NARCO YATAKIWA KUONGEZA UZALISHAJI MAZAO YA MIFUGO

Naibu Katibu Mkuu wa Wizara ya Mifugo na Uvuvi Dkt. Edwin Mhede ameisisitza  Kampuni ya Ranchi za Taifa  Nchini (NARCO) kutekeleza maagizo ya Rais wa Jamhuri ya Muungano wa Tanzania Mhe. Dkt. Samia Suluhu Hassan, wakati wa ufunguzi wa Bunge la 13 la Jamhuri ya Muungano wa Tanzania na maelekezo ya Waziri wa Mifugo na Uvuvi Mhe. Balozi Dkt. Bashiru Ally, ya kuleta ufanisi wa Kampuni hiyo na kuzalisha mazao yenye ubora katika sekta ya mifugo hapa nchini.

Dkt. Mhede ametoa rai hiyo leo Februari 05, 2026 Makao Makuu ya NARCO mjini Dodoma wakati wa kikao kazi cha utekelezaji wa maelekezo ya Waziri wa Mifugo na Uvuvi kuhusu utekelezaji wa maagizo ya Rais ya kuongeza ufanisi wa Kampuni hiyo katika  kufanya mageuzi ya sekta ya mifugo. 

“Kampuni hii inatakiwa iongoze kwa kuzalisha mazao ya mifugo yenye ubora, niwasihi tujitoe kwa nguvu zote katika kutekeleza maagizo ya Rais wa Jamhuri ya Muungano wa Tanzania Mhe. Dkt. Samia Suluhu Hassan  pamoja na maelekezo ya Waziri wetu, Mhe. Balozi Dkt. Bashiru Ally” alisema Dkt. Mhede.

Aidha, ameitaka NARCO kushirikiana na Bodi ya Nyama Tanzania katika kusimamia ufanisi wa machinjio  kuwa bora, kuongeza upatikanaji wa soko  la biashara ya nyama ndani na nje ya nchi.

Vile vile Dkt. Mhede aliwahimiza watendaji wa NARCO kuongeza kasi katika kutekeleza majukumu yao kwa kuzingitia Dira ya Taifa ya Maendeleo ya 2050.

Naibu Katibu Mkuu wa Wizara ya Mifugo na Uvuvi Dkt. Edwin Mhede akizungumza wakati wa kikao kazi kilichofanyika leo Februari 5, 2026, Makao Makuu ya NARCO Dodoma Mjini.

Naibu Katibu Mkuu wa Wizara ya Mifugo na Uvuvi Dkt. Edwin Mhede akiongoza kikao kazi cha kutekeleza  maagizo ya Rais Mhe. Dkt. Samia Suluhu Hassan kuhusu ufanisi wa NARCO, kilichofanyika leo Februari 5, 2026, Makao Makuu ya NARCO Dodoma Mjini.

Wataalam wa Kampuni ya Ranchi za Taifa (NARCO) wakimsikiliza Dkt. Edwin Mhede (hayupo, pichani) wakati wa  kikao kazi cha utekelezaji wa maagizo ya Rais Mhe. Dkt. Samia Suluhu Hassan kuhusu ufanisi wa NARCO, kilichofanyika leo Februari 5, 2026, Makao Makuu ya NARCO yaliyopo Dodoma Mjini.

Naibu Katibu Mkuu wa Wizara ya Mifugo na Uvuvi, Dkt. Edwin Mhede (watano kushoto) akiwa kwenye picha ya pamoja na wataalam wa Kampuni ya Ranchi ya Taifa (NARCO) baada ya kufanya  kikao cha utekelezaji wa maagizo ya Rais Mhe. Dkt. Samia Suluhu Hassan kuhusu ufanisi wa NARCO, kilichofanyika leo Februari 5, 2026, Makao Makuu ya NARCO Dodoma Mjini.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma