KATIBU MKUU WIZARA YA MIFUGO NA UVUVI ARIDHISHWA NA UKAMILIKAJI WA GATI LA TAFICO

Katibu Mkuu wa Wizara ya Mifugo na Uvuvi, Bi. Agnes Meena, leo Februari 15, amepokea mradi wa  ukarabati wa gati la kuegeshea meli (floating jetty) wa Shirika la Uvuvi Tanzania (TAFICO), uliopo Makao Makuu ya Shirika Ras Mkwavi, Kigamboni jijini Dar es Salaam.

Akipokea mradi huo, Katibu Mkuu ameridhishwa na kukamilika kwa ukarabati wa gati hilo ambalo limekamilika kwa zaidi ya 98%, huku kazi zilizobaki zinatarajiwa kukamilika tarehe 18 Februari 2026.

Ukarabati wa gati hili ni maandalizi ya upokeaji wa meli ya Uvuvi wa bahari kuu ambayo itaendeshwa kwa ubia kati ya sekta binafsi na Serikali . 

Akipokea taarifa ya maandalizi ya mapokezi ya meli ambayo ilihusisha ukarabati wa gati na upatikanaji wa mbia , Bi. Meena amepongeza  kwa hatua iliyofikiwa ya kumpata mbia wa uendeshaji wa meli.

Aidha, amewahimiza watumishi wa Shirika hilo kufanya kazi kwa bidii, weledi na ubunifu ili kuliinua shirika na kulifanya kuwa nguzo muhimu ya maendeleo ya sekta ya uvuvi nchini.

TAFICO inatarajia kupokea meli ya Uvuvi wa Bahari Kuu, meli hiyo na miradi inayotekelezwa inalenga kuongeza thamani ya mazao ya uvuvi, kuimarisha ajira pamoja na kuchochea ukuaji wa uchumi wa buluu nchini.

Katibu Mkuu wa Wizara ya Mifugo na Uvuvi Bi. Agnes Meena (katikati) akitoa maelekezo wakati akipokea mradi wa  ukarabati wa gati la kuegeshea meli (floating jetty) wa TAFICO, uliopo Makao Makuu ya Shirika Ras Mkwavi, Kigamboni jijini Dar es Salaam leo Februari 15, 2026. Kushoto kwake waliopo mstari wa mbele ni Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh, na kulia kwake waliopo mstari wa mbele ni Afisa Mtendaji Mkuu wa TAFICO CPA Shaibu Matessa.

Katibu Mkuu wa Wizara ya Mifugo na Uvuvi Bi. Agnes Meena (wa pili kushoto) akiongozana na menejimenti ya Shirika la Uvuvi Tanzania (TAFICO), wakati akipokea mradi wa  ukarabati wa gati la kuegeshea meli (floating jetty) wa TAFICO, uliopo Makao Makuu ya Shirika Ras Mkwavi, Kigamboni jijini Dar es Salaam. Ziara hiyo imefanyika leo Februari 15, 2026. Kushoto kwake ni Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Sheikh, na kulia kwake ni Afisa Mtendaji Mkuu wa TAFICO CPA Shaibu Matessa.

Katibu Mkuu wa Wizara ya Mifugo na Uvuvi Bi. Agnes Meena akisaini kwenye kitabu cha wageni alipotembelea Makao Makuu ya Shirika la Uvuvi Tanzania (TAFICO), yaliyopo Ras Mkwavi–Kigamboni, jijini Dar es Salaam leo Februari 15, 2026, ambapo amepokea mradi wa  ukarabati wa gati la kuegeshea meli (floating jetty) wa TAFICO.

Katibu Mkuu wa Wizara ya Mifugo na Uvuvi Bi. Agnes Meena akizungumza na menejimenti ya Shirika la Uvuvi Tanzania (TAFICO), alipokuwa katika ziara ambapo amepokea mradi wa  ukarabati wa gati la kuegeshea meli (floating jetty) wa TAFICO, uliopo Makao Makuu ya Shirika Ras Mkwavi, Kigamboni jijini Dar es Salaam leo Februari 15, 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma