DKT. BASHIRU AHIMIZA KAMPENI YA TUTUNZANE KUTATUA MIGOGORO YA WAFUGAJI NA WAKULIMA

Waziri wa Mifugo na Uvuvi Mhe. Balozi Dkt. Bashiru Ally Kakurwa amewahimiza wafugaji na wakulima kote nchini kuzingatia Kampeni ya Tutunzane inayotekelezwa Wilayani Mvomero inayolenga kuimarisha mahusiano baina yao ili kuepukana na migogoro na uhasama unaotokana na matumizi ya ardhi kati ya Wafugaji na watumiaji wengine wa Ardhi. 

Balozi Dkt. Bashiru ametoa wito huo  leo Machi 06, 2026 wakati  akizungumza na Uongozi wa  Halmashauri ya Wilaya ya Tunduru mkoani Ruvuma ambako amefika kutekeleza maelekezo ya Waziri Mkuu yaliyomtaka kufika katika Wilaya hiyo kwa ajili ya kuimarisha uhusiano baina ya wakulima na wafugaji, hivyo amewahimiza kuiga na  kuzingatia kampeni ya tutunzane .

“Mhe. Rais mara nyingi amekuwa akisema hafurahishwi na migogo kati ya wakulima na wafugaji hivyo niwasihi viongozi wenzangu na wakulima na wafugaji tujifunze kupitia kampeni ya tutunzane ya Mvomero ili kuondokana na uhasama huu ambao unaturudisha nyuma.” Alisema Dkt. Bashiru.

Pia, amesema Serikali haitakubali kuona uvunjifu wa sheria ukifanywa  na wakulima na wafugaji huku akisisitiza kuwa mfugaji kutumia maeneo yasiyotengwa kwa ajili ya mifugo na wakulima kutumia maeneo ya mifugo kwa shughuli za kilimo ni ukiukaji wa  sheria na kwamba serikali haitakubaliana na hilo.

Awali Mkuu wa Wilaya ya Tunduru Mhe. Denis Masanja amesema  migogoro ya wakulima na wafugaji katika wilaya hiyo imekuwa ikiathiri shughuli za kiuchumi na kupendekeza kuwa Wizara ya Mifugo na Uvuvi kwa kushirikiana na halmashauri ya Wilaya ya Tunduru kuanzisha programu maalum za vitalu vyenye miundombinu muhimu kwa ajili ya wafugaji.

Katika ziara hiyo Balozi Dkt. Bashiru ameambatana na Naibu Waziri wa Ofisi ya Waziri Mkuu Tawala za Mikoa na Serikali za Mitaa Mhe. Dkt. Jafar Rajabu Seif pamoja na wataalam kutoka Wizara ya Mifugo na Uvuvi.


Waziri wa Mifugo na Uvuvi Mhe. Balozi Dkt. Bashiru Ally Kakurwa  akizingumza na Uongozi wa Halmashauri ya Wilaya ya Tunduru Mkoani Ruvuma baada ya kuwasili leo Machi 06, 2026  kwa Ziara Maalum Wilayani Humo

Naibu Waziri wa Ofisi ya Waziri Mkuu Tawala za Mikoa na Serikali za Mitaa TAMISEMI Dkt. Jafar Rajabu Seif akizungumza na watendaji wa Halmashauri ya Wilaya ya Tunduru alipofika kwa Ziara Maalum ya Waziri wa Mifugo na Uvuvi Machi 06, 2026.

Mkuu wa Wilaya ya Tunduru Mhe. Denis Masanja akisoma taarifa ya hali ya sekta za mifugo na uvuvi kwa Waziri wa Mifugo na Uvuvi Mhe. Balozi Dkt. Bashiru Ally Kakurwa alipofika wilayani hapo kwa ziara maalum leo Machi 06, 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma