MKANDARASI WA GHALA LA UBARIDI TAFICO ATAKIWA KUKAMILISHA KAZI KWA WAKATI

Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh, kwa niaba ya Katibu Mkuu wa Wizara ya Mifugo na Uvuvi Bi. Agnes Meena, ameiagiza kampuni ya Kabirirti Engineering Limited inayotekeleza mradi wa ukarabati wa ghala la ubaridi (Cold Storage) la Shirika la Uvuvi Tanzania (TAFICO) kufanya kazi usiku na mchana ili kuhakikisha mradi huo unakamilika ndani ya muda uliopangwa.

Prof. Sheikh ametoa agizo hilo leo Machi 9, 2026 wakati alipotembelea Makao Makuu ya TAFICO yaliyopo Ras Mkwavi-Kigamboni jijini Dar es Salaam, kwa lengo la kukagua miundombinu ya uhifadhi wa samaki na mazao ya uvuvi.

Amesema kukamilika kwa mradi huo kwa wakati ni muhimu katika kuimarisha shughuli za uvuvi na kuongeza uwezo wa kuhifadhi mazao ya baharini, jambo litakalosaidia kuongeza thamani ya bidhaa za uvuvi pamoja na kuchochea uchumi wa sekta hiyo.

Kwa upande wake, mkandarasi wa mradi huo kutoka Kabirirti Engineering Limited ameeleza kuwa kazi ya ukarabati inaendelea vizuri na kwamba watahakikisha wanazingatia maelekezo yaliyotolewa ili kukamilisha mradi huo ndani ya muda uliopangwa.

Mradi wa ukarabati wa ghala hilo la ubaridi ulianza mapema mwezi Februari 2026 na unatarajiwa kukamilika ndani ya siku 90 tangu ulipoanza. Kukamilika kwa mradi huo kunatarajiwa kuongeza uwezo wa TAFICO kuhifadhi samaki na mazao mengine ya uvuvi katika mazingira salama na yenye viwango vinavyokubalika kimataifa.

Ziara hiyo ni sehemu ya juhudi za Serikali kufuatilia utekelezaji wa miradi ya maendeleo katika sekta ya uvuvi ili kuhakikisha inaleta tija inayotarajiwa kwa taifa.

Pia katika Ziara hiyo Prof. Sheikh alishiriki kikao na mdau wa maendeleo Bw. Kim Bong-Jo kutoka kampuni ya Galleon Korea Co. LTD ya nchini Korea Kusini, inayolenga kufanya uwekezaji wa pamoja na TAFICO.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma