DKT. BASHIRU: NATAKA MTAMBO WA KUKAUSHIA DAGAA SOKO LA CHATO BEACH

Waziri wa Mifugo na Uvuvi Mhe. Balozi Dkt. Bashiru Ally amemtaka Mkandarasi anayesimamia ujenzi wa miundombinu ya Soko la Kimataifa Samaki la Chato Beach mkoani Geita kukamilisha ufungaji wa mtambo wa kukaushia dagaa pamoja na kumalizia kazi zingine zilizobaki kabla ya mwezi Machi Mwaka huu.

Dkt. Bashiru ametoa maagizo hayo leo Februari 28, 2026 baada ya kukagua mwenendo wa ujenzi wa miundombinu ya soko hilo ambapo ameonesha kutoridhishwa na kasi ya kazi zinazofanywa licha ya changamoto  za mkandarasi  pia ameagiza kufanyika tathmini mpya ya gharama za mtambo huo ili upatikane kwa haraka katika soko hilo

“Nataka kazi kwa kasi, maelekezo niliyopewa na mamlaka iliyioniteua , sasa  nataka Jumatatu barua iwe imejibiwa mpaka jumatano(mkandarasi) awe ameipata na mimi nipate ‘copy’, mimi nataka mtambo hapa, kama mtambo huu ni wa kukausha dagaa lazima uwepo ndio tuzindue soko hili ” alisema Dkt. Bashiru.

Akitolea ufafanuzi baadhi ya hoja zilizoibuliwa na mjadala huo mbele ya Waziri, Mkurugenzi wa Miundombinu kutoka Wizara ya Mifugo na Uvuvi Mhandisi George Kwandu alisema kuwa kulikuwa na changamoto mbalimbali zilizosababisha kumcheleshea malipo mkandarasi na kumsababishia kushindwa kununua mtambo huo lakini tayari wamepanga kujadiliana kwa pamoja ili kuharakisha ununuzi wa mtambo huo.

Maagizo mengine aliyotoa Mhe. Balozi  Dkt. Bashiru ni pamoja na ufungaji wa miundombinu ya maji, umeme, barabara, ambapo amemtaka mkandarasi huyo kushirikiana na taasisi zingine zinazotoa huduma za kijamii kama Tanesco, TARURA, RUWASA katika kukamilisha miundombinu iliyobaki kabla ya kuisha wa mwezi Machi 2026 ili soko hilo lizinduliwe na kuanza kufanya kazi.

Waziri wa Mifugo na Uvuvi Mhe. Balozi Dkt. Bashiru Ally (wapili kulia) akitoa maelekezo kwa mkandarasi anayesimamia Ujenzi wa Soko la Kimataifa la Samaki la Chato Beach wakati akikagua mwenendo wa ujenzi wa soko hilo 28 Februari 2026, Chato mkoani Geita

Waziri wa Mifugo na Uvuvi Mhe. Balozi Dkt. Bashiru Ally  akikagua ujenzi wa miundombinu ya Soko la Kimataifa la Samaki la Chato Beach leo 28 Februari 2026, Chato mkoani Geita.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma