SERIKALI KUTOA PIKIPIKI 200 KUIMARISHA HUDUMA ZA UGANI

Na. Stanley Brayton

Wizara ya Mifugo na Uvuvi imezamiria kuimarisha huduma za Ugani kwa kununua pikipiki 200 ambazo zitasaidia kuongeza ufanisi katika utendaji kazi wa maafisa Ugani wa Mifugo na Uvuvi katika kutekeleza majukumu ya kuwahudumia wananchi ili kuongeza uzalishaji katika sekta hizo.

Akizungumza Katibu Tawala Msaidizi Sehemu ya Uchumi na Uzalishaji Mkoa wa Pwani, Ndg. Shangwe Twamala, wakati wa hafla ya ufunguzi wa mafunzo rejea kwa maafisa hao kutoka Kanda ya Kati Mashariki leo Machi 11, 2026, mkoani Pwani, Ndg. Twamala amesema pikipiki hizo 200 zitasambazwa kwa maafisa ugani wote nchini.

"Wote tunashuhudia utekelezaji huo na hatua za Wizara ya Mifugo na Uvuvi kwa kuwa miongoni mwenu wapo wataalam wa ugani ambao wameshapatiwa vifaa pamoja na mafunzo mbalimbali yakiwemo haya mafunzo ya leo ambayo nimepata nafasi ya kuyafungua kwa Kanda ya Kati Mashariki.” Amesema Ndg. Twamala

Aidha, Ndg. Twamala amebainisha kuwa Wizara ya Mifugo na Uvuvi inaendelea kutekeleza majukumu mbalimbali ikiwemo kampeni ya chanjo na utambuzi wa mifugo, ukusanyaji wa mapato kwa sekta za mifugo na kutoa mafunzo kwa wanajamii katika Halmashauri zote nchini.

Vilevile, Ndg. Twamala amewataka maafisa ugani kuongeza kasi katika utekelezaji wa majukumu yao, na ametaka wajikite katika kuboresha utoaji wa taarifa sahihi na kwa wakati, kusambaza teknolojia bora na bunifu zinazoongeza tija, kuimarisha elimu kwa wafugaji na wavuvi, pamoja na kutoa ushauri wa kitaalamu unaozingatia viwango na miongozo iliyopo.

Akizungumza kwa Niaba ya Katibu Mkuu wa Wizara ya Mifugo na Uvuvi, Naibu Msajili wa Baraza la Veterinari Tanzania (VCT), Dkt. Obed Nyasebwa ameweka wazi kuwa mafunzo hayo ni mwendelezo wa hatua zinazochukuliwa na wizara za kuwajengea uwezo wataalam wa mifugo na uvuvi katika kutekeleza majukumu ya utoaji wa huduma za ugani nchini kama ilivyoainishwa katika Sera, Sheria na Kanuni za Mifugo.

Pia, Dkt. Nyasebwa amesema kupitia mafunzo hayo wataalam watapata nafasi ya kujadiliana kwa kina juu ya changamoto na utatuzi wake ili kuweza kuboresha sekta zote na mifugo na uvuvi.

Kwa upande wake, Afisa Mifugo Mkuu kutoka Ofisi ya Waziri Mkuu - TAMISEMI, Ndg. Elisante Qadwe amewapongeza maafisa ugani wa mifugo na uvuvi kwa kuhudhuria kwa wingi katika mafunzo hayo yenye lengo la kufanya mapinduzi makubwa hasa utendaji kazi unaozingatia matumizi ya sayansi.

Naye, Mkuu wa Idara ya Kilimo, Mifugo na Uvuvi wa Halmashauri ya Wilaya ya Mkuranga, Bi. Anna Kiria ameiomba Wizara ya Mifugo na Uvuvi kuendelea kutoa mafunzo hayo kwani yatazidi kuimarisha sekta na kuinua hali ya utendaji kazi wa maafisa ugani.

Mgeni Rasmi ambaye ni Katibu Tawala Msaidizi Sehemu ya Uchumi na Uzalishaji, Ndg. Shangwe Twamala (aliyekaa mstari wa mbele katikati), akiwa katika picha ya pamoja na Maafisa wa Wizara ya Mifugo na Uvuvi, baada ya Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.
Mgeni Rasmi ambaye ni Katibu Tawala Msaidizi Sehemu ya Uchumi na Uzalishaji Mkoa wa Pwani, Ndg. Shangwe Twamala, akihutubia Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.

Mwakilishi wa Katibu Mkuu Wizara ya Mifugo na Uvuvi, ambaye ni Naibu Msajili wa Baraza la Veterinari Tanzania (VCT), Dkt. Obed Nyasebwa, akielezea lengo la Mafunzo, katika Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.

Afisa Mifugo Mkuu Wizara ya Mifugo na Uvuvi, Ndg. Sebastian Shilingalila, akitoa neno la Utangulizi kwa Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.

Afisa Mifugo Mkuu Ofisi ya Waziri Mkuu - TAMISEMI, Ndg. Elisante Saktay Qadwe (wa kwanza kulia), akielezea Mada inayohusu Ugatuzi wa Madaraka kutoka Serikali Kuu kwenda Mamlaka ya Serikali za Mitaa (MSM), katika Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.

Mkuu wa Idara ya Kilimo, Mifugo na Uvuvi wa Halmashauri ya Wilaya ya Mkuranga, Bi. Anna Kiria (wa kwanza kulia), akichangia mada, katika Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.

Picha ni Maafisa Ugani wa Mifugo na Uvuvi, wakisikiliza Mada iliyowasilishwa na Afisa Mazingira wa Wizara ya Mifugo na Uvuvi, Bi. Beatrice Temba (hayupo pichani), inayohusu Utunzaji wa Mazingira kwa Ufugaji unaostahimili mabadiliko ya tabianchi, katika Hafla ya Ufunguzi wa Mafunzo Rejea kwa Maafisa Ugani wa Mifugo na Uvuvi Nchini Kanda ya Kati Mashariki, yaliyofanyika katika Ukumbi wa Halmashauri ya Wilaya ya Mkuranga, Machi 11, 2026 Pwani.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma