SERIKALI KUONGEZA UZALISHAJI WA MBEGU BORA ZA NG'OMBE

Na. Fausta Njelekela

Serikali imeendelea kuchukua hatua madhubuti za kuimarisha sekta ya mifugo nchini, kwa lengo la kuboresha mbari za mifugo, kuongeza uzalishaji na upatikanaji wa mbegu bora za ng’ombe, hatua itakayoongeza ubora wa nyama na wingi wa maziwa bora.

Hayo yameelezwa leo Februari 10, 2026 jijini Dodoma na Waziri wa Mifugo na Uvuvi, Mhe. Balozi Dkt. Bashiru Ally Kakurwa wakati akizungumza na watendaji wa wizara hiyo katika kikao cha uwasilishaji wa maendeleo ya Kituo cha Taifa cha Uhimilishaji (NAIC).

Mhe. Balozi Dkt. Kakurwa amesema serikali inaendelea kuimarisha uzalishaji wa malisho bora kwa njia za kisayansi, ikiwemo kuanzisha na kusimamia mashamba ya malisho ya kisasa pamoja na kuhimiza ushiriki wa sekta binafsi katika kufanya tafiti, uzalishaji wa malisho na mbegu bora za mifugo.

"Tunataka kuwa na maabara ya rufaa ya mifugo kitaifa ambayo ina vifaa, nyenzo na mitambo ya kubaini na kudhibiti magonjwa ya mifugo," amesema Mhe. Balozi Dkt. Kakurwa

Aidha, Mhe. Balozi Dkt.Kakurwa amewataka wataalamu wa mifugo kuzingatia maadili ya taaluma na kazi zao ili waweze kuwashauri kwa uadilifu na kuwajengea uaminifu wafugaji.

Kwa upande wake Kaimu Mkurugenzi wa NAIC, Dkt. Dafay Bura amesema kituo kinafanya kazi ya kuboresha mbari za mifugo kwa  kuongeza uzalishaji, uhifadhi na usambazaji wa mbegu za kisasa kwa kutumia teknolojia ya uhimilishaji, ambapo kwa mwaka 2025/2026 jumla ya mbegu 49,000 zilizalishwa na kusambazwa kwa wafugaji.

Vilevile, Dkt. Bura ameongeza kuwa juhudi hizo zinaambatana na kuimarisha rasilimali watu kupitia mafunzo kwa wataalamu wa sekta ya mifugo na wadau wengine wa mifugo nchini.

Waziri wa Mifugo na Uvuvi Mhe. Balozi Dkt. Bashiru Ally Kakurwa, akizungumza na watendaji wa Wizara ya Mifugo na Uvuvi, katika Kikao cha uwasilishaji wa Maendeleo ya Kituo cha Taifa cha Uhimilishaji (NAIC), kilichofanyika katika Ukumbi Ofisi za Makao Makuu ya Wizara hiyo, Februari 10, 2026 Dodoma.

Mkurugenzi wa Uzalishaji na Maendeleo ya Masoko Nchini, Ndg. Stephen Michael, akielezea umuhimu wa kupata Madume Bora ya ng'ombe ili kuweza kupata nyama na Maziwa Bora, pamoja na mbinu gani itumike ili kupata Malisho Bora kwa ajili ya Mifugo, katika Kikao cha uwasilishaji wa Maendeleo ya Kituo cha Taifa cha Uhimilishaji (NAIC), kilichofanyika katika Ukumbi Ofisi za Makao Makuu ya Wizara hiyo, Februari 10, 2026 Dodoma, kushoto ni Mkurugenzi Mkuu Taasisi ya Utafiti wa Mifugo Tanzania (TALIRI), Prof. Erick Komba.

Kaimu Mkurugenzi wa Kituo cha Taifa cha Uhimilishaji (NAIC), Dkt. Dafay Bura, akitoa wasilisho linalohusu Masuala ya Uhimilishaji wa ng'ombe, na shughuli zinazofanywa na Kituo cha NAIC, pamoja na Maendeleo yake kiujumla, katika Kikao cha uwasilishaji wa Maendeleo ya Kituo hicho, kilichofanyika katika Ukumbi Ofisi za Makao Makuu ya Wizara hiyo, Februari 10, 2026 Dodoma.

Waziri wa Mifugo na Uvuvi Mhe. Balozi Dkt. Bashiru Ally Kakurwa (wa pili kushoto), akisikiliza na kutazama wasilisho la Maendeleo ya Uhimilishaji wa ng'ombe katika Kituo cha Taifa cha Uhimilishaji (NAIC) na changamoto zake, katika Kikao cha uwasilishaji wa Maendeleo ya Kituo hicho, kilichofanyika katika Ukumbi Ofisi za Makao Makuu ya Wizara hiyo, Februari 10, 2026 Dodoma.

Picha ni watendaji wa Wizara ya Mifugo na Uvuvi, wakimsikiliza Waziri wa Mifugo na Uvuvi (aliyekaa mbele), katika kikao cha uwasilishaji wa Maendeleo ya Kituo cha Taifa cha Uhimilishaji (NAIC), kilichofanyika katika ukumbi wa ofisi za Makao Makuu ya Wizara hiyo, Februari 10, 2026 Dodoma.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma