DKT. BASHIRU AWATAKA WAUZA NYAMA NJE YA NCHI KUUNGANA

Waziri wa Mifugo na Uvuvi, Mhe. Balozi Dkt. Bashiru Ally Kakurwa, amewataka wauzaji wa nyama nje ya nchi kuunda umoja imara utakaowawezesha kufanya biashara kwa tija na kuhimili ushindani wa kimataifa.

Akizungumza Februari 11, 2026 katika kikao na wadau hao kilichofanyika Hoteli ya Gerwill, Dodoma, Dkt. Bashiru alisema umoja huo utarahisisha mawasiliano na Serikali na kusaidia kutatua changamoto zinazoikabili sekta hiyo. Pia amesisitiza umuhimu wa kuendesha biashara kwa uendelevu ili kuhakikisha upatikanaji wa malighafi za kutosha viwandani.

“Katika uchumi wa kisasa wenye ushindani mkali, hasa katika masoko mnayolenga, mnashindana na nchi ambazo zimewekeza kwa muda mrefu. Hakuna njia ya mkato. Nawashauri kikao hiki kiwe chimbuko la wazo la kuunda umoja imara wa wauza nyama nje ya nchi, ambao utarahisisha mawasiliano kati yenu na Serikali,” amesema Mhe. Balozi Dkt. Bashiru.

Naibu Katibu Mkuu anayeshughulikia Sekta ya Mifugo, Dkt. Fabian Madele, kwa niaba ya Katibu Mkuu Wizara ya Mifugo na Uvuvi, alisema Serikali inaendelea kutekeleza mpango wa kitaifa wa chanjo za mifugo, kuboresha kosafu na kuhamasisha ufugaji wa kisasa ili kuongeza thamani ya tasnia ya nyama.

Awali akiwasilisha taarifa ya hali ya Tasnia ya Nyama, Kaimu Msajili wa Bodi ya Nyama Tanzania, Bw. John Chassama, kuanzia Julai 1, 2025 hadi Januari 30, 2026 Tanzania iliuza tani 9,325.8 za nyama nje ya nchi zenye thamani ya Dola za Marekani 39,459,370.71.

Wauzaji wa nyama wameeleza changamoto wanazokutana nazo, ikiwemo masuala ya sera, sheria, usafirishaji na mitaji, na kuiomba Serikali na taasisi za fedha kushirikiana nao ili kukuza biashara hiyo.

Waziri wa Mifugo na Uvuvi Mhe. Balozi Dkt. Bashiru Ally Kakurwa akizungumza na Wauzaji wa Nyama Nje ya Nchi pamoja na wawakilishi wa taasisi za fedha wakati wa kikao kilichofanyika Gerwill Hotel Dodoma, Februari 11, 2026.

Naibu Katibu Mkuu wa Wizara ya Mifugo na Uvuvi( Mifugo) Dkt. Fabian Magawa Madele akieleza hatua zinazochukuliwa na serikali kuimarisha tasnia ya nyama nchini wakati wa kikao cha Waziri wa Mifugo na Uvuvi na Wauzaji wa Nyama nje ya Nchi kilichofanyika Gerwill Hotel Dodoma, Februari 11, 2026.

Kaimu Msajili wa Bodi ya Nyama Tanzania Bw. John Chassama akitoa taarifa ya hali ya tasnia ya nyama wakati wa kikao cha Waziri wa Mifugo na Uvuvi na Wauzaji wa Nyama nje ya Nchi kilichofanyika Gerwill Hotel Dodoma, Februari 11, 2026.

Wauzaji wa Nyama nje ya Nchi kutoka Kampuni 13 wakiwa kwenye kikao cha kujadili na kuzitafutia ufumbuzi changamoto za tasnia ya nyama nchini, kikao kilichoongozwa na Waziri wa Mifugo na Uvuvi Mhe. Balozi Dkt. Bashiru Ally Kakurwa kilichofanyika Gerwill Hotel Dodoma, Februari 11, 2026.

Waziri wa Mifugo na Uvuvi Mhe. Balozi Dkt. Bashiru Ally Kakurwa(Katikati, mbele) akiwa kwenye picha ya pamoja na Wauzaji wa Nyama nje ya Nchi na baadhi ya taasisi za fedha  baada ya kikao na wadau hao wa tasnia ya nyama kilichofanyika Gerwill Hotel Dodoma, Februari 11, 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma