SERIKALI YAONGEZA NGUVU KWA MAAFISA UGANI

Serikali kupitia Wizara ya Mifugo na Uvuvi imeendelea kuimarisha uwezo wa maafisa ugani wa sekta ya mifugo kwa kuwapatia mafunzo rejea yanayolenga kuboresha utoaji wa huduma kwa wafugaji na kuongeza uzalishaji wa mifugo nchini.

Mafunzo hayo yaliyodumu kwa siku mbili  Kwa upande wa maafisa ugani wa Mifugo yamehitimishwa leo Machi 10, 2026 Katika ukumbi wa IFM  Wilayani Chato mkoani Geita kwa kuwahusisha maafisa ugani kutoka Kanda ya Ziwa na Kanda ya Magharibi.

Akizungumza wakati wa hitimisho la mafunzo hayo, Mwakilishi wa Katibu Mkuu Wizara ya Mifugo na Uvuvi ambaye pia ni Afisa Mifugo Mkuu, Bi. Mary Yongolo amewashukuru maafisa ugani kwa nidhamu waliyoionesha katika kipindi chote cha mafunzo hayo.

"Hakikisheni maarifa mliyoyapata yawe chachu ya kuboresha utendaji kazi wenu pindi mrejeapo vituoni ili kuleta tija katika sekta ya mifugo." Amesema Bi. Yongolo

Kwa upande wake, Mwakilishi wa Mkurugenzi wa Halmashauri ya Wilaya ya Chato, Dkt. Sostenes Nkombe, amewapongeza washiriki kwa ushiriki wao katika mafunzo hayo na kuwataka kuwa mfano kwa maafisa wengine watakaporejea katika vituo vyao vya kazi.

Aidha, amesema kuwa mafunzo hayo yana mchango mkubwa katika kuimarisha ufanisi wa maafisa ugani katika kuwahudumia wafugaji na kusaidia maendeleo ya sekta ya mifugo katika ngazi za halmashauri.

Kwa upande wake mwakilishi wa washiriki wa mafunzo hayo, Frank Ipugute ambaye ni Afisa Mifugo Halmashauri ya Wilaya ya Chato, ameishukuru Wizara ya Mifugo na Uvuvi kwa kuandaa mafunzo hayo na kuomba yaendelee kutolewa mara kwa mara, pia yatolewe katika ngazi za Halmashauri ili yaweze kuwafikia maafisa ugani wengi zaidi na kuboresha huduma kwa wafugaji.

Mwakilishi wa Katibu Mkuu Wizara ya Mifugo na Uvuvi Ndg. Mary Yongolo Afisa Mifugo Mkuu, akitoa neno la Shukrani Kwa  Maafisa Ugani wa Mifugo Kwa nidhamu waliyooshesha wakati wa mafunzo  yaliyojumuisha  Kanda ya Ziwa na Kanda ya Magharibi yaliyofanyika katika Ukumbi IFM, Machi 10, 2026 Chato Mkoani Geita.

Mwakilishi wa Mkurugenzi wa Halmashauri ya Wilaya ya Chato, Dkt. Sostenes Nkombe, akizungumza wakati wa mafunzo rejea kwa maafisa ugani wa sekta ya mifugo, ambapo amewapongeza washiriki kwa ushiriki wao na kuwataka kuwa sehemu ya mfano Kwa maafisa wengine pindi warudipo vituoni, mafunzo hayo  yamefanyika katika Ukumbi wa IFM Chato, Machi 10, 2026 Mkoani Geita.

Afisa Mifugo Mwandamizi, Ahmed Mziray kutoka Wizara ya Mifugo na Uvuvi akitoa wasilisho la rasimu ya mbari  kwa ajili yakupata maoni ya wadau wakati wa mafunzo rejea kwa maafisa ugani wa sekta za mifugo na uvuvi wa Kanda ya Ziwa na Kanda ya Magharibi kwenye ukumbi wa IFM Chato mkoani Geita, Machi 10, 2026

Afisa TEHAMA kutoka Wizara ya Mifugo na Uvuvi, Ndg. Stanislaus Chayeka akitoa wasilisho juu ya Mfumo wa MIMIS, jinsi yakusaidia wadau kujisajili kwenye mfumo kuomba vibali na kusajili huduma mbalimbali na jinsi ya kuwasaidia wadau kutumia mfumo huo, kwenye mafunzo rejea kwa maafisa ugani wa sekta za mifugo na uvuvi Kanda ya Ziwa na Kanda ya Magharibi kwenye ukumbi wa IFM Chato mkoani Geita, Machi 10, 2026

Picha ni maafisa ugani wa mifugo wakiwa kwenye mafunzo rejea Kwa Katika Sekta ya Mifugo kwa Kanda ya Ziwa na Kanda ya Magharibi, yanayoendelea kufanyika katika ukumbi wa IFM, Machi 10, 2026 Chato mkoani Geita.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma