PROF. SHEIKH AWATAKA IUCN KUZINGATIA VIPAUMBELE VYA WIZARA KATIKA UTEKELEZAJI WA MRADI

Na. Stanley Brayton

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh amelitaka Shirika la Kimataifa wa Uhifadhi wa Mazingira (IUCN) kuzingatia vipaumbele vya Wizara katika utekelezaji wa Mradi wa Pamoja Tuhifadhi Bahari Yetu ili kuleta tija katika Sekta ya Uvuvi.

Akizungumza kwa niaba ya Katibu Mkuu wa Wizara ya Mifugo na Uvuvi, wakati wa Kikao cha kupitia Mradi wa Pamoja Tuheshimu Bahari Yetu unaoratibiwa na ICUN na kutekelezwa na Wizara za Kisekta na Taasisi zisizo za kiserikali, leo Machi 2, 2026 Mkoani Morogoro, Prof. Sheikh amewataka IUCN kuzingatia vipaumbele vya Wizara katika utekelezaji wa Mradi huo.

"ni vyema ICUN kufuata Miongozo na Taratibu za Wizara katika kutekeleza Mradi kwa kuchangia katika Mkakati wa Mageuzi wa Sekta ya Uvuvi na Ukuzaji Viumbemaji kwa mwaka 2026/2050, na programu zenu zilenge kwenye kufanya Mageuzi katika Sekta ya Uvuvi.” amesema Prof. Sheikh

Vilevile, Prof. Sheikh amesema kwa sasa Wizara inataka kufanya Mageuzi katika Sekta ya Uvuvi na ndio maana imeandaa Mpango Mkakati wa Mageuzi wa Sekta ya Uvuvi na Ukuzaji Viumbemaji kwa mwaka 2026/2050, ambao utaleta mabadiliko katika Sekta ya Uvuvi kwani inaendana na Dira ya Taifa ya mwaka 2050, na ameitaka ICUN kutoa Mafunzo zaidi katika Sayansi ya Baharini na kuendelea kuwajengea uelewa wananchi ili waweze kufuga samaki kwa tija.

Pia, Prof. Sheikh amesema kwa sasa uwezo wa kuzalisha vifaranga ni mdogo kuanzia upande wa Samaki maji baridi na maji chumvi, hivyo ni vyema IUCN wakashirikiana na serikali kwa kuwa na programu ya Ukuzaji Viumbemaji wa bahari ambayo itaenda kusaidia katika Uzalishaji wa vifaranga kwa wingi. 

Prof. Sheikh amesema Wizara inaunga mkono juhudi za ICUN na inahaidi kutoa ushirikiano wa kotosha kwao, kwani inasaidia katika kuhifadhi rasilimali za uvuvi katika ukanda wa pwani, kusaidia Taasisi za Wizara (MPRU na TAFIRI) kupitia programu za kuhifadhi maeneo tengefu, kutoa vifaa vya utafiti, kupunguza uchafuzi wa mazingira unaosababisha na utupaji holela wa taka za plasti, uhifadhi mikoko, pamoja na kutoa ufadhili katika ngazi za Uzamili na Uzamivu.

Kwa upande wake, Msimamizi wa Mradi wa Pamoja Tuheshimu Bahari Yetu kutoka IUCN, Dkt. Mathias Igulu, akiwasilisha taarifa ya Utekelezaji wa Mradi huo kwa Mwaka 2026 pamoja na mambo mengine, amefafanua kwamba mradi umetoa  ufadhili kwa wanafunzi 28 wa ngazi za Uzamili na Uzamivu ambao wataenda kuwa chachu katika Sekta ya Uvuvi.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (katikati mstari wa mbele), akiwa kwenye picha ya pamoja na Maafisa wa Wizara hiyo na Maafisa wa Shirika la Kimataifa wa Uhifadhi wa Mazingira (IUCN), mara baada ya kikao kazi cha Taarifa za Utekelezaji wa Mradi wa Pamoja wa Tuheshimu Bahari Yetu unaoratibiwa na Shirika la IUCN pamoja na Wizara za Kisekta, Machi 2, 2026 Morogoro.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh, akizungumza na Maafisa wa Wizara hiyo na Maafisa wa Shirika la Kimataifa wa Uhifadhi wa Mazingira (IUCN), katika Kikao cha kupitia Taarifa za Utekelezaji wa Mradi wa Pamoja wa Tuheshimu Bahari Yetu unaoratibiwa na IUCN pamoja na Wizara za Kisekta, Machi 2, 2026 Morogoro.

Msimamizi wa Mradi wa Pamoja wa Tuheshimu Bahari Yetu kutoka Shirika la Kimataifa wa Uhifadhi wa Mazingira (IUCN), Dkt. Mathias Igulu, akitoa Taarifa za Utekelezaji wa Mradi wa Pamoja wa Tuheshimu Bahari Yetu unaoratibiwa na Shirika la IUCN pamoja na Wizara za Kisekta, Machi 2, 2026 Morogoro.

Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Ali Sheikh (wa kwanza kushoto), akitizama na kusikiliza wasilisho la Taarifa za Utekelezaji wa Mradi wa Pamoja wa Tuheshimu Bahari Yetu unaoratibiwa na Shirika la Kimataifa wa Uhifadhi wa Mazingira (IUCN) pamoja na Wizara za Kisekta, Machi 2, 2026 Morogoro.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma