VITUO 31 VYASITISHWA KUTOA HUDUMA ZA AFYA YA WANYAMA

Na. Stanley Brayton, WMUV

Baraza la Veterinari Tanzania (VCT) limesitisha Huduma za Vituo 31 vya Huduma za Afya ya Wanyama Mkoani Dar es Salaam, hii ni kutokana na Vituo hivyo kutokuwa na uhalali na kutokidhi vigezo vya kutoa Huduma hizo, ikiwemo kutokuwa na Usajili pamoja na kutozingatia Sheria ya Veterinari SURA 319 ya mwaka 2003.

Akizungumza kwa niaba ya Msajili wa Baraza la Veterinari Tanzania (VCT), wakati wa Ukaguzi wa Vituo mbalimbali vya kutolea Huduma za Afya ya Wanyama pamoja na Wataalam wake, leo Machi 6, 2026 Mkoani Dar es Salaam, Mkaguzi wa Baraza hilo, Dkt. Winston Billy, amesema mpaka sasa wamekagua jumla ya vituo 261 vya Huduma hizo katika Halmashauri zote za Mkoa wa Dar es Salaam na kukuta changamoto kwenye Vituo 31 ambavyo havijakidhi vigezo na kuamua kusitisha Huduma za Vituo hivyo.

"tumesitisha Huduma kwenye Vituo hivi kutokana na wamiliki kutofuata Sheria za Veterinari na tumewaelekeza wamiliki na Wataalam wa Huduma za Afya ya Wanyama kufuata Sheria, Kanuni na Miongozo iliyopo ili kutoa Huduma Bora kwa Wanyama na wafugaji” amesema Dkt. Billy

Aidha, Dkt. Billy amebainisha kuwa Baraza linataka wafugaji wakienda kwenye Vituo vya Huduma ya Afya ya Wanyama wapate Huduma iliyo Bora na iliyokidhi vigezo na viwango stahiki kutokana na muongozo wa Baraza, na Baraza linaendelea kufanya ukaguzi katika mikoa mingine ili kuhakikisha Huduma hizo zinatolewa kwa ubora na kwa kufuata sheria.

Vilevile, Dkt. Billy amesema lengo la Baraza ni kupita na kukagua pamoja na kuangalia kama yale makubaliano ya awali wakati Kituo kinasajiliwa kama yamefuatwa na yanaendelea kufuatwa na kama mtaalam aliyopo pale kasajiliwa na Baraza.

Pia, Dkt. Billy ametoa rai kwa wamiliki wa Vituo vya Huduma za Afya ya Wanyama na Wataalam ambao wako kwenye Vituo hivyo kuendelea kufuata Sheria, Kanuni na Miongozo ya Baraza ili kuweza kuwahudumia wafugaji vizuri, na amewataka wafugaji kupata Huduma katika Vituo na Wataalam waliosajiliwa na wenye sifa stahiki wanaotambuliwa na Baraza kwa ajili ya ustawi wa sekta ya mifugo nchini.

Mkaguzi wa Baraza la Veterinari Tanzania (VCT), Dkt. Winston Billy (kushoto), akikagua vyeti vya Usajili wa Wataalam na Kliniki ya Mama Pembejeo Agrovet kama vimesajiliwa kihalali na kuhuishwa na Baraza, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Machi 6, 2026 Dar es Salaam.

Mkaguzi wa Baraza la Veterinari Tanzania (VCT), Dkt. Winston Billy (kushoto), akiweka kumbukumbu ya Taarifa ya Kliniki ya ARM Agrovet na Wataalam wake kwenye kitabu cha kumbukumbu, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Machi 6, 2026 Dar es Salaam.

Mkaguzi wa Baraza la Veterinari Tanzania (VCT), Dkt. Winston Billy, akikagua dawa za Wanyama kama hazijaisha muda wake pamoja na uhifadhi wa chanjo za wanyama, wakati wa zoezi la kukagua shughuli za utoaji Huduma za Afya ya Wanyama katika Vituo na Kliniki za Wanyama, Machi 6, 2026 Dar es Salaam.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma