mkuu Wizara ya Mifugo na Uvuvi, Ndg. Silas William, akitoa neno la Utangulizi na kuelezea lengo la Mradi wa TASFAM kwa wakulima wa mwani, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Manza, Kijiji cha Tawalani, Machi 28, 2026 Mkinga - Tanga.

Afisa Uvuvi wa Wizara ya Mifugo na Uvuvi, Bi. Ramla Iddi (kushoto), akielezea namna Jongoo Bahari wanavyozaliana, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Manza, Kijiji cha Tawalani, Machi 28, 2026 Mkinga - Tanga.

Mkulima wa Mwani, Bw. Zali Bakari (aliyeshosha mkono mbele), akielezea changamoto zinazowakumba Wakulima wa Mwani ikiwemo uelewa mdogo wa utunzaji, uanikaji na uhifadhi wa Mwani, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Manza, Kijiji cha Tawalani, Machi 28, 2026 Mkinga - Tanga.

Afisa Ushirika wa Wilaya ya Mkinga, Bw. Jumanne Maziku (aliyesimama), akielezea umuhimu wa Wakulima wa Mwani na Jongoo Bahari kujiunga kwenye vyama vya Ushirika, wakati wa zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Manza, Kijiji cha Tawalani, Machi 28, 2026 Mkinga - Tanga.

Maafisa wa Wizara ya Mifugo na Uvuvi wakiwa katika picha ya pamoja na wakulima wa Mwani na Jongoo Bahari, baada ya zoezi la kuwajengea uwezo wa Mnyororo wa Thamani Wakulima wa Mwani na Jongoo Bahari, elimu inayotolewa na Wizara ya Mifugo na Uvuvi kupitia Mradi wa Utekelezaji wa Rasilimali za Uvuvi na Ukuzaji Viumbe Maji (TASFAM), katika Kata ya Manza, Kijiji cha Tawalani, Machi 28, 2026 Mkinga - Tanga.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma