DKT. BASHIRU AZINDUA VITUO VYA KUKUSANYIA MAZIWA VYENYE THAMANI YA BIL. 1.157

Waziri wa Mifugo na Uvuvi, Mhe. Balozi Bashiru Ally Kakurwa, amezindua vituo vya ukusanyaji wa maziwa vilivyojengwa kupitia mradi wa TI3P, uliogharamiwa na Serikali kupitia Benki ya Maendeleo ya Kilimo Tanzania (TADB) kwa kushirikiana na Heifer International.

Uzinduzi huo umefanyika Machi 2, 2026 mkoani Kagera, ukihusisha kituo cha kukusanyia maziwa cha Maruku kilichopo Manispaa ya Bukoba, Kituo cha Nshamba kilichopo Wilaya ya Muleba pamoja na kukabidhi mitamba 110 ya ngo’mbe wa maziwa kwa wanawake na vijana wilayani Karagwe.

Akizungumza katika hafla hiyo, Dkt. Bashiru amesema Rais wa Jamhuri ya Muungano wa Tanzania, Mhe. Samia Suluhu Hassan, anasisitiza kuwa wazalishaji wadogo, wakiwemo wafugaji na wavuvi, wanawezeshwa ili kuongeza uzalishaji wenye tija.

“Mhe. Rais alivyoniteua aliniambia, sekta hizi unazokwenda kuziongoza zinawahusu wanaovuja jasho ambao ni wazalishaji wadogo; lazima utafute mbinu za kuwaunganisha ili waongeze uzalishaji. Naipongeza benki ya TADB kwa kuja na mradi huu. Wafugaji wetu walikuwa wanamwaga maziwa kutokana na ukosefu wa miundombinu mizuri na masoko,” amesema Dkt. Bashiru.

Aidha, amesisitiza kuwa uendeshaji wa mradi huo ujikite katika kuleta mabadiliko makubwa kwa wazalishaji wadogo wa tasnia ya maziwa nchini na kuhamasisha ufugaji wa kisasa. Amewahakikishia wafugaji kuwa Wizara yake kupitia Bodi ya Maziwa Tanzania itaendelea kuwaunga mkono wadau wote wa tasnia ya maziwa.

“Mpango wa ufugaji wa ng’ombe wa maziwa lazima uendane na upatikanaji wa malisho, maji na ardhi kwa ajili ya mifugo. Vilevile, ni muhimu kuzingatia afya ya mifugo na miundombinu bora ili kukuza tasnia ya maziwa nchini,” amesema.

Kwa upande wake, Kaimu Mkuu wa Mkoa wa Kagera ambaye pia ni Mkuu wa Wilaya ya Muleba, Dkt. Abel Nyamahanga, ameishukuru Wizara kwa kushirikiana na TADB katika utekelezaji wa mradi huo, akieleza kuwa utaongeza mapato kupitia ongezeko la uzalishaji na kukuza viwanda vya maziwa.

Naye Mkurugenzi Mtendaji wa TADB, Bw. Frank Nyambundege, amesema benki hiyo imetoa ruzuku ya shilingi bilioni 1.157 kwa ajili ya ujenzi wa vituo 23 vya kukusanyia maziwa pamoja na miundombinu yake.

Kwa upande wake, Mwakilishi wa Heifer International, Bw. Mark Tsosho, amesema shirika hilo limewawezesha wafugaji milioni 1.38 kufuga kisasa, na kupitia mradi wa TI3P takribani wafugaji 900,000, wakiwemo wanachama wa vyama vya ushirika 74, watanufaika kote nchini.

Naye, Msajili wa Bodi ya Nyama Prof. George Msalya amesema kaya milioni mbili nchini zinajishughulisha na uzalishaji wa maziwa, hivyo kupitia vituo vya ukusanyaji wa maziwa wafugaji watanufaika kuwa na soko la uhakikika, bei yenye tija na uhifadhi salama wa maziwa jambo litakaloongeza kipato chao.

Waziri wa Mifugo na Uvuvi Mhe. Balozi Dkt. Bashiru Ally Kakurwa (Katikati) akikata utepe kuashiria uzinduzi wa Kituo cha ukusanyaji Maziwa cha Nshamba  Amcos kilichopo Wilayani Muleba Mkoani Kagera leo Machi 02, 2026

Waziri wa Mifugo na Uvuvi Mhe. Balozi Dkt. Bashiru Ally Kakurwa (kulia) akikagua maziwa kutoka kwa wanakikundi wa Nshamba Amcos cha Wilayani Muleba mkoani Kagera wakati wa Uzinduzi wa Kituo cha kukusanyia Maziwa leo Machi 02, 2026

Waziri wa Mifugo na Uvuvi Mhe. Balozi Dkt. Bashiru Ally Kakurwa akikabidhi Kikundi cha Ushirika cha Makuru Amcos mabirika ya kuifadhia maziwa  kwenye Kituo cha Ukusanyaji Maziwa Kilichopo Manispaa ya Bukoba Mkoani Kagera , Machi 02, 2026

Mtendaji Mkuu wa Benki ya Maendeleo ya Kilimo Tanzania (TADB) Be. Frank Nyandege (watatu,kulia) akimwelezea Waziri wa Mifugo na Uvuvi Mhe. Balozi Dkt. Bashiru Ally Kakurwa kuhusu mtambo utakaotumika  kwenye  Kituo cha Ukusanyaji Maziwa Makuro Amcos Kilichopo Manispaa ya Bukoba Mkoani Kagera Machi 02, 2026

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma