RAIS SAMIA: SEKTA ZA KILIMO, MIFUGO NA UVUVI ZISIMAMIWE KISANYANSI

Rais wa Jamhuri ya Muungano wa Tanzania Mhe. Dkt.Samia Suluhu Hassan,  amewataka Viongozi na Wataalam wa sekta za kilimo, mifugo na uvuvi kusimamia sekta hizo kwa misingi ya kisayansi na kisasa ili ziwe chachu ya kuongeza uzalishaji utakaoimarisha usalama wa chakula, kutoa ajira kwa vijana na kuchangia mapato na ukuaji wa uchumi wa Taifa.

Mhe. Dkt. Samia  ameyasema hayo leo Februari 9, 2026 Ikulu Jijini Dar es Salaam wakati wa hafla ya uapisho wa viongozi wateuli wa nafasi mbalimbali, ambapo kwa Wizara ya Mifugo na Uvuvi walioapishwa ni Naibu Katibu Mkuu anayesimamia sekta ya Uvuvi, Prof. Mohamed Ali Sheikh pamoja na Dkt. Fabian Magawa  Madele, Naibu Katibu Mkuu anayesimamia sekta ya mifugo.

Akizungumza katika hafla hiyo, kwa wateule hao pamoja na wengine Mhe. Dkt. Samia amebainisha kuwa sekta za mifugo na uvuvi ni miongoni mwa sekta zenye mavuno ya haraka, hivyo zinapaswa kupewa kipaumbele cha pekee katika mipango ya maendeleo ya taifa. 

"Soko la kimataifa linahitaji kwa kiwango kikubwa nyama iliyochinjwa pamoja na mifugo hai, hali inayotoa fursa kubwa kwa Tanzania kuongeza uzalishaji na kuuza bidhaa zake nje ya nchi." alisema Dk.Samia.

Pia amesisitiza kuwa programu ya Jenga kesho iliyo Bora (BBT) katika sekta ya mifugo inapaswa kusimamiwa kwa karibu ili kuwawezesha vijana wengi kufuga kwa tija na kitaalamu, sambamba na kuwaongezea ujuzi wafugaji wengine nchini.

Kwa upande wa uvuvi, Rais Dkt. Samia amesisitiza viongozi kwa kushirikiana na wataalam kusimamia teknolojia za kisasa za uvuvi, kuimarisha upatikanaji wa masoko ya ndani na nje na kuongeza ushindani wa bidhaa za uvuvi za Tanzania katika soko la dunia.

 Aidha, amemtaka Naibu Katibu Mkuu, Prof. Sheikh kutumia uzoefu wake wa sekta ya uvuvi kudhibiti upotevu wa mapato yatokanayo na rasilimali za bahari kuu kwa ufanisi na uwazi kwa manufaa ya taifa.



Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma