MAAFISA UGANI WAHIMIZWA KUBADILISHANA UZOEFU ILI KUBORESHA HUDUMA KWA WANANCHI

Wataalamu wa ugani wa sekta za mifugo na uvuvi kutoka Kanda ya Ziwa wameanza mafunzo rejea katika Halmashauri ya Wilaya ya Chato mkoani Geita leo Machi 9, 2026, yaliyoandaliwa na Wizara ya Mifugo na Uvuvi kwa lengo la kuimarisha utoaji wa huduma za ugani kwa wafugaji na wavuvi.

Akifungua mafunzo hayo, mgeni rasmi ambaye ni Mkuu wa Wilaya ya Chato, Mhe Lois Bura amewahimiza maafisa ugani kubadilishana uzoefu na kutumia ujuzi wao wa kitaalamu ili kuboresha huduma wanazozitoa kwa wananchi, hususan wafugaji na wavuvi  wanaotegemea ushauri wao katika shughuli za uzalishaji.

"Maafisa ugani ni kiungo muhimu katika kufikisha sera, sheria na teknolojia bora za ufugaji na uvuvi ili kuongeza tija katika uzalishaji na kuendelea kuimarisha usalama wa chakula na kipato kwa wananchi." amesema Mhe. Bura

Aidha, Mhe. Bura amesema kuwa huduma za ugani zina mchango mkubwa katika kuleta mageuzi  kwa kusaidia kupeleka mbinu na teknolojia mpya kwa wafugaji pamoja na kukabiliana na changamoto mbalimbali ikiwemo mabadiliko ya tabianchi.

Kwa upande wake mwakilishi wa Katibu Mkuu wa Wizara ya Mifugo na Uvuvi, Ndg. Joshua Elisha ambaye ni Afisa Tawala Mkuu amesema mafunzo hayo ni mwendelezo wa juhudi za wizara za kuwajengea uwezo wataalamu wa mifugo na uvuvi ili waweze kutekeleza majukumu yao kwa ufanisi katika utoaji wa huduma za lugani nchini.

Vilevile Ndg. Elisha ameongeza kuwa mafunzo hayo yanawakutanisha maafisa ugani kutoka ngazi mbalimbali ikiwemo mikoa, wilaya, kata, vijiji na mitaa ambapo washiriki wanapata fursa ya kujifunza mada mbalimbali zinazohusu uzalishaji wa mifugo, udhibiti wa magonjwa pamoja na usimamizi endelevu wa rasilimali za uvuvi.

Mafunzo hayo yanatarajiwa kuwasaidia wataalamu kubadilishana uzoefu, kujadili changamoto zilizopo na kuweka mikakati madhubuti ya kuboresha utoaji wa huduma kwa wafugaji na wavuvi nchini.

Mgeni Rasmi ambaye ni Mkuu wa Wilaya ya Chato Mhe. Lois Bura (aliyesimama mstari wa mbele katikati), akiwa katika picha ya pamoja na Maafisa Ugani wa Mifugo na Uvuvi, pamoja na wadau wa Sekta hizo, baada ya Hafla ya Ufunguzi wa Mafunzo Rejea kwa Kanda ya Ziwa na Magharibi  kwa Maafisa Ugani wa Mifugo na Uvuvi Nchini, yaliyofanyika katika Ukumbi wa IFM Machi 9, 2026 Chato

Mgeni Rasmi ambaye ni Mkuu wa Wilaya ya Chato Mhe. Lois Bura, akihutubia Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Kanda ya Ziwa na Kanda ya Magharibi  yaliyofanyika katika Ukumbi IFM, Machi 9, 2026 Chato.

Mwakilishi wa Katibu Mkuu Wizara ya Mifugo na Uvuvi Ndg. Joshua Elisha Afisa Tawala Mkuu, akitoa neno la utangulizi Kwa  Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Kanda ya Ziwa na Kanda ya Magharibi yaliyofanyika katika Ukumbi IFM, Machi 9, 2026 Chato.

Dkt. Vayan Levanoi Laizer (wa kwanza kulia) kutoka wizara ya mifugo na uvuvi akiwaelezea maafisa ugani mada inayohusu huduma za wanyama na magonjwa ya wanyama , katika Hafla ya Ufunguzi wa Mafunzo Rejea kwa Kanda ya Ziwa na Kanda ya Magharibi  yaliyofanyika katika Ukumbi wa IFM, Machi 9, 2026 Chato

Picha ni Maafisa Ugani wa Mifugo na Uvuvi, wakimsikiliza Mgeni rasmi ambaye ni Mkuu wa Wilaya ya Chato Mhe. Lois Bura (hayupo pichani), katika Hafla ya Ufunguzi wa Mafunzo Rejea kwa Kanda ya Ziwa na Kanda ya Magharibi kwa Maafisa Ugani wa Mifugo na Uvuvi Nchini, yaliyofanyika katika Ukumbi wa IFM, Machi 9, 2026 Chato.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma