KAMATI YA BUNGE YAPONGEZA UTEKELEZAJI WA MIRADI YA TAFICO, CHANJO YA MIFUGO

Kamati ya Kudumu ya Bunge ya Viwanda, Biashara, Kilimo na Mifugo imeipongeza Serikali kupitia Wizara ya Mifugo na Uvuvi kwa kutekeleza miradi ya maendeleo inayolenga kuongeza uzalishaji na mchango katika pato la taifa.

Mwenyeketi wa Kamati hiyo Mhe. Deoudatus Mwanyika ametoa pongezi hizo leo Machi 10, 2026 Bungeni Dodoma kwa niaba ya wajumbe baada ya kupokea taarifa ya utekelezaji wa miradi ya Shirika la Uvuvi Tanzania (TAFICO) na Kampeni ya Kitaifa ya Chanjo na Utambuzi wa mifugo ilizinduliwa Juni 2025.

“Kama kamati tunaipongeza wizara kwa kuelimisha wafugaji na jamii kwa ujumla kuhusu chanjo, zoezi hili lilikuwa na mvutano sana kutokana na ukosefu wa elimu lakini sisi kamati tulisema ni lazima chanjo ifanyike. lakini pia, tunapongeza kwa miradi ya meli za TAFICO kwa ajili ya uvuvi wa Bahari Kuu, kamati hii imelipigania sana suala hili” alisema Mhe. Mwanyika.

Awali akitoa taarifa ya miradi inayotekelezwa na TAFICO Afisa Mtendaji Mkuu wa Shirika hilo CPA Shaibu Matessa amesema jumla ya ajira za moja kwa moja elfu 13,049 zitazalishwa kutokana na miradi inayoendeshwa na TAFICO ambapo hadi sasa shirika hilo limenunu meli mbili za uvuvi wa Bahari Kuu kati ya meli tano zinazopangwa kununuliwa.

Kuhusu Kampeni ya Kitaifa ya Chanjo na Utambuzi wa Mifugo, Mkurugenzi wa Huduma za Mifugo Dkt. Benezeth Lutege amesema hadi kufikia Februri 2026 jumla ya mifugo  50, 215, 441 sawa na asilimia 65. 8 ya kuchanja mifugo 76, 323, 300 huku mifugo 2, 590,200 ikitambuliwa sawa na asilimia 15 ya lengo la kutambua mifugo 17,224,200 nchi nzima.

Mwenyekiti wa Kamati ya Kudumu ya Bunge ya Viwanda, Biashara, Kilimo na Mifugo Mhe. Deudatus Mwanyika akizungumza  wakati wa kikao cha kuwasilisha taarifa ya utekelezaji wa miradi ya Shirika la Uvuvi Tanzania (TAFICO) na Kampeni ya Chanjo na Utambuzi wa Mifugo, kilichofanyika leo Machi 10, 2026 Bungeni Jijini Dodoma.

Afisa Mtendaji Mkuu wa Shirika la Uvuvi Tanzania (TAFICO) CPA Shaibu Matessa akiwasilisha utekelezaji wa miradi ya shirika hilo kwa Kamati ya Kudumu ya Bunge ya Viwanda, Biashara, Kilimo na Mifugo leo Machi 10, 2026 Bungeni Dodoma.

Mkurugenzi wa Huduma za Mifugo Dkt. Benezeth Lutege akiwasilisha taarifa ya utekelezaji wa Kampeni ya Kitaifa ya Chanjo na Utambuzi wa Mifugo kwa Kamati ya Kudumu ya Bunge ya Viwanda,Biashara,Kilimo na Mifugo leo Machi 10, 2026 Bungeni Dodoma.

Mwenyekiti wa Kamati ya  Kudumu ya Bunge ya Viwanda, Biashara, Kilimo na Mifugo Mhe. Deudatus Mwanyika akiongoza kikao hicho, leo Machi 10, 2026

Waziri wa Mifugo na Uvuvi Mhe. Balozi Dkt. Bashiru Ally ( watatu kulia) akiwa pamoja na watendaji wa wizara kusikiliza hoja za Wajumbe wa Kamati ya Kudumu ya Bunge ya Viwanda, Biashara, Kilimo na Mifugo wakati wa kikao kilichofanyika leo Machi 10, 2026 Bungeni Jijini Dodoma.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma