MAAFISA UGANI MIFUGO NA UVUVI TATUENI CHANGAMOTO ZA WAFUGAJI NA WAVUVI KITAALUMA - BI. MAYEMBA

Na. Stanley Brayton 

Kaimu Mkurugenzi Mtendaji wa Halmashauri ya Mji wa Makambako, ambaye ni Mkuu wa Idara ya usafi na uthibiti wa taka ngumu, Bi. Appia Mayemba amewataka Maafisa Ugani wa Mifugo na Uvuvi kutatua changamoto mbalimbali kitaaluma ambazo zinawakumba wafugaji na wavuvi ili kuongeza tija katika Sekta hizo za Uzalishaji.

Akizungumza kwa niaba ya Mkurugenzi Mtendaji wa Halmashauri ya Mji wa Makambako wakati wa hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, leo Machi 9, 2026, Wilayani Makambako Mkoani Njombe, Bi. Mayemba amesema Maafisa Ugani wanapopata Mafunzo hayo mbalimbali ya Ugani na baada ya kutoka kwenye Mafunzo ni vyema kwenda kuwahudumia wafugaji na wavuvi ili kuweza kuzitatua changamoto zao kwa umakini na utulivu.

"Kama kuna jambo lolote ni vyema kushirikisha uongozi wa juu ikiwemo Wakurugenzi wa Idara mbalimbali ili kutatua changamoto za wafugaji na wavuvi kwa lengo la kupunguza masononeko kwa Serikali pamoja na uharibifu wa Mali zao.” amesema Bi. Mayemba

Aidha, Bi. Mayemba amewataka Maafisa Ugani kuwa na heshima na utulivu kwa wananchi na kufanya kazi kwa ufanisi na uweledi ili wananchi wapate mafanikio katika Mifugo yao na Uvuvi na kuipenda Serikali yao.

Vilevile, Bi. Mayemba amemshukuru Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kwa jitihada zake nzuri katika kukuza Sekta za Mifugo na Uvuvi, na kuwataka Maafisa Ugani kuunga mkono jitihada za Mheshimiwa Rais kwa kuboresha shughuli zao kwa kuwahudumia wananchi vizuri ili kuleta tija kwenye Sekta hizo.

Akizungumza kwa Niaba ya Katibu Mkuu wa Wizara ya Mifugo na Uvuvi, Naibu Msajili wa Baraza la Veterinari Tanzania (VCT), Dkt. Obed Nyasebwa amebainisha kuwa lengo la Mafunzo hayo ni kuwajengea uwezo Maafisa Ugani ili kuongeza ufanisi katika Utendaji kazi zao za kila siku, na Wizara inategemea baada ya Mafunzo haya ufanisi wao utaongezeka.

Pia, Dkt. Nyasebwa amesema Mafunzo haya kwa awamu hii yanalenga kuwapatia Ujuzi Maafisa Ugani 500 nchini ambao watatoka Halmashauri mbalimbali, zikiwemo Halmashauri zilizopo Mikoa ya Nyanda za juu kusini.

Kwa upande wake, Afisa Mifugo wa Halmashauri ya Wilaya ya Momba Bi. Regina Baha amesema mafunzo hayo yaliyotolewa yamewapa faida sana hasa katika kujua namna ya kufanya kazi kwa kuzingatia Sheria, Kanuni na Miongozo, pamoja na faida za kujisajili katika Baraza la Veterinari Tanzania (VCT).

Kaimu Mkurugenzi wa Halmashauri ya Mji wa Makambako, na Mkuu wa Idara ya usafi na uthibiti wa taka ngumu, Bi. Appia Mayemba (aliyekaa mstari wa mbele katikati), akiwa katika picha ya pamoja na Maafisa wa Wizara ya Mifugo na Uvuvi, baada ya Hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, yaliyofanyika katika Ukumbi wa Green City, Machi 9, 2026 Njombe

Mgeni Rasmi ambaye ni Kaimu Mkurugenzi wa Halmashauri ya Mji wa Makambako, na Mkuu wa Idara ya usafi na uthibiti wa taka ngumu, Bi. Appia Mayemba, akihutubia Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, yaliyofanyika katika Ukumbi wa Green City, Machi 9, 2026 Njombe.

Mwakilishi wa Katibu Mkuu Wizara ya Mifugo na Uvuvi, ambaye ni Naibu Msajili wa Baraza la Veterinari Tanzania (VCT), Dkt. Obed Nyasebwa, akizungumza na Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, yaliyofanyika katika Ukumbi wa Green City, Machi 9, 2026 Njombe.

Afisa Mifugo Wizara ya Mifugo na Uvuvi, Ndg. Sebastian Shilingalila, akitoa neno la Utangulizi kwa Maafisa Ugani wa Mifugo na Uvuvi, pamoja na wadau wa Sekta hizo, katika Hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, yaliyofanyika katika Ukumbi wa Green City, Machi 9, 2026 Njombe.

Afisa Rasilimali Watu Mwandamizi Wizara ya Mifugo na Uvuvi, Bi. Mwajuma Ngatika (wa kwanza kulia), akielezea Mada inayohusu Usimamizi wa Sheria, Kanuni na Miongozo ya Kiutumishi katika Sekta ya Mifugo na Uvuvi, katika Hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, yaliyofanyika katika Ukumbi wa Green City, Machi 9, 2026 Njombe.

Picha ni Maafisa Ugani wa Mifugo na Uvuvi, wakisikiliza Mada iliyowasilishwa na Mwanasheria wa Wizara ya Mifugo na Uvuvi, Wakili Hadija Seif (hayupo pichani), inayohusu Sheria za Mifugo na Uvuvi, katika Hafla ya Ufunguzi wa Mafunzo Rejea kwa Nyanda za Juu Kusini kwa Maafisa Ugani wa Mifugo na Uvuvi Nchini, yaliyofanyika katika Ukumbi wa Green City, Machi 9, 2026 Njombe.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma