NAIBU KATIBU MKUU WIZARA YA MIFUGO NA UVUVI AKAGUA GATI LA KUEGESHEA MELI TAFICO

Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh amekagua utekelezaji wa mradi wa ukarabati wa gati la kuegeshea meli (floating jetty), unaotekelezwa na Shirika la Uvuvi Tanzania (TAFICO), katika Makao Makuu ya Shirika yaliyopo Ras Mkwavi–Kigamboni, jijini Dar es Salaam.

Katika ziara hiyo iliyofanyika Februari 10, 2026, Prof. Sheikh alimuwakilisha Katibu Mkuu Wizara ya Mifugo na Uvuvi Bi. Agness Meena, ambapo amekagua maendeleo ya mradi huo muhimu unaotarajiwa kuongeza ufanisi wa shughuli za uvuvi na huduma za meli za uvuvi chini ya TAFICO, pamoja na maandalizi ya ujio wa meli ya kwanza ya uvuvi ya Shirika. Akiwa katika eneo la mradi, alimuelekeza mkandarasi wa mradi, kampuni ya Songoro Marine, kuhakikisha kazi zote zilizobakia zinakamilika na mradi huo ukabidhiwe ifikapo tarehe 15 ya mwezi Februari 2026.

Akizungumza wakati wa ziara hiyo, Prof. Sheikh alisema kuwa kukamilika kwa gati ambao ni miundombinu muhimu katika uendeshaji wa meli ambayo itaingia nchini tarehe 21 Februari, 2026.

“Serikali imewekeza katika ujenzi wa miundombinu hii kuhakikisha mnyororo mzima wa uvuvi unakuwa madhubuti hivyo ni muhimu kwa mkandarasi kukamilisha kazi kwa ubora na kwa wakati kwa kuwa serikali haitaongeza hata siku moja." Alisema Prof. Sheikh.

Kwa upande wake, Kaimu Afisa Mtendaji Mkuu wa TAFICO, Bi. Perpetua Massaga, akizungumza kwa niaba ya Mtendaji Mkuu wa TAFICO CPA Shaibu Matessa, ameishukuru Serikali kwa ufuatiliaji wa karibu wa miradi ya maendeleo inayotekelezwa na Shirika.

“Ziara hii inaonesha dhamira ya Serikali katika kuhakikisha miradi ya kimkakati inayotekelezwa na TAFICO inakamilika kwa wakati na kuleta tija kwa sekta ya uvuvi na uchumi wa Taifa kwa ujumla. 

Shirika kupitia menejimenti litahakikisha pia linasimamia vyema utekelezaji wa mradi huu na unakamilika kwa wakati kwa mujibu wa mkataba." Alisema Bi. Perpetua.

Mradi wa ukarabati wa gati la kushushia meli unatarajiwa kuongeza uwezo wa Shirika la Uvuvi Tanzania katika kuhudumia meli za uvuvi na kuchangia ukuaji wa sekta ya uvuvi na Uchumi wa Buluu nchini.

Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh (katikati) akitoa maelekezo katika eneo la mradi wa ukarabati wa gati la kuegeshea meli (floating jetty) la Shirika la Uvuvi Tanzania (TAFICO), alipotembelea Makao Makuu ya Shirika hilo yaliyopo Ras Mkwavi–Kigamboni, jijini Dar es Salaam kwenye ziara aliyoifanya Februari 10, 2026.

Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh (wa tatu kulia) akiwa na Menejimenti ya Shirika la Uvuvi Tanzania (TAFICO), alipotembelea Makao Makuu ya Shirika hilo yaliyopo Ras Mkwavi–Kigamboni, jijini Dar es Salaam kukagua utekelezaji wa mradi wa ukarabati wa gati la kuegeshea meli (floating jetty) na maandalizi ya ujio wa meli ya uvuvi ya Shirika kwenye ziara aliyoifanya Februari 10,2026. Kulia kwake ni Kaimu Afisa Mtendaji Mkuu TAFICO Bi. Perpetua Massaga.

Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh (kushoto), akipokea maelezo kutoka kwa Kaimu Afisa Mtendaji Mkuu wa Shirika la Uvuvi Tanzania (TAFICO) Bi. Perpetua Massaga (kulia), kwenye ziara ya Naibu Katibu Mkuu aliyoifanya katika Makao Makuu ya Shirika hilo yaliyopo Ras Mkwavi–Kigamboni, jijini Dar es Salaam, ili kukagua utekelezaji wa mradi wa ukarabati wa gati la kuegeshea meli (floating jetty) na maandalizi ya ujio wa meli ya uvuvi ya Shirika. Ziara hiyo imefanyika Februari 10, 2026.

Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh akisaini kwenye kitabu cha wageni alipotembelea Makao Makuu ya Shirika la Uvuvi Tanzania (TAFICO), yaliyopo Ras Mkwavi–Kigamboni, jijini Dar es Salaam Februari 10, 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma