MAPINDUZI SEKTA YA KILIMO, MIFUGO NA UVUVI KUKUZA UCHUMI WA KATI WA JUU

Serikali kupitia Wizara ya Kilimo, Mifugo na Uvuvi iko tayari kushiriki kikamilifu katika utekelezaji wa Mpango Kabambe wa Mageuzi ya Shoroba za Kilimo, Mifugo na Uvuvi (AMP 2050) utakaosaidia kuchochea ukuaji wa uchumi wa kati wa juu kwa taifa.

Akizungumza wakati wa ufunguzi wa mkutano wa uhamasishaji wa ukuzaji na uendelezaji wa shoroba za kilimo uliofanyika Februari 12, 2026 mkoani Singida, Mkuu wa Mkoa wa Dodoma, Mhe. Rosemary Senyamwile, amesema lengo kuu la mkutano huo ni kujenga uelewa wa pamoja kuhusu mpango huo kwa wataalam wa mikoa na halmashauri, hususan kuhusu dhana ya shoroba za kilimo.

“Serikali ya Awamu ya Sita chini ya uongozi wa Mhe. Dkt. Samia Suluhu Hassan imeweka msisitizo mkubwa katika mageuzi ya sekta ya kilimo, mifugo na uvuvi kama injini ya kukuza uchumi wa taifa, kuongeza ajira na kuinua maisha ya Watanzania kwa ujumla,” amesema Mhe. Senyamwile.

Aidha, ameongeza kuwa mpango huo unalenga kupunguza gharama za uzalishaji na usafirishaji ili kuongeza thamani ya mazao, kuongeza kipato cha wakulima, wafugaji na wavuvi, pamoja na kuvutia uwekezaji wa sekta binafsi kwa kuzingatia mabadiliko ya tabianchi na kuyaunganisha maeneo yenye uzalishaji mkubwa na miundombinu muhimu kama barabara, reli, bandari, masoko na viwanda vya kuchakata mazao.

Kwa upande wake, Mkurugenzi wa Ofisi ya Mageuzi ya Kilimo (ATO), Bi. Elizabeth Missokia, amesema kuwa dhana ya shoroba za kilimo ni moja ya miradi ndani ya mpango kabambe wa mageuzi ya sekta ya kilimo, mifugo na uvuvi, unaounganisha uzalishaji, usindikaji, uchakataji, usafirishaji na uhifadhi pamoja na masoko ili kuharakisha mageuzi ya sekta hizo.

Mkuu wa Mkoa wa Dodoma Mhe. Rosemary Senyamwile akichangia jambo wakati majadiliano mara baada ya uwasilishwaji wa Mpango wa Mageuzi wa Shoroba za Kilimo kwenye mkutano wa uhamasishaji wa ukuzaji na uendelezaji wa shoroba za Kilimo, Mifugo na Uvuvi uliofanyika February 12, 1026 mkoani Singida.

Mkuu wa Mkoa wa Dodoma, Mhe. Rosemary Senyamule, (katikati) akiwa mgeni rasmi ameongoza mkutano wa uhamasishaji wa ukuzaji na uendelezaji wa shoroba za kilimo, Mifugo na Uvuvi uliofanyika tarehe 12 Februari 2026 mkoani Singida, uliowakutanisha pia Mkuu wa Mkoa wa Tabora, Mhe. Paulo Chacha, (kulia) na Mkuu wa Mkoa wa Shinyanga, (kushoto) Mhe. Mboni Mhita, kwa lengo la kuimarisha ushirikiano wa kikanda katika kukuza sekta ya kilimo na kuchochea maendeleo ya uchumi.

Mkurugenzi wa Ofisi ya Mageuzi ya kilimo (ATO) Bi. Elizabeth missokia Akiwasilisha hotuba ya Mpango wa Uhamasishaji wa Uzalishaji na Uendelezaji wa shoroba za Kilimo, Mifugo na Uvuvi wakati wa Mkutano wa uhamasishaji wa shoroba za kilimo uliofanyika February 12, 2026, mkoani Singida.

Mwakilishi wa Mkurugenzi wa Uzalishaji na Maendeleo ya Masoko wa Wizara ya Mifugo na Uvuvi Ndg. Edson Kilyenyi ameshiriki katika Mkutano wa uhamasishaji na ukuzaji wa uendelezaji wa shoroba za kilimo, Mifugo na Uvuvi kwa lengo la kuleta mageuzi ya sekta hizo ili kukuza uchumi kwa taifa, Mkutano huo umefanyika Februari 12, 2026 mkoani Singida.

Mwakilishi wa Mkurugenzi wa Idara ya Sera na Mipango wa Wizara ya Mifugo na Uvuvi Bi. Grace Pahali ameshiriki katika Mkutano wa uhamasishaji na ukuzaji wa uendelezaji wa shoroba za kilimo, Mifugo na Uvuvi kwa lengo la kuleta mageuzi ya sekta hizo ili kukuza uchumi kwa taifa, Mkutano huo umefanyika Februari 12, 2026 mkoani Singida.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma