SERIKALI KUIMARISHA MIKAKATI YA KUKUZA SHUGHULI ZA UKUZAJI VIUMBE MAJI ZIWA TANGANYIKA

Na. Stanley Brayton

Serikali imeendelea kufanya juhudi za kuimarisha na kuweka mikakati bora ya kukuza shughuli za Ukuzaji Viumbe maji kupitia vizimba vya kufugia samaki ambapo njia hii inalenga kuboresha zaidi Uzalishaji  wa Samaki na kukuza shughuli za uchumi kwa wananchi na kufungua fursa za uchumi.

Akizungumza kwa niaba ya Katibu Mkuu Wizara  ya Mifugo na Uvuvi, leo Januari 22, 2025 mkoani Dodoma katika Mkutano wa kujadili ni namna gani ya kuimarisha Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Shirika la Uhifadhi wa Mazingira "The Nature Conservancy" pamoja na Taasisi zingine, Mkurugenzi wa Idara ya Ukuzaji Viumbe Maji, Dkt. Nazael Madalla amesema Rais wa Jamhuri ya Muungano wa Tanzania, Mhe. Dkt. Samia Suluhu Hassan alielekeza Wizara ya Mifugo na Uvuvi kuhakikisha inahamasisha na kuendelea Ufugaji Samaki kwa njia ya Vizimba katika maeneno yote yanayofaa kiufugaji.

"hapa nchini kwetu Ziwa Tanganyika ni moja ya maeneo ambayo kuna fursa ya Ufugaji Samaki kwa njia ya Vizimba, na tumekutana hapa na wadau mbalimbali wa Ufugaji Samaki kwa njia ya Vizimba kutoka ndani ya nchi na nje ya nchi kwa ajili ya kujadili ni namna gani tutawezesha Ufugaji huu kwa jamii inayozunguka Ziwa Tanganyika, na kukubaliana kwa mikakati kuhakikisha kwamba kunakuwa na uwezeshaji pamoja na ulinzi  wa mazingira na utunzaji wa mazingira hayo ili kuleta faida nchini." amesema Dkt. Madalla

Aidha, Dkt. Madalla amesema serikali imekuwa ikifanya juhudi katika kukuza Tasnia ya Ukuzaji Viumbe Maji kwani tayari ilishapeleka Vizimba katika Ziwa Tanganyika na jana Waziri wa Mifugo na Uvuvi, Mhe. Dkt. Ashatu Kijaji alikwenda kutembelea Vizimba hivyo ambavyo vipo katika eneo la Katavi ambavyo wafugaji tayari walishaanza kufuga na Samaki wanaendelea vizuri kiasi cha kuwatia moyo wafugaji hao.

Vilevile Dkt. Madalla amesema Serikali kupitia Wizara inaendelea na zoezi la kutoa mafunzo kwa wavuvi juu ya Ufugaji Samaki kwa njia ya Vizimba, kutoa mikopo ya pembejeo,  kuendeleza maeneo ya Ufugaji,  kuanza Taratibu za kuanzisha Kituo cha Ukuzaji Viumbe Maji katika Ziwa Tanganyika, pamoja na kuhamasisha na kuwezesha Sekta Binafsi ili kuwekeza katika Uzalishaji na usambazaji wa pembejeo za Ufugaji Samaki.

Dkt. Madalla amesema kuwa kwa sasa mwitikio wa wananchi kufuga samaki kwa njia ya vizimba umeanza kuongezeka kutokana na serikali kuweka mazingira rafiki ikiwemo mikopo ambayo imekuwa ikiwanufaisha sana wafugaji wengi na baaadhi ya wadau katika Sekta wameainisha ni kwa namna gani ufugaji wa samaki kwa njia ya vizimba ulivyokuwa na tija kubwa kiuchumi kwani kwa sasa wananufaika sana kutokana na mradi huo.

Naye, Mkurugenzi wa Uvuvi kutoka Mamlaka ya Ziwa Tanganyika (LTA), Bi. Nyakorema Beatrice Marwa, amesema warsha hii inatija kubwa sana kwa sababu imekusanya wadau mbalimbali wa Tasnia ya Ukuzaji Viumbe  Maji toka Taasisi za Serikali na Binafsi na wadau wa Ziwa Tanganyika na lengo kutaka kuanda Mpango wa Utekelezaji kwa pamoja ambao haukizani na Sheria zetu na za nchi nne zinazozunguka Ziwa Tanganyika.

Pia, Meneja wa Mradi wa Ziwa Tanganyika wa Shirika la Uhifadhi wa Mazingira "The Nature Conservancy" (TNC), Bw. Fridolin Nzambimana amesema kuwa TNS wanachokifanya ni kuimarisha mashirikiano baina yao na serikali pamoja na Taasisi nyingine ili kuendeleza na kukuza Tasnia ya Ukuzaji Viumbe maji kwa njia ya kutumia Vizimba na ambayo inalinda rasilimalinza Uvuvi.

Mwakilishi wa Katibu Mkuu Wizara ya Mifugo na Uvuvi ambaye ni Mkurugenzi wa Idara ya Ukuzaji Viumbe Maji, Dkt. Nazael Madalla, akielezea kwa kutumia projekta (haipo pichani) Malengo, Sheria, Kanuni na Taratibu za Serikali na Wizara katika Ukuzaji Viumbe Maji kwa njia ya Vizimba, ni katika Mkutano wa kujadili ni namna gani ya kuimarisha Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Taasisi ya Uhifadhi wa Mazingira "The Nature Conservancy" pamoja na Taasisi zingine, kilichofanyika katika Ukumbi wa Morena, Januari 22, 2025, Dodoma.

Mkurugenzi wa Ukuzaji Viumbe Maji Shirika la Uhifadhi wa Mazingira "The Nature Conservancy", Bw. Taylor Voortees, akielezea shughuli zinazofanywa na TNC, ni katika Mkutano wa kujadili ni namna gani ya kuimarisha Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Shirika la Uhifadhi wa Mazingira "The Nature Conservancy" pamoja na Taasisi zingine, kilichofanyika katika Ukumbi wa Morena, Januari 22, 2025, Dodoma.

Mkurugenzi wa Taasisi ya Utafiti wa Uvuvi Tanzania (TAFIRI) Dkt. Ismael Kimirei, akiwasilisha hoja, ni katika Mkutano wa kujadili ni namna gani ya kuimarisha Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Shirika la Uhifadhi wa Mazingira "The Nature Conservancy" pamoja na Taasisi zingine, kilichofanyika katika Ukumbi wa Morena, Januari 22, 2025, Dodoma.

Mratibu wa Ukuzaji Viumbe Maji Ukanda wa Ziwa Tanganyika -Shirika la Uhifadhi wa Mazingira, Dkt. Imani Kapinga ,akiwasilisha hoja, ni katika Mkutano wa kujadili ni namna gani ya kuimarisha Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Shirika la Uhifadhi wa Mazingira "The Nature Conservancy" pamoja na Taasisi zingine, kilichofanyika katika Ukumbi wa Morena, Januari 22, 2025, Dodoma.

Picha ni sehemu ya wadau wa Ukuzaji Viumbe Maji, wakiwa katika Mkutano wa kujadili ni namna gani ya kuendeleza Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Taasisi ya Uhifadhi wa Mazingira "The Nature Conservancy" pamoja na Taasisi zingine, kilichofanyika katika Ukumbi wa Morena, Januari 22, 2025, Dodoma.

Mwakilishi wa Katibu Mkuu Wizara ya Mifugo na Uvuvi ambaye ni Mkurugenzi wa Idara ya Ukuzaji Viumbe Maji, Dkt. Nazael Madalla (mstari wa mbele katikati), akiwa kwenye picha ya pamoja na wadau wa Ukuzaji Viumbe Maji, ni katika Mkutano wa kujadili ni namna gani ya kuendeleza Tasnia ya Ukuzaji Viumbe Maji kwa njia ya Vizimba na mashirikiano baina ya Wizara na Taasisi ya Uhifadhi wa Mazingira "The Nature Conservancy" pamoja na Taasisi zingine, iliyofanyika katika Ukumbi wa Morena, Januari 22, 2025, Dodoma.

DKT KIJAJI AIAGIZA NARCO KUZALISHA MBEGU ZA MIFUGO, MALISHO KWA WINGI

◼️Ataka visima 6  vya maji NARCO kukamilishwa Kabla ya  January 5, 2025 

Waziri wa Mifugo na  Uvuvi Mhe. Dkt. Ashatu Kijaji ameiagiza Kampuni ya Ranchi za Taifa NARCO iliyopo Kongwa Jijini Dodoma Kuongeza wigo wa Uzalishaji wa Mbegu Bora za  Mifugo na Malisho itakayoongeza upatikanaji wa Nyama nchini na Kukuza uchumi wa Wafugaji.

Dkt. Kijaji ametoa maagizo hayo Leo Desemba 17, 2024 Wakati wa Ziara yake kwenye Kambuni ya Ranchi za Taifa NARCO na kuahidi kurudi Januari 5, 2025 ili kuona utekelezaji wa maagizo hayo.

" NARCO Mnajukumu la kuzalisha mbegu bora za aina Mbalimbali, Watanzania wanahitaji mifugo inayouzika kwa urahisi  hapa ndani ya nchi na  Kimataifa tunataka kila mfugaji akiuza Ng'ombe apate Milioni Nne hivyo nawataka Mzalishe mbegu Bora kwaajili wafugaji wetu" amesema Dkt. Kijaji.

Kuhusu uzalishaji wa Mbegu za Malisho Dkt Kijaji amemwagiza Mkurugenzi wa Uzalishaji na Maendeleo ya  Masoko Stephen Michael  kushirikiana na NARCO kukamilisha malipo ya Mkandarasi wa mradi wa visima sita wenye thamani ya milioni 700 ili visima hivyo vianze kutumika kuzalishia malisho.

" Tumetembelea mradi wa Visima hapa Narco ni mradi mkubwa serikali imetoa milioni 700 lakini umekwama kwa sababu ya madai ya Mkandarasi, sasa nataka nitakaporudi hapa Januari 5, 2025 Visima na Mabirika haya ya kunyweshea Ng'ombe  niyakute yameanza  kutumika" alisema  Dkt. Kijaji.

Kwa upande wake  Mwenyekiti wa Bodi ya NARCO Aziz Mrima  amesema bodi hiyo inajukumu la kuifanya kampuni hiyo kuzalisha  mbegu bora za mifugo zitakazoweza kushindana na wafugaji wengine barani afrika hivyo ameahidi kuyatekeleza  maelekezo ya Waziri Dkt. Kijaji.

Naye Mkurugenzi wa Uzalishaji na Maendeleo ya Masoko Stephen Michael  katika kutekeleza maelekezo hayo idara yake itaendelea kufuatilia ili kukamilika mradi huo ambapo hadi sasa tayari Bilioni 3.2 zimepatikana kwaajili ya Malipo hayo.

                                                                    

Waziri wa Mifugo na Uvuvi, Mheshimiwa Dkt. Ashatu Kachwamba Kijaji (aliyonyoosha mkono), akimuuliza Kaimu Meneja wa Ranchi za Taifa (NARCO LTD), Dkt. Nickson Mbise, juu ya aina na sifa ya ng'ombe wanaopatikana katika Ranchi ya Taifa ya Kongwa, mara alipowasili Ranchi ya Kongwa kwa ajili ya Ziara fupi ya Kikazi, Disemba 17, 2024 Kongwa - Dodoma.

 

Waziri wa Mifugo na Uvuvi, Mheshimiwa Dkt. Ashatu Kijaji (wa kwanza kushoto), akisalimiana na Mkurugenzi wa Uzalishaji na Maendeleo ya Masoko Wizara ya Mifugo na Uvuvi, Ndg. Stephen Michael, mara alipowasili Ranchi ya Kongwa kwa ajili ya Ziara fupi ya Kikazi, Disemba 17, 2024 Kongwa - Dodoma.

Mkurugenzi Mtendaji wa Kampuni ya Ranchi za Taifa (NARCO LTD), Ndg. Mohammedi Zuberi Mbwana, akitoa Ripoti ya Utendaji kazi wa NARCO, mara alipowasili Ranchi ya Kongwa kwa ajili ya Ziara fupi ya Kikazi, Disemba 17, 2024 Kongwa - Dodoma.

MKurugenzi wa Idara ya Uendelezaji wa Maeneo ya Maliso na Rasilimali za vyakula za Mifugo. Dkt. Asimwe Rwiguza (wa tatu kulia), akimuelezea Waziri wa Mifugo na Uvuvi, Mheshimiwa Dkt. Ashatu Kachwamba (wa kwanza kushoto), sifa za malisho ya majani aina ya Juncao, mara alipowasili Ranchi ya Kongwa kwa ajili ya Ziara fupi ya Kikazi, Disemba 17, 2024 Kongwa - Dodoma.

DKT. KIJAJI KUENDELEZA ALIPOISHIA ULEGA KUKUZA SEKTA ZA MIFUGO NA UVUVI

◼️ Awahimiza wataalam ushirikiano 

Waziri wa Mifugo na Uvuvi Mhe. Dkt. Ashatu Kijaji amesema katika kuendeleza na kukuza sekta za Mifugo na Uvuvi ataanzia pale alipoishia mtangulizi wake Mhe. Abdallah Ulega  ili kuendelea kuzifanya sekta hizo kuwa na mchango mkubwa zaidi kwenye pato la taifa.

Dkt. Kijaji amesema hayo Disemba 15, 2024 wakati wa makabidhiano ya nyaraka za ofisi baina yake na Mtangulizi wake huyo katika hafla  fupi iliyofanyika Makao Makuu ya wizara, Mji wa Serikali Mtumba Jijini Dodoma.

“Kaka yangu, Mhe. Ulega umefanya kazi kubwa ya kuipaisha wizara hii na mimi nitaendelea kujifunza kutoka kwako ili niweze kukimbia na kasi ambayo Mhe. Rais anaitaka” Amesema Mhe. Dkt. Kijaji.

Mhe. Dkt. Kijaji ameongeza kuwa dhamira yake ni kuona sekta za Mifugo na Uvuvi zinakuwa miongoni mwa sekta muhimu katika ustawi wa uchumi wa  Wananchi na taifa kwa ujumla huku akiwahimiza wataalamu kushirikiana hasa katika kuwahudumia wafugaji na Wavuvi ambao ndio wazalishaji wakuu wa uchumi wa sekta hizo.

Kwa upande wake aliyekuwa Waziri wa  Mifugo na Uvuvi ambaye kwa sasa ni Waziri wa Ujenzi Mhe. Abdallah Ulega amesema kwa kipindi cha miaka saba ndani ya Wizara ya Mifugo na Uvuvi kwa kushirikiana na Wataalamu wamefanikiwa  kuiweka Wizara hiyo  kwenye twasira ya kitaifa kupitia miradi mikubwa iliyozinduliwa na Rais Dkt Samia Suluhu Hassan  ambayo ni ujenzi wa bandari ya Kilwa Masoko, Ugawaji wa Vizimba na Boti kwa ajili ya ufugaji  wa samaki.

"Mhe Waziri kitu ambacho ninajivunia katika miaka saba kwenye wizara hii ni utekelezaji wa miradi mikubwa ya ujenzi wa  Bandari ya Uvuvi Kilwa Masoko na ule wa ugawaji wa Vizimba na Boti kwa wavuvi hapa nchini kwa sababu ni miradi ambayo imekwenda kugusa wananchi moja kwa moja" alisema Mhe. Ulega

Mhe. Ulega ameongeza kwa kuwataka wataalamu wa Wizara ya Mifugo na Uvuvi kumpa ushirikiano Mhe. Dkt. Kijaji ili aweze kuisaidia wizara kufanikisha usimamiaji wa miradi ili kuleta tija kwa Wananchi.

Awali akizungumza kwenye Makabidhiano hayo Katibu Mkuu wa Wizara ya Mifugo na Uvuvi Prof. Riziki Shemdoe amesema Wizara itaendeleza maono ya Mhe Ulega katika kutekeleza majukumu ya wizara katika kukuza ustawi wa sekta za mifugo na uvuvi huku akimshukuru Waziri huyo kwa uongozi wake.

Waziri wa Mifugo na Uvuvi, Mheshimiwa Dkt. Ashatu Kachwamba Kijaji (kushoto), akikabidhiwa Nyaraka za utendaji kazi kutoka kwa aliyekuwa Waziri wa Mifugo na Uvuvi ambaye kwa sasa ni Waziri wa Ujenzi, Mhe. Abdallah Hamis Ulega (kulia), mara baada ya kuwasili kwa ajili ya makabidhiano ya Ofisi na Waziri Mpya wa Mifugo na Uvuvi, makabidhiano hayo yaliyofanyika katika Ofisi za Wizara - Mtumba, Disemba 16, 2024 Dodoma.

Aliyekuwa Waziri wa Mifugo na Uvuvi ambaye kwa sasa ni Waziri wa Ujenzi, Mhe. Abdallah Hamis Ulega (katikati), akizungumza na Katibu Mkuu Wizara ya Mifugo na Uvuvi, Prof. Riziki Silas Shemdoe (kushoto), pamoja na Naibu Katibu Mkuu (Uvuvi), Dkt. Edwin Mhede (kulia), mara baada ya kuwasili kwa ajili ya makabidhiano ya Ofisi na Waziri Mpya wa Mifugo na Uvuvi, makabidhiano hayo yaliyofanyika katika Ofisi za Wizara - Mtumba, Disemba 16, 2024 Dodoma.

Aliyekuwa Waziri wa Mifugo na Uvuvi ambaye kwa sasa ni Waziri wa Ujenzi, Mhe. Abdallah Hamis Ulega (wa pili kushoto), akisalimiana na Mkurugenzi Msaidizi wa Utawala (ADA), Ndg. Samwel Mwashambwa, mara baada ya kuwasili kwa ajili ya makabidhiano ya Ofisi na Waziri Mpya wa Mifugo na Uvuvi, makabidhiano hayo yaliyofanyika katika Ofisi za Wizara - Mtumba, Disemba 16, 2024 Dodoma.

Waziri wa Mifugo na Uvuvi, Mheshimiwa Dkt. Ashatu Kachwamba Kijaji (katikati mstari wa mbele), akiwa kwenye picha ya pamoja na baadhi ya watumishi wa wa Wizara, mara baada ya makabidhiano ya Ofisi, makabidhiano hayo yaliyofanyika katika Ofisi za Wizara - Mtumba, Disemba 16, 2024 Dodoma. Wa tatu kulia ni aliyekuwa Waziri wa Mifugo na Uvuvi ambaye kwa sasa ni Waziri wa Ujenzi, Mhe. Abdallah Hamis Ulega na wa tatu kushoto ni Katibu Mkuu Wizara ya Mifugo na Uvuvi, Prof. Riziki Silas Shemdoe

WATAALAMU KUFANYA TATHMINI YA UTEKELEZAJI WA MKAKATI WA KUENDELEZA SEKTA YA NGOZI

Na. Stanley Brayton

Wataalamu wa Wizara ya Mifugo na Uvuvi na Taasisi mbalimbali za kiserikali wamekutana kwa ajili ya kufanya tathimini ya utekelezaji wa mkakati wa kuendeleza Sekta ya ngozi kwa lengo la kuangalia ni namna gani utekelezaji wa Mkakati wa Tasnia hiyo umefikia ili kuweza kuuendeleza zaidi, ikiwa ni pamoja na kubaini mapungufu yake na kuangalia mambo ya kuzingatia ili kuenda katika hatua ya kuhuisha Mkakati huo uweze kuendana na wakati uliopo.

Akizungumza, leo Novemba 28, 2024, mkoani Dodoma  katika kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, Mkurugenzi Msaidizi wa Mazao ya Mifugo, Usalama wa Chakula na Lishe - Wizara ya Mifugo na Uvuvi, Dkt. Nyamizi Bundala, amesema Tasnia ya ngozi ni moja ya tasnia muhimu hapa nchini inayotoa mchango mkubwa katika upatikanaji wa ajira, fedha za kigeni kutokana na mauzo ya ngozi nje ya nchi, na kuinua pato la wananchi pamoja na kuchangia katika Pato la Taifa kwa ujumla.  

"Wizara kwa kushirikiana na wadau mbalimbali iliandaa Mkakati wa kuendeleza Tasnia ya Ngozi (Mkakati wa Maendeleo ya Ngozi 2016-2020) kwa lengo la kuboresha na kurahisisha upatikanaji wa malighafi bora za ngozi kwa mahitaji ya viwanda na soko, na kuimarisha Sera na Mikakati ya kitaasisi kwaajili ya maendeleo ya Sekta, pamoja na kujenga ukuaji endelevu katika tasnia ya ngozi ili kuimarisha uwezo wa sekta kwa kuongeza thamani na kuendeleza Masoko." amesema Dkt. Bundala

Aidha, Dkt. Bundala amesema mkakati wa kuendeleza Tasnia ya ngozi umeainisha mpangokazi wa utekelezaji ili kufikia malengo, na mpangokazi huo umeanisha majukumu ya kila mdau na Taasisi husika ili kwa pamoja kuweza kufikia malengo yaliyowekwa katika kuendeleza Tasnia hii. 

Vilevile, Dkt. Bundala amesema serikali inaangalia ni namna gani utekelezaji wa mkakati wa Tasnia wa Maendeleo ya Tasnia ya Ngozi (Mkakati wa Maendeleo ya Ngozi 2016-2020) umefikia ili kuweza kubaini mapungufu yake kwa kuzingatia mapungufu kwa ajili ya uhusishaji wa mkakati huo na mpango kazi wake ili kuweza kufikia malengo yatakayojiwekea na hatimae kuwe na Tasnia ya ngozi shindani.

Mkurugenzi Msaidizi wa Mazao ya Mifugo, Usalama wa Chakula na Lishe Wizara ya Mifugo na Uvuvi, Dkt. Nyamizi Bundala, akizungumza na washiriki wa kikao cha kufanya Tathimini ya Utekelezaji wa Mkakati wa kuendeleza Sekta ya ngozi na kuelezea lengo mahususi la kikao, kilichofanyika katika Ofisi za NBC, Novemba 28, 2024 Dodoma.

Afisa Dawati la ngozi - Wizara ya Mifugo na Uvuvi, Bi. Mariam Muchakila (katikati), akitoa utangulizi na kuelezea malengo ya kikao, ni katika kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

Mkurugenzi wa Taasisi ya Teknolojia Dar es Salaam (DIT) - Mwanza, Dkt. Albert Mmari, akielezea mchango wa chuo cha DIT katika kutoa kozi mbalimbali za uzalishaji mali ghafi kwa kutumia ngozi, ni katika kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

Afisa Mazingira Mwandamizi - Tawala za Mikoa na Serikali za Mitaa (OR - TAMISEMI), Bw. Theodory Mulokori, akitoa maoni juu ya uwepo wa ushirikiano baina ya Taasisi ya Teknolojia Dar es Salaam (DTI) na Wakala wa Vyuo vya Mafunzo ya Mifugo (LITA) katika kuboresha zaidi uzalishaji wa ngozi kwa kutoa wataalamu wengi na elimu bora zaidi, ni katika kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

Mchumi Mwandamizi - Wizara ya Uwekezaji, Viwanda na Biashara, Bw. Gevaronge Myombe, akielezea changamoto za ufinyu wa Viwanda vya ngozi Tanzania kutokana na gharama kubwa za uzalishaji na kubainisha uwepo wa viwanda viwili tu vya ngozi Tanzania, ni katika kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

Katibu Mtendaji Chama cha Wadau wa Ngozi Tanzania (LAT), Bw. Freddy Kabala, akikumbushia malengo ya kutenga maeneo kwa ajili ya ujenzi wa viwanda vya ngozi, ni katika kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

Picha ni washiriki wa Kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

 

Mkurugenzi Msaidizi wa Mazao ya Mifugo, Usalama wa Chakula na Lishe Wizara ya Mifugo na Uvuvi, Dkt. Nyamizi Bundala (katikati waliokaa), akiwa katika picha ya pamoja na washiriki wa Kikao kazi cha Kamati ya Wataalamu cha kufanya Tathimini ya Utekelezaji wa Mkakati wa kuendeleza Sekta ya Ngozi, kilichofanyika katika Ofisi za NBC, Novemba 28, 2024 Dodoma.

MABORESHO YA KANUNI ZA UVUVI ZA MWAKA 2009 KUSAIDIA KATIKA UWEKEZAJI

Na. Stanley Brayton

Mkurugenzi wa Uvuvi Wizara ya Mifugo na Uvuvi, Prof. Mohamed Ally Sheikh amesema maboresho haya ya Kanuni za Uvuvi za mwaka 2009 yatasaidia sana katika shughuli za uwekezaji ikiwa ni pamoja na kuwavutia wawekezaji wa nje na ndani katika tasnia ya uvuvi.

Akizungumza, leo Novemba 19, 2024, mkoani Morogoro katika kikao cha kupitia Kanuni hiyo ili kubaini mapungufu na changamoto zake, Prof. Sheikh,  amesema mabadiriko haya ya kisheria yatasaidia sana katika shughuli za uwekezaji katika Sekta ya uvuvi hasa kwa kuwavutia wawekezaji kutoka nje na wawekezaji waliopo ndani ili kuwekeza katika sekta hiyo.

"kitu tunachofanya sahivi hakiepukiki kwani ni kitu cha lazima, na ni lazima kufanya maboreaho ya hizi kanuni za Uvuvi ili kuendana na hali ya sasa" amesema Prof. Sheikh

Aidha, Prof. Sheikh amesema viongozi wa ngazi za juu ya Serikali wanafanya juhudi kubwa katika kukuza biashara na kuweka mazingira mazuri ya biashara katika Sekta ya Uvuvi na hii inapelekea katika kuboresha mazingira na Kanuni ili wawekezaji wanaokuja na walioko ndani wawe na mazingira mazuri kisheria na kikanuni.

Vilevile, Prof. Sheikh amesema kuwa kuna vikwazo vingi katika Sekta ya Uvuvi ikiwemo swala la Uvuvi haramu, kwa hiyo kanuni hii itakuwa mwarobaini katika Uvuvi huo haramu na ni lazima kuwa na mikakati ya kisheria kuhakikisha kwamba tunaongeza Sekta ya Uvuvi iweze kuchangia kwa kiasi kikubwa katika pato la taifa na maisha ya watu kiujumla.

Mkurugenzi wa Uvuvi  - Wizara ya Mifugo na Uvuvi, Prof. Mohamed Ally Sheikh, akizungumza na Maafisa walioshiriki  katika Kikao cha kupitia na kuboresha Kanuni za Uvuvi za mwaka 2009 juu ya mambo ya kuzingatika katika kuboresha Kanuni hizo, kikao kilichofanyika katika Ukumbi wa Hoteli ya Flomi, Novemba 19, 2024 Morogoro.

Picha ni Maafisa wakifanya mapitio ya Kanuni za Uvuvi za mwaka 2009, ni katika Kikao cha kupitia na kuboresha Kanuni hizo, kilichofanyika katika Ukumbi wa Hoteli ya Flomi, Novemba 19, 2024 Morogoro.

Mkurugenzi wa Uvuvi  - Wizara ya Mifugo na Uvuvi, Prof. Mohamed Ally Sheikh (aliyesimama kulia), akijadiliana na maafisa walioshiriki katika Kikao cha kupitia na kuboresha Kanuni za Uvuvi za mwaka 2009 kuhusu ushirikishwaji wa wadau katika uboreshwaji wa Kanuni hizo, kikao kilichofanyika katika Ukumbi wa Hoteli ya Flomi, Novemba 19, 2024 Morogoro.

Mkurugenzi Msaidizi wa Uthibiti Ubora, Viwango na Masoko ya Uvuvi - Wizara ya Mifugo na Uvuvi, Ndg. Christian A. Nzowa (aliyesimama), akijadiliana na Maafisa walioshiriki katika Kikao cha kupitia na kuboresha Kanuni za Uvuvi za mwaka 2009 kuhusu utumizi wa nyavu zinazokubalika katika shughuli za Uvuvi, kikao kilichofanyika katika Ukumbi wa Hoteli ya Flomi, Novemba 19, 2024 Morogoro.

Mkurugenzi wa Uvuvi  - Wizara ya Mifugo na Uvuvi, Prof. Mohamed Ally Sheikh (katikati mstari wa mbele), akiwa kwenye picha ya pamoja na Maafisa walioshiriki  katika Kikao cha kupitia na kuboresha Kanuni za Uvuvi za mwaka 2009, ni baada ya kikao kilichofanyika katika Ukumbi wa Hoteli ya Flomi, Novemba 19, 2024 Morogoro.

WIZARA KUFANYA MABORESHO YA KANUNI ZA UVUVI ZA MWAKA 2009

 Na. Stanley Brayton

Wataalamu Wizara ya Mifugo na Uvuvi wamekutana kwa ajili ya kupitia na kufanyia Maboresho Kanuni za Uvuvi za mwaka 2009 kwa kufanya uchambuzi na kuandaa Rasimu ya mapendekezo ya Kanuni mpya kwa kukusanya maoni ya wadau wa uvuvi ikiwa ni njia mojawapo ya kubaini mapungufu na changamoto zilizopo katika utekelezaji wake.

Akizungumza, leo Novemba 18, 2024, mkoani Morogoro katika kikao cha kupitia Kanuni hiyo ili kubaini mapungufu na changamoto zake, Mkurugenzi Msaidizi wa Uthibiti Ubora, Viwango na Masoko ya Uvuvi - Wizara ya Mifugo na Uvuvi, Bw. Christian Nzowa,  amesema kutokana na changamoto zinazojitokeza katika usimamizi wa rasilimali za uvuvi nchini, Wizara imekuwa ikifanya marekebisho ya Kanuni za Uvuvi za mwaka 2009 mara kwa mara ili kuingiza masuala yanayohitaji mabadiliko na kukabiliana na changamoto za kipindi husika.

"kutokana na kukua kwa teknolojia na mabadiliko yanayojitokeza katika njia za mbinu za Uvuvi nchini, Imeonekana kwamba Kanuni za Uvuvi za mwaka 2009 zinahitaji kufanyiwa mapitio upya ili kuendana na hali halisi ya shughuli za uvuvi kwa sasa " amesema Bw. Nzowa

Aidha,  Bw. Nzowa amesema,  lengo kuu la mapitio ya kanuni hizi na marekebisho yake, ni kuboresha usimamizi endelevu wa rasilimali za Uvuvi, kulinda mfumo wa ekolojia, na ustawi wa jumla wa jamii inayotegemea sekta ya Uvuvi, kuimarisha udhibiti wa uvuvi na biashara haramu za mazao ya uvuvi, kujumuisha matumizi ya teknolojia katika ufuatiliaji, udhibiti na usimamizi wa shughuli za uvuvi nchini, pamoja na kuboresha utoaji wa Huduma kwa wadau wa Uvuvi na kuhakikisha usimamizi wa mazalia ya samaki.

Vilevile, Bw. Nzowa ametoa shukrani za dhati kwa Shirika la Umoja wa Kimataifa wa Kulinda Uasilia (IUCN) kwa kuwa bega  kwa bega na Wizara katika kuhakikisha kwamba rasilimali za Uvuvi nchini zinasimamiwa, kuendelezwa na kutumiwa kwa njia endelevu hususani katika suala zima la kuwa na mfumo wa Kisheria unaofanya kazi vizuri.

Naye, Mkurugenzi wa Huduma za Sheria, Bi. Neema Mwanda, amesema mapitio haya ya Kanuni za Uvuvi za mwaka 2009 yanafanyika kwani Kanuni hii ni ya muda mrefu na ina miaka 15, kiasi kwamba sasa zinapitiwa ili kuboresha zaidi na inafanyika kwa kuwashirikisha Maafisa Uvuvi, wanasheria pamoja na wadau wote wa Uvuvi

Bi. Mwanda amesema baada ya mchakato mzima kufanyika, Kanuni mpya itasaidia kurahisisha utendaji kazi kwa sababu karne hii ni ya sayansi na teknolojia na italeta mabadiliko kwa Sekta ya Uvuvi kiujumla. 

Kwa upande wake Afisa Ushirikiano wa Jamii wa Shirika la Umoja wa Kimataifa wa Kulinda Uasilia (IUCN), Bw. Innocent Edward Kilewo amesema wao kama IUCN, wapo bega kwa bega na Serikali kupitia Wizara ya Mifugo na Uvuvi katika kuhakikisha mchakato wa mapitio ya Kanuni za Uvuvi za mwaka 2009 unafanyika vizuri ili kuweza kuleta matokeo mazuri kwa serikali na wavuvi.

Pia Bw. Kilewo ameiomba Wizara kuzingatia mambo matatu wakati wa mapitio ya kanuni hizo ikiwa ni pamoja na Kuimarisha usimamizi wa ushirikiano wa uvuvi nchini Tanzania kupitia Kanuni za Uvuvi, Kuunganisha Suluhu zinazozingatia Mazingira ili kuimarisha ustahimilivu wa hali ya hewa kupitia Kanuni za Uvuvi na Kusaidia ushirikishwaji wa kijinsia kupitia Kanuni za Uvuvi.

Mwakilishi wa Mkurugenzi wa Uvuvi ambaye ni Mkurugenzi Msaidizi wa Uthibiti Ubora, Viwango na Masoko ya Uvuvi - Wizara ya Mifugo na Uvuvi, Ndg. Christian A. Nzowa, akizungumza na Maafisa walioshiriki  katika Kikao cha kupitia na kuboresha Kanuni za Uvuvi za mwaka 2009 juu ya kuzingatia mambo sita katika maboresho ya kanuni hiyo, kikao kilichofanyika katika Ukumbi wa Hoteli ya Flomi, Novemba 18, 2024 Morogoro.

Mkurugenzi wa Huduma za Sheria - Wizara ya Mifugo na Uvuvi, Bi. Neema Mwanda, akitoa utangulizi juu ya upitiaji wa kanuni za Uvuvi za mwaka 2009 ili kubaini changamoto na mapungufu, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Afisa Uvuvi Mkuu - Wizara ya Mifugo na Uvuvi, Ndg. Owen M. Kibona, akielezea baadhi ya kanuni za Uvuvi za mwaka 2009 na kukaribisha wajumbe kutoa mapendekezo ili kuboresha kanuni hiyo, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Afisa Ushirikiano wa Jamii - Shirika la Umoja wa Kimataifa wa Kulinda Uasilia (IUCN), Ndg. Innocent Edward, akitoa salamu kutoka IUCN na kuishukuru Wizara ya Mifugo na Uvuvi kwa kuanzisha mchakato wa mapitio ya kanuni za Uvuvi za mwaka 2009 na kuwaomba wazingatie mambo matatu na katika mapitio hayo, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Afisa Uvuvi Mkuu - Wizara ya Mifugo na Uvuvi, Bi. Emanuela Mawoko, akitoa mapendekezo ya Tozo katika uboreshwaji wa kanuni za Uvuvi za mwaka 2009, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Afisa Mfawidhi Ulinzi wa Rasilimali za Uvuvi - Tanga, Bw. Jacob Nalaila, akielezea na kuonesha kwa kutumia Projekta (haipo pichani) sehemu za kufanya uchambuzi, utambuzi wa mapungufu ya maeneo yaliyopendekezwa kwa kuboresha, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Mteknolojia wa Samaki Mwandamizi - Wizara ya Mifugo na Uvuvi, Bw. Masui Munda, akitoa mapendekezo ya kuboresha Kanuni, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Afisa Sheria Mwandamizi - Wizara ya Mifugo na Uvuvi, Bi. Mariam Mgendwa, akitoa mapendekezo ya kuboresha Kanuni, ni katika Kikao cha kupitia na kuboresha Kanuni hiyo ya Uvuvi, kilichofanyika katika Ukumbi wa Hoteli ya Flomi, Novemba 18, 2024 Morogoro.

Afisa Sheria - Wizara ya Mifugo na Uvuvi, Bw. Zulu Gama, akitoa mapendekezo ya kuboresha Kanuni, ni katika Kikao cha kupitia na kuboresha Kanuni za Uvuvi za mwaka 2009, kilichofanyika katika Ukumbi wa Hoteli ya Flomi, Novemba 18, 2024 Morogoro.

Picha ni moja ya kikundi cha Maafisa wakifanya mapitio ya Kanuni za Uvuvi kimakundi, ni katika Kikao cha kupitia na kuboresha Kanuni za Uvuvi za mwaka 2009, kilichofanyika katika Ukumbi wa Hoteli ya Flomi, Novemba 18, 2024 Morogoro.

Picha ni baadhi ya washiriki wa Kikao cha kupitia na kuboresha Kanuni za Uvuvi za mwaka 2009, kilichofanyika katika Ukumbi wa Hoteli ya Flomi, Novemba 18, 2024 Morogoro.