SERIKALI YAKABIDHI BILIONI 7 KWA VIJANA 308 MRADI WA BBT UVUVI

 Serikali kupitia Waziri Wizara ya Mifugo na Uvuvi imekabidhi hundi ya shilingi Bil. 7 kuwezesha mitaji kwa vijana waliohitimu mafunzo ya program ya Jenga Kesho iliyo Bora kwa upande wa sekta ya Uvuvi (BBT-UVUVI) ambapo zitatumika kwenye shughuli za ukuzaji viumbe maji.

Akizungumza kabla ya kukabidhi hundi hiyo Mgeni rasmi wa hafla hiyo ambaye pia ni Waziri wa Nchi Ofisi ya Rais Maendeleo ya Vijana Mhe. Joel Nanauka amesema kuwa fedha hizo zinatolewa kama mikopo yenye mashart nafuu kwa vijana kwa ajili ya kuwezesha mitaji, vifaa, pembejeo muhimu za ukuzaji  viumbe maji pamoja na posho ya kujikimu kwa washiriki.

"Program hii haitaishia tuu hapa , itaenda ukanda wa pwani na mtwara kwani mradi wenyewe una sura ya ukuzaji wa uchumi wa buluu ” Amesema Mhe. Nanauka

Aidha amewakumbusha vijana wanufaika kuwa hii ni mikopo, wana wajibu wa kufanya marejesho kwa uaminifu ili fedha zinazopatikana ziweze kuwasaidia vijana wengine ambao wana uhitaji.

Naye Naibu Waziri wa Mifugo na Uvuvi Mhe Ng'wasi Kamani amesema kuwa uwezeshaji wa vijana hao ni sehemu ya mikakati ya wizara ya kuongeza uzalishaji pamoja na kuongeza mchango wa sekta ya uvuvi katika pato la Taifa sambamba na utoaji wa ajira nchini.

"Takwimu zinaonesha kuwa kwa sasa kila mtu anakula samaki kilo 7.9 kiasi ambacho kiko chini ukilinganisha na hitaji la shirika la chakula na Kilimo Duniani (FAO) kinachotaka  kila mtu kula kilo 20 za samaki kwa mwaka hivyo hali hiyo inaonesha fursa kubwa ya kuongeza uzalishaji kupitia miradi ya ufugaji samaki kwenye vizimba ili kukidhi hitaji la ulaji wa samaki nchini" Ameongeza Mhe. Kamani.

Akizungumza kwa niaba ya katibu Mkuu wa Wizara hiyo Bi. Agness Meena, Naibu katibu Mkuu anayeshughulikia Uvuvi Prof. Mohammed Sheikh amesema kuwa program ya jenga kesho iliyobora (BBT Uvuvi) ni mpango unaolenga kuongeza ushiriki wa vijana katika shughuli za uvuvi na ukuzaji viumbe maji ili kuongeza uzalishaji wa mazao ya uvuvi sambamba na kukabiliana na changamoto ya ajira kwa vijana.

"Fedha hizi zinatarajiwa kuwawezesha mitaji vijana 308 ambapo vijana  160 watatekeleza miradi ya ufugaji samaki kwenye vizimba, vijana148 watatekeleza miradi ya ufugaji jongoo bahari, kilimo cha mwani pamoja na unenepeshaji wa kaa” Amesema Prof. Sheikh.

Kwa upande wake Mtendaji Mkuu wa Wakala ya Elimu na Mafunzo ya Uvuvi (FETA) Dkt Semvua Mzighani ambao ndio watekelezaji wakuu wa mradi huo amesema kuwa Taasisi yake imejiandaa kitaalam kusimamia, kuratibu na kuhakikisha mradi huo unafanikiwa katika viwango vilivyokusudiwa.

"FETA ndio itasambaza pembejeo muhimu ikiwa ni pamoja na vifaranga vya samaki na chakula cha samaki lakini pia itasimamia uwekaji wa miundombinu kama vizimba pamoja na kufanya ufuatiliaji na tathmini ya mradi" Amesema Dkt Mzighani. 

Fedha zilizokabidhiwa leo ni sehemu ya shilingi Bilioni 200 zilizoahidiwa kutolewa na Rais wa Jamhuri ya Muungano wa Tanzania mhe. Samia Suluhu Hassan ambapo utekelezwaji wake utaongeza ajira zaidi za watanzania 4600 walioajiriwa kwenye viwanda 64 vya kuchakata mazao ya uvuvi nchini huku pia ikitarajiwa kuongeza uzalishaji wa samaki uliofikia takribani tani 599,199 kwa sasa.

Waziri wa Nchi Ofisi ya Rais Maendeleo ya Vijana Mhe. Joel Nanauka, Naibu Waziri wa Mifugo na Uvuvi Mhe. Ng’wasi Kamani,  Kaimu Mkurugenzi wa Benki ya Maendeleo ya kilimo nchini (TADB) na viongozi wengine wakiwa kwenye picha ya pamoja na vijana waliohitimu programu ya Jenga kesho iliyo bora upande wa sekta ya Uvuvi (BBT-UVUVI) muda mfupi baada ya kuwakabidhi mfano wa hundi ya shilingi Bil. 7 kwenye hafla iliyofanyika Machi 07,2026.

Kaimu Mkurugenzi wa Benki ya Maendeleo ya kilimo nchini (TADB) Bw. Mkani Waziri (kulia) akimkabidhi Waziri wa Nchi Ofisi ya Rais Maendeleo ya Vijana Mhe. Joel Nanauka mfano wa hundi ya shilingi Bil.7 ambazo ni sehemu ya uwezeshwaji wa mitaji kwa vijana waliohitimu programu ya Jenga kesho iliyo bora upande wa sekta ya Uvuvi (BBT-UVUVI) kwenye hafla iliyofanyika leo Machi 07,2026 jijini Mwanza. Wengine wanaoshuhudia kushoto ni Naibu Waziri wa Mifugo na Uvuvi Mhe. Ng’wasi Kamani na Mwakilishi wa Mwenyekiti wa Kamati ya kudumu ya bunge ya Viwanda, Biashara, Kilimo na Mifugo Mhe. Ghati Chomete.

Waziri wa Nchi Ofisi ya Rais Maendeleo ya Vijana Mhe. Joel Nanauka na Naibu Waziri wa Mifugo na Uvuvi Mhe. Ng’wasi Kamani (nyuma) wakiwakabidhi  vijana waliohitimu programu ya Jenga kesho iliyo bora upande wa sekta ya Uvuvi (BBT-UVUVI) mfano wa hundi ya shilingi Bil.7 zilizotolewa kwenye hafla iliyofanyika leo Machi 07,2026 jijini Mwanza.


Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma