TPHPA KUIMARISHA MAHUSIANO NA WIZARA YA MIFUGO NA UVUVI

Wizara ya Mifugo na Uvuvi na Mamlaka ya Afya ya Mimea na Viuatilifu Tanzania (TPHPA) waazimia kuimarisha mahusiano ya kiutendaji kazi katika utumiaji wa teknolojia inayoweza kutambua vinasaba vya virus, bakiteria, fangasi, na vimelea wengine wa magonjwa ya wanyama na mimea (NANOPODS) na matumizi ya ndege nyuki ya ufuatiliaji wa magonjwa.

Akizungumza, Mkurugenzi wa Huduma za Mifugo Nchini, Dkt. Benezeth Lutege leo Februari 06, 2026 mara baada ya kutembelea Makao Makuu ya Ofisi ya TPHPA iliyopo Mkoani Arusha, amesema wamejadiliana juu ya matumizi ya teknolojia ya kisasa ya ufuatiliaji wa magonjwa ya mifugo na mimea, inayotumika katika mashamba ya parachichi, na kutumika katika ufuatiliaji wa magonjwa ya mifugo.

Aidha, Dkt. Lutege amebainisha wazi kuwa mazungumzo hayo yalikuwa na lengo la kujifunza namna taasisi hiyo ilivyofanikiwa katika kufungua Masoko 408 ya kimataifa ya mazao ya kilimo ndani ya miaka 2.

Kwa upande wake, Mkurugenzi Mkuu wa TPHPA, Prof. Joseph Ndunguru ameonesha nia ya kuandaa Hati ya Maelewano (MoU) kati ya Wizara ya Mifugo na Uvuvi na Taasisi ya TPHPA ili kuimarisha mahusiano katika maeneo ya; mafunzo ya matumizi ya teknolojia ya nanopods na matumizi ya ndege nyuki katika ufuatiliaji wa magonjwa, ufuatiliaji wa pamoja, mikataba ya masoko na eneo la utambuzi na utafiti.

Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Prof. Joseph Ndunguru (katikati), akizungumza na Mkurugenzi wa Huduma za Mifugo Nchini, Dkt. Benezeth Lutege (wa kwanza kulia), kuhusu kuimarisha mahusiano kati ya Taasisi hizo mbili katika utumizi wa Teknolojia ya Utambuzi wa vinasaba vya virusi, bakiteria, fangasi na vimelea wengine wa magonjwa ya wanyama na mimea, mazungumzo yaliyofanyika katika Ofisi ya Makao Makuu ya TPHPA, Februari 06, 2026, Arusha

Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Prof. Joseph Ndunguru (mstari wa mbele katikati), akiwa kwenye picha ya pamoja na baadhi ya watendaji wa Serikali, mara baada ya kufanya mazungumzo na Mkurugenzi wa Huduma za Mifugo Nchini, Dkt. Benezeth Lutege (wa pili kulia mstari wa mbele), kuhusu kuimarisha mahusiano kati ya Taasisi hizo mbili katika utumizi wa Teknolojia ya Utambuzi wa vinasaba vya virusi, bakiteria, fangasi na vimelea wengine wa magonjwa ya wanyama na mimea, mazungumzo yaliyofanyika katika Ofisi ya Makao Makuu ya TPHPA, Februari 06, 2026, Arusha

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma