MHE. KAMANI AITAKA FETA KUONGEZA UZALISHAJI WA VIFARANGA VYA SAMAKI

Na. Stanley Brayton, WMUV

Naibu Waziri wa Mifugo na Uvuvi, Mhe. Ng’wasi Damas Kamani, ameitaka Wakala ya Elimu na Mafunzo ya Uvuvi (FETA) kuongeza uzalishaji wa vifaranga vya samaki kutoka kiwango cha sasa na kufikia kati ya milioni 5 hadi 10 kwa mwezi, ili kuchochea ukuaji wa Sekta ya uvuvi na kuongeza tija kwa wananchi.

Akizungumza leo Machi 5, 2026 jijini Dodoma katika hafla ya uzinduzi wa Bodi ya Tatu ya Ushauri ya FETA, Mhe. Kamani amesema kuwa ongezeko la uzalishaji wa vifaranga litasaidia kuimarisha shughuli za ukuzaji viumbemaji na kuongeza mchango wa Sekta ya uvuvi katika Pato la Taifa.

"Bodi mpya inapaswa kusimamia kwa karibu Mpango Mkakati wa Wakala, na kuhakikisha upatikanaji wa mbegu bora za samaki, pamoja na kushirikiana na Taasisi nyingine zikiwemo Taasisi ya Utafiti wa Uvuvi Tanzania (TAFIRI), katika kuanzisha Mpango wa Kitaifa wa kuboresha mbegu za mazao ya viumbe 

maji" amesema Mhe. Kamani.

Aidha, Mhe. Kamani amewataka wajumbe wa Bodi hiyo kuimarisha mafunzo ya vitendo kwa vijana kupitia programu ya Jenga Kesho Iliyo Bora (BBT - Uvuvi) ili kuwawezesha kujiajiri na kushiriki kikamilifu katika uchumi wa Buluu.

Katika hafla hiyo, Mhe. Kamani amezindua rasmi Bodi ya Tatu ya Ushauri ya FETA na kusisitiza kuwa Serikali chini ya uongozi wa Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, itaendelea kuiwezesha sekta ya uvuvi kwa maendeleo endelevu ya Taifa.

Kwa upande wake Katibu Mkuu Wizara ya Mifugo na Uvuvi, Bi. Agness Meena amesema ili kuendeleza tasnia hiyo ya Uvuvi kwa njia endelevu, Wizara inahitaji wataalamu wenye ujuzi stahiki, ambao wanapatikana kupitia FETA. 

Vilevile Bi. Meena amempongeza mwenyekiti na wajumbe wote wa Bodi Kwa kuteuliwa, na kuwapongeza Kwa dhumuni la kutekeleza majukumu yao kikamilifu.

Naye, Mwenyekiti wa Bodi ya Tatu ya Ushauri ya FETA, Dkt. Blandina Lugendo amesema malengo ya FETA yatatekelezwa kikamilifu na weledi,  na pia ameiomba Wizara iweze kuwajengea miundombinu mipya ya kuweza kuendesha Taasisi hiyo.

Mtendaji Mkuu wa Wakala ya Elimu na Mafunzo ya Uvuvi (FETA) Dkt. Semvua Isa Mzighani amesema jukumu kuu la FETA ni kutoa elimu juu Ukuzaji Viumbe maji, pia wamepewa jukumu la kuboresha miundombinu ya Kampasi za Uvuvi ili kutoa wataalamu watakaosimamia bandari za uvuvi na kuanzisha kozi ya kimataifa ya uangalizi wa bandari.

Naibu Waziri wa Mifugo na Uvuvi, Mhe. Ng'wasi Kamani (kushoto), akimkabidhi Mwenyekiti wa Bodi ya tatu ya Ushauri ya Wakala ya Elimu na Mafunzo ya Uvuvi (FETA), Dkt. Blandina Lugendo (kulia), Muongozo wa Malengo ya Taasisi hiyo, katika Hafla ya Uzinduzi wa Bodi ya tatu ya Ushauri ya FETA, iliyofanyika katika Ukumbi wa Hoteli ya Gerwill, Machi 5, 2026 Dodoma.

Naibu Waziri wa Mifugo na Uvuvi, Mhe. Ng'wasi Kamani, akihutubia Watendaji Wakuu wa Wizara pamoja na Wajumbe wa Bodi ya tatu ya Ushauri ya Wakala ya Elimu na Mafunzo ya Uvuvi (FETA), katika Hafla ya Uzinduzi wa Bodi ya tatu ya Ushauri ya FETA, iliyofanyika katika Ukumbi wa Hoteli ya Gerwill, Machi 5, 2026 Dodoma.

Katibu Mkuu wa Wizara ya Mifugo na Uvuvi, Bi. Agnes Kisaka Meena, akizungumza na Watendaji Wakuu wa Wizara pamoja na Wajumbe wa Bodi ya tatu ya Ushauri ya Wakala ya Elimu na Mafunzo ya Uvuvi (FETA), katika Hafla ya Uzinduzi wa Bodi ya tatu ya Ushauri ya FETA, iliyofanyika katika Ukumbi wa Hoteli ya Gerwill, Machi 5, 2026 Dodoma.

Mwenyekiti wa Bodi ya Tatu ya Ushauri ya Wakala ya Elimu na Mafunzo ya Uvuvi (FETA), Dkt. Blandina Lugendo, akizungumza na Watendaji Wakuu wa Wizara pamoja na Wajumbe wa Bodi ya tatu ya Ushauri ya FETA, katika Hafla ya Uzinduzi wa Bodi hiyo, iliyofanyika katika Ukumbi wa Hoteli ya Gerwill, Machi 5, 2026 Dodoma.

Mtendaji Mkuu wa Wakala ya Elimu na Mafunzo ya Uvuvi (FETA), Dkt. Semvua Isa Mzighani, akizungumza na Watendaji Wakuu wa Wizara pamoja na Wajumbe wa Bodi ya tatu ya Ushauri ya FETA, katika Hafla ya Uzinduzi wa Bodi hiyo, iliyofanyika katika Ukumbi wa Hoteli ya Gerwill, Machi 5, 2026 Dodoma.

Picha ni Watendaji Wakuu wa Wizara ya Mifugo na Uvuvi pamoja na Wajumbe wa Bodi ya tatu ya Ushauri ya Wakala ya Elimu na Mafunzo ya Uvuvi (FETA), wakimsikiliza Naibu Waziri wa Mifugo na Uvuvi, Mhe. Ng'wasi Kamani (hayupo pichani), katika Hafla ya Uzinduzi wa Bodi ya tatu ya Ushauri ya FETA, iliyofanyika katika Ukumbi wa Hoteli ya Gerwill, Machi 5, 2026 Dodoma.

Naibu Waziri wa Mifugo na Uvuvi, Mhe. Ng'wasi Kamani (katikati waliokaa), akiwa kwenye picha ya pamoja na Watendaji wa Wizara ya Mifugo na Uvuvi, katika Hafla ya Uzinduzi wa Bodi ya tatu ya Ushauri ya Wakala ya Elimu na Mafunzo ya Uvuvi (FETA), iliyofanyika katika Ukumbi wa Hoteli ya Gerwill, Machi 5, 2026 Dodoma.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma